- Хазыр ашха – терен къашыкъ.
- Биреуге кёлтюрген таягъынг, кесинги башынга урур.
- Таш ата билмеген, башына урур.
- Къайгъы тюбю – тенгиз.
- Алгъанда – джууукъ, бергенде – джау.
- Джарлы эскисин джамаса, къууаныр.
- Ёгюзню мюйюзлери ауурлукъ этмейдиле.
- Бермеген къол, алмайды.
- Абынмазлыкъ аякъ джокъ, джангылмазлыкъ джаякъ джокъ.
- Ишленмеклик адамлыкъды.
- Ашхылыкъ джерде джатмайды, аманлыкъ суугъа батмайды.
- Тынгылагъан тынгы бузар.
- Суу ичген шауданынга тюкюрме.
- Тил бла келеди джыр да.
- Таула не мийик болсала да, аууш табылыр.
- Джетген къыз джерли эшекни танымаз.
- Агъач халкъгъа алтынды, иссиликге салкъынды.
- Чабар ат – джетген къыз.
- Уясында не кёрсе, учханында аны этер.
- Джолда аягъынга сакъ бол, ушакъда тилинге сакъ бол.
- Урама да – ёледи, сатама да – келеди.
- Эл элде бирер малынг болгъандан эсе, бирер тенгинг болсун.
- Аджал соруб келмез, келсе, къайтыб кетмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Этни да ашады, бетни да ашады.
- Ат да турмайды бир териде.
- Тешик этген тынчды, аны джамагъан къыйынды.
- Ашаса, ашамаса да, бёрюню ауузу – къан.
- Аман хансны – урлугъу кёб.
- Киштикге къанат битсе, чыпчыкъ къалмаз эди.
- Ашын ашагъанынгы, башын да сыйла.
- Терслик кетер, тюзлюк джетер.
- Аууздан келген, къолдан келсе, ким да патчах болур эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аш кетер да бет къалыр.
- Адамны сыфатына къарама, сёзюне къара.
- Керти сёзге тёре джокъ.
- Ашлыкъ – бюртюкден, джюн – тюкден.
- Юре билмеген ит, къонакъ келтирир.
- Байма, деб да, къууанма, джарлыма, деб да, джылама.
- Элни кючю – эмеген.
- Кёб къычыргъандан – къоркъма, тынч олтургъандан – къоркъ.
- Ата Джуртча джер болмаз, туугъан элча эл болмаз.
- Иги сеники эсе да, сюйген кесимикин этеме.
- Ата джурт – алтын бешик.
- Окъугъанны бети джарыкъ.
- Келинни – келгинчи, бёркню кийгинчи кёр.
- Ашхы атаны – джашы ашхы, ашхы ананы – къызы ашхы.
- Элиб деген, элге болушур.
- Харам къарнашдан, халал тенг ашхы.
Профиль
|
|
|||