- Тил джюрекге джол ишлейди.
- Суугъа – таянма, джаугъа – ийнанма.
- Хазыр ашха – терен къашыкъ.
- Уллу сёлешме да, уллу къаб.
- Тик ёргени, тик энгишгеси да болады.
- Аманны эки битли тону болур, бирин сеннге кийдирир, бирин кеси киер.
- Ариу – кёзге, акъыл – джюрекге.
- Джан саулукъ бермей, сан саулукъ бермезсе.
- Сакъалы текени да бар, мыйыгъы киштикни да бар.
- Тамбла алтындан бюгюн багъыр ашхы.
- Аджашхан тёгерек айланыр.
- Ашаса, ашамаса да, бёрюню ауузу – къан.
- Эки итни арасына сюек атма, эки адамны арасында сёз чыгъарма.
- Ата – билек, ана – джюрек!
- Кёбге таш атма.
- Адебни адебсизден юрен.
- Нёгер болсанг, тенг бол, тенг болмасанг, кенг бол.
- Окъугъанны бети джарыкъ.
- Элни кючю – эмеген.
- Мени джылытмагъан кюн, меннге тиймесин!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хата – гитчеден.
- Къоркъакъны кёзю экили кёрюр.
- Телини эшигин, махтау джабар.
- Азыгъы аз, алгъа къабар, аты аман, алгъа чабар.
- Кесинг сынамагъан затны, адамгъа буюрма.
- Кюл тюбюндеги от кёрюнмейди.
- Узун джолну барсанг, бюгюн келирсе, къысха джолну барсанг, тамбла келирсе.
- Эки къатын алгъан – эки ташны ортасына башын салгъан.
- Итли къонакъ джарашмаз.
- Этни да ашады, бетни да ашады.
- Бал ашаргъа сюе эсенг, чибин ургъаннга тёз.
- Байдан умут эте, джарлыдан ёгюз багъасы къорады.
- Джарлы джети элни сёзюн этер.
- Ёзденликни джайгъан – джокълукъ.
- Аманнга алтын чыдамаз.
- Эртде тургъан джылкъычыны эркек аты тай табар.
- Тойгъан антын унутур.
- Ишни ахырын ойламай, аллын башлама.
- Сабийликде юретмесенг, уллу болса – тюзелмез.
- Байлыкъдан саулукъ ашхыды.
- Къаллай салам берсенг, аллай джууаб алырса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Биреуню тёрюнден, кесинги эшик артынг игиди.
- Джиби бир къат джетмей эди да, эки къат тарта эди.
- Киштикге къанат битсе, чыпчыкъ къалмаз эди.
- Ачылгъан эт джабылыр, кёрген кёз унутмаз.
- Сагъыш – къартлыкъгъа сюйюмчю.
- Тёзген – тёш ашар!
- Ариу сёз аурууунгу алыр.
Профиль
|
|
|||