- Аш хазыр болса, иш харам болур.
- Адамны аманы адамны бети бла ойнар.
- Джангызны оту джарыкъ джанмаз!
- Билим – акъылны чырагъы.
- Ачыкъ джюрекге джол – ачыкъ.
- Адебни адебсизден юрен.
- Ариу сёз – къылычдан джити.
- Аман адамны тепсинге олтуртсанг, къызынгы тилер.
- Сагъышы джокъ – джукъучу, акъылы джокъ – къаугъачы.
- Келгинчи, къонакъ уялыр, келгенден сора, къонакъбай уялыр.
- Чакъырылмагъан къонакъ – орунсуз.
- Ёлген эшек бёрюден къоркъмайды.
- Тыш элде солтан болгъандан эсе, кесинги элде олтан болгъан игиди!
- Ат басханны джер билед.
- Сёз садакъдан кючлюдю.
- Ачны эсинде – аш.
- Адеб базарда сатылмаз.
- Игилик игилик бла сингдирилиучю затды.
- Арпа, будай – ащды, алтын, кюмюш а – ташды.
- Тенгни тенглиги джашай барсанг билинир.
- Бети – къучакълар, джюреги – бычакълар.
- Аманнга игилик этсенг, юйюнге сау бармазса.
- Кёрмегеннге кебек – танг, битмегеннге сакъал – танг.
- Ач да бол, токъ да бол – намысынга бек бол.
- Таугъа чыгъаллыкъ эсенг, тюзде къалма.
- Къуллукъчума, деб махтанма, къуллукъ – хаух джамчыды!
- Тюзлюк тас болмайды.
- Тойгъанлыкъ къойгъа джарашады.
- Дууулдаса – бал чибин, къонса – къара чибин.
- Джюрек кёзден алгъа кёрюр.
- Чабар ат – джетген къыз.
- Айтхан – тынч, этген – къыйын.
- Ишни ахырын ойламай, аллын башлама.
- Ёгюзню мюйюзлери ауурлукъ этмейдиле.
- Бермеген къол, алмайды.
- Ашатыргъа иш – ашхы, ишлетирге аш – ашхы.
- Ашаса, ашамаса да, бёрюню ауузу – къан.
- Адам сёзге тынгыла, акъыл сёзню ангыла.
- Чакъырылмагъан къонакъ къачан кетерин сормаз.
- Ата – билек, ана – джюрек!
- Насыблы элин сюер, насыбсыз кесин сюер.
- Къонагъынгы артмагъын алма да, алгъышын ал.
- Эринчекге кюн узун.
- Чарсда алчыны эл кёреди.
- Айран ичген – къутулду, джугъусун джалагъан – тутулду.
- Мухарны эси – ашарыкъда.
- Ёмюрлюк шохлукъну джел элтмез.
- Таула не мийик болсала да, аууш табылыр.
- Къартны бурнун сюрт да, оноугъа тут.
- Суу ичген шауданынга тюкюрме.
Профиль
|
|
|
|||