- Айтхан сёзюне табылгъан.
- Окъугъанны бети джарыкъ.
- Кийимни бичсенг, кенг бич, тар этген къыйын тюлдю.
- Окъуусуз билим – джокъ, билимсиз кюнюнг – джокъ.
- Адебни адебсизден юрен.
- Ач, тоймам, дейди, тойгъан, ач болмам, дейди.
- Аш кетер да бет къалыр.
- Ариу сёз – къылычдан джити.
- Тёрде – темир таякълы, къаяда – чыпчыкъ аякълы.
- Ёлген аслан – сау чычхан.
- Миллетни бойну – базыкъ, аны бла кюрешген – джазыкъ.
- Дуния мал дунияда къалады.
- Биреуню къыйынлыгъы бла кесинге джол ишлеме.
- Тюзню ётмеги тюзде къалса да, тас болмаз.
- Къарнынг бла ёч алма.
- Билгенни къолу къарны джандырыр.
- Аман адам элни бир-бирине джау этер.
- Ёлген ийнек сютлю болур.
- Сормай – алма, чакъырылмай – барма.
- Къатын къылыкъсыз, эр тынчлыкъсыз.
- Тенгинг джокъ эсе – изле, бар эсе – сакъла!
- Дуния аламаты сен эсенг да, игиме деб айтма.
- Джаз бир кюнню джатсанг, къыш талай кюнню абынырса.
- Эм ашхы къайын ана мамукъ бла башынгы тешер.
- Джолунга кёре – джюрюшюнг, джагъанга кёре – юлюшюнг.
- Чыкълы кюнде чыкъмагъан, чыкъса къуру кирмеген.
- Къарт бла баш аша, джаш бла аякъ аша.
- Сагъышы джокъ – джукъучу, акъылы джокъ – къаугъачы.
- Терслик кетер, тюзлюк джетер.
- Сабий болмагъан джерде, мёлек болмаз.
- Къыйынлы джети элге оноу этер.
- Асхат ашлыкъ сата, юйдегиси ачдан къата.
- Айраннга суу къош, телиге джол бош.
- Джюрекден джюрекге джол барды.
- Джарлыны тону джаз битер.
- Кёзню ачылгъаны – иги, ауузну джабылгъаны – иги.
- Къыз келсе, джумуш эте келеди, къатын келсе, ушакъ эте келеди.
- Адеби болмагъан къыз – тузсуз хант.
- Сакъалы текени да бар, мыйыгъы киштикни да бар.
- Суу кетер, таш къалыр.
- Ачны эсинде – аш.
- Джашны джигитлиги сорулур, къызны джигерлиги сорулур.
- Эр сокъур болсун, къатын тилсиз болсун.
- Келлик заман – къартлыкъ келтирир, кетген заман – джашлыкъ ёлтюрюр.
- Терек ауса, отунчу – кёб.
- Тюзлюк тас болмайды.
- Таукелге нюр джауар.
- Ариу сёз джыланны орнундан чыгъарыр.
- Билимсиз иш бармаз.
- Ишленмеклик адамлыкъды.
Профиль
|
|
|||