- Къазанда болса, чолпугъа чыгъар.
- Адамны сабийин сюйген джюреги, бычакъча, джитиди.
- Бир онгсуз адам адет чыгъарды, деб эштирик тюлсе.
- Уллу айтханны этмеген – уллаймаз.
- Тойгъан антын унутур.
- Шапа кёб болса, аш татымсыз болур.
- Иги адам абынса да, джангылмаз.
- Келгинчи, къонакъ уялыр, келгенден сора, къонакъбай уялыр.
- Акъыл бла адеб эгизледиле.
- Тёрде – темир таякълы, къаяда – чыпчыкъ аякълы.
- Эри аманны, къатыны – аман.
- Къыз тиширыу кеси юйюнде да къонакъды.
- Айыбны суу бла джууалмазса.
- Ана кёлю – балада, бала кёлю – талада.
- Чабар ат – джетген къыз.
- Тойгъа алгъа да барма, тойда артха да къалма.
- Эркишини аманы тиширыуну джылатыр.
- Байлыкъ болгъан джерде, тынчлыкъ джокъду.
- Ашаса, ашамаса да, бёрюню ауузу – къан.
- Ашхы тенг джолгъа салыр, аман тенг джолдан тайдырыр.
- Эринчекге кюн узун.
- Кёб джат да, бек чаб.
- Ишлегенден, къарагъан уста.
- Чомартны къолу берекет.
- Джуртун къоругъан озар.
- Къонакъ кёб келюучю юйню, къазаны отдан тюшмез.
- Асхат ашлыкъ сата, юйдегиси ачдан къата.
- Айтылгъан сёз ызына къайтмаз.
- Ауузу бла къуш тута айланады.
- Биреу ашаб къутулур, биреу джалаб тутулур.
- Кирсизни – саны таза, халалны – къаны таза.
- Адам сёзюнден белгили.
- Ёксюзню къалачы уллу кёрюнюр.
- Чомартха хар кюн да байрамды.
- Илму – джашауну джолу.
- Кюл тюбюндеги от кёрюнмейди.
- Ана – юйню кюн джарыгъы.
- Борчунг бар эсе, хурджунунга ойлаб узал.
- Башда акъыл болмаса, эки аякъгъа кюч джетер.
- Билимли ёлмез, билимсиз кёрмез.
- Итли къонакъ джарашмаз.
- Айтылгъан буйрукъ, сёгюлмез
- Ач отунчуну ачыуу – бурнунда.
- Адеб базарда сатылмаз.
- Сёз сёзню айтдырыр.
- Къан бла кирген, джан бла чыгъар.
- Джаралыны джастыгъында сау ёлюр.
- Туз, гырджын аша, тюзлюк бла джаша.
- Джылар джаш, атасыны сакъалы бла ойнар.
- Эки итни арасына сюек атма, эки адамны арасында сёз чыгъарма.
Профиль
|
||||