- Ауругъанны сау билмез, ач къарынны токъ билмез.
- Айран ичген – къутулду, джугъусун джалагъан – тутулду.
- Аш берме да, къаш бер.
- Аджашхан тёгерек айланыр.
- Ач да бол, токъ да бол – намысынга бек бол.
- Джарлыны эшигин махтагъан джабар.
- Таукелге нюр джауар.
- Тойгъа алгъа да барма, тойда артха да къалма.
- Башсыз урчукъ тюзюне айланмаз.
- Къызын тута билмеген, тул этер, джашын тута билмеген, къул этер.
- От кюйдюрген, сау болса да, тот кюйдюрген, сау болмаз.
- Ишленмеклик адамлыкъды.
- Ата Джуртча джер болмаз, туугъан элча эл болмаз.
- Ишге юренсин къоллары, халкъ бла болсун джоллары.
- Биреу къой излей, биреу той излей.
- Эр сокъур болсун, къатын тилсиз болсун.
- Алим болгъандан эсе, адам болгъан къыйынды.
- Атлыны кёрсе, джаяуну буту талыр.
- Сабий кёргенин унутмаз.
- Кёбню кёрген – кёб билир.
- Аууз сакълагъан – джан сакълар.
- Тойгъан антын унутур.
- Олтуруб кёрюнмей эди да, ёрге туруб кёрюне эди.
- Ёлюк кебинсиз къалмаз.
- Эски джаугъа ышанма.
- Къалгъан ишге къар джауар.
- Билим ат болуб да чабар, къуш болуб да учар.
- Байлыкъдан саулукъ ашхыды.
- Миллетни бойну – базыкъ, аны бла кюрешген – джазыкъ.
- Хатерли къул болур.
- Къатын байлыкъны сюер, эр саулукъну сюер.
- Джюрек кёзден алгъа кёрюр.
- «Ма», - дегенни билмесенг, «бер», - дегенни билмезсе.
- Ётюрюк хапар аякъ тюбю бла джюрюйдю.
- Уллу сёзде уят джокъ.
- Кёл ашады да, кеси ашады.
- Суу кетер, таш къалыр.
- Уруну арты – къуру.
- Чомарт бергенин айтмаз.
- Илму – джашауну джолу.
- Татлы тилде – сёз ариу, чемер къолда – иш ариу.
- Ишлегенден, къарагъан уста.
- Джарлыны тону джаз битер.
- Намысы болмагъанны, сыйы болмаз.
- Билимли ёлмез, билимсиз кёрмез.
- Къартха ушагъан джаш – акъыллы, джашха ушагъан къарт – тели.
- Душманны тышы – акъ, ичи – къара.
- Джукъу тёшек сайламайды.
- Кюл тюбюндеги от кёрюнмейди.
- Чыкълы кюнде чыкъмагъан, чыкъса къуру кирмеген.
Профиль
|
|
|||