- Къызгъанчдан ычхыныр, мухардан ычхынмаз.
- Кийимни бир кюнню аясанг, минг кюннге джарар.
- Къошда джокъгъа – юлюш джокъ.
- Бичгенде ашыкъма, тикгенде ашыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Ач уят къоймаз.
- Ышармагъан – кюлмез, кюлмеген – къууанчны билмез.
- Шекер бла туз – бир болмаз, ушамагъан – юй болмаз.
- Азыкъ аз болса, эртде орун сал.
- Ашхылыкъ джерде джатмайды, аманлыкъ суугъа батмайды.
- Къан бла кирген, джан бла чыгъар.
- Къонакъ хазыр болгъанлыкъгъа, къонакъбай хазыр тюлдю.
- Билимли ёлмез, билимсиз кёрмез.
- Аман къатын сабий табса, бий болур…
- Ачыу алгъа келсе, акъыл артха къалады.
- Тюзлюк тас болмайды.
- Суу ичген шауданынга тюкюрме.
- Экеу тутушса, биреу джыгъылыр.
- Эм ашхы къайын ана мамукъ бла башынгы тешер.
- Шапа кёб болса, аш татымсыз болур.
- Баланы адам этген анады.
- Къарт айтханны этмеген, къартаймаз.
- Къобан да къуру да къобханлай турмайды, адам да къуру да патчахлай турмайды.
- Ётюрюк хапар аякъ тюбю бла джюрюйдю.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз аурууунгу алыр.
- Баш болса, бёрк табылыр.
- Алтыда кюлмеген, алтмышда кюлмез.
- Чакъырылгъанны аты, чакъырылмагъанны багъасы болур.
- Къартха ушагъан джаш – акъыллы, джашха ушагъан къарт – тели.
- Уллу сёзде уят джокъ.
- Биреу къой излей, биреу той излей.
- Шайтан алдады, тюзлюк къаргъады.
- Эл тойса, тоймагъан, эл къойса, къоймагъан.
- Сакъ юйюне сау барыр.
- Этек чакъмакълары баш джаргъан, сёлешген сёзлери таш джаргъан.
- Эл ауузу – элия.
- Арба аугъандан сора, джол кёргюзтюучю кёб болур.
- Тёзгеннге, джабылгъан эшик ачылыр.
- Адам сёзюнден белгили.
- Ишленмеген джаш – джюгенсиз ат, ишленмеген къыз – тузсуз хант.
- Чомартны къолу берекет.
- Чомартны къолун джокълукъ байлар.
- Тыш элде солтан болгъандан эсе, кесинги элде олтан болгъан игиди!
- Кёлю джокъну – джолу джокъ.
- Байлыкъ тауусулур, билим тауусулмаз.
- Тойгъан джерден туугъан джер игиди.
- Олтуруб кёрюнмей эди да, ёрге туруб кёрюне эди.
- Хансыз джомакъ болмаз.
- Къазанда болса, чолпугъа чыгъар.
Профиль
|
|
|||