- Ауузу бла къуш тута айланады.
- Бал чибинни ургъаны – ачы, балы – татлы.
- Ашарыкъда сайлагъаннга – чий гырджын.
- Азыгъы аз, алгъа къабар, аты аман, алгъа чабар.
- Игини сыйлагъан адетди.
- Биреуге кёлтюрген таягъынг, кесинги башынга урур.
- Ойнай-ойнай кёз чыгъар.
- Азыкълы ат арымаз, къатыны аман джарымаз.
- Уллу атлама – абынырса, уллу къабма – къарылырса.
- Намысы болмагъанны, сыйы болмаз.
- Ашлыкъны арба юйге келтирир, чана базаргъа элтир.
- Джахил болса анасы, не билликди баласы?
- Миллетни бойну – базыкъ, аны бла кюрешген – джазыкъ.
- Игиге айтсанг – билир, аманнга айтсанг – кюлюр.
- Ёксюзню тилеги къабыл болур.
- Киштикге къанат битсе, чыпчыкъ къалмаз эди.
- Къыз келсе, джумуш эте келеди, къатын келсе, ушакъ эте келеди.
- Тёзген – тёш ашар!
- Билген билмегенни юретген адетди.
- Телиге акъыл салгъандан эсе, ёлгеннге джан салырса.
- Чомартны къолун джокълукъ байлар.
- Байдан умут эте, джарлыдан ёгюз багъасы къорады.
- Иги сёз – джаннга азыкъ, аман сёз башха – къазыкъ.
- Кийимни бичсенг, кенг бич, тар этген къыйын тюлдю.
- Халкъны джырын джырласанг, халкъ санга эжиу этер.
- Ач келгенни – тойдур, кеч келгенни – къондур.
- Къайгъы тюбю – тенгиз.
- Адам сёзюнден белгили.
- Къайгъыны сюйген, къайгъы табар.
- Ариу джол аджал келтирмез.
- Баш болса, бёрк табылыр.
- Итли къонакъ джарашмаз.
- Тулпарлыкъ, билекден тюл – джюрекден.
- Джетген къыз джерли эшекни танымаз.
- Къазанда болса, чолпугъа чыгъар.
- Ашхы болсанг, атынг чыгъар, аман болсанг, джанынг чыгъар.
- Джарлы тюеге минсе да, ит къабар.
- Эли джокъну – кёлю джокъ.
- Кёрмегеннге кебек – танг, битмегеннге сакъал – танг.
- Бир абыннган – минг сюрюнюр.
- Эшекге миннген – биринчи айыб, андан джыгъылгъан – экинчи айыб.
- Ат басханны джер билед.
- Аллахдан тилесенг, кёб тиле.
- Сагъышы джокъ – джукъучу, акъылы джокъ – къаугъачы.
- Ишни ахырын ойламай, аллын башлама.
- Эркишини аманы тиширыуну джылатыр.
- Джолда аягъынга сакъ бол, ушакъда тилинге сакъ бол.
- Экиндини кеч къылсанг, чабыб джетер ашхам.
- Къайтырыкъ эшигинги, къаты уруб чыкъма.
- Ашлыкъ – бюртюкден, джюн – тюкден.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72