- Тулпарлыкъ, билекден тюл – джюрекден.
- Кюл тюбюндеги от кёрюнмейди.
- Керилген да, ургъан кибикди.
- Чомартха хар кюн да байрамды.
- Ауругъан – джашаудан умутчу.
- Баш – акъыл ючюн, акъылман – халкъ ючюн.
- Гитче джилтин уллу элни джандырыр.
- Бетинги сатма, малынгы сат.
- Окъугъан озар, окъумагъан тозар.
- Къонакъ хазыр болгъанлыкъгъа, къонакъбай хазыр тюлдю.
- Аз айтсам, кёб ангылагъыз.
- Джолда аягъынга сакъ бол, ушакъда тилинге сакъ бол.
- Босагъагъа джууукъ орун болса, ашыгъыб тёрге озма.
- Окъ къызбайны джокълайды.
- Чакъырылгъанны аты, чакъырылмагъанны багъасы болур.
- Аш иеси бла татлыды.
- Ашхы – джыяр, аман – джояр.
- Тилсиз миллет джокъ болур.
- Бети къызарыучу адамны, джюреги харам болмаз.
- Къартны бурнун сюрт да, оноугъа тут.
- Ашлыкъ – бюртюкден, джюн – тюкден.
- От этилмеген джерден тютюн чыкъмайды.
- Тёгюлген тюгел джыйылмайды.
- Ишленмеген джаш – джюгенсиз ат, ишленмеген къыз – тузсуз хант.
- Ётюрюкню къуйругъу – бир тутум.
- Сууда джау джокъ, кёб сёзде магъана джокъ.
- Ана – юйню кюн джарыгъы.
- Джарлы эскисин джамаса, къууаныр.
- Ётген ёмюр – акъгъан суу.
- Босагъа таш юйге кирмей эди, тыбыр таш эшикге чыкъмай эди.
- Ётюрюкню башын керти кесер.
- Хазыр ашха – терен къашыкъ.
- Биреуге аманлыкъны тилеме да, кесинге ашхылыкъны тиле.
- Ётюрюкчюню шагъаты – къатында.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз къанатсыз учар.
- Кийиминг бла танылма, адамлыкъ бла таныл.
- Билимсиз иш бармаз.
- Тил бла келеди джыр да.
- Садакъачыны джаны – къапчыгъында.
- Сабийни джумушха джибер да, ызындан бар.
- Къазанчы аман болса, къазаны къайнамаз.
- Чыбыкълыкъда бюгюлмеген, къазыкълыкъда бюгюлмей эди.
- Биреуню эскиси биреуге джангы болмайды.
- Ётюрюкден тюбю джокъ, кёлтюрюрге джиби джокъ.
- Джуртун къоругъан озар.
- Ёлмесенг да, къарт дамы болмазса?
- Бир онгсуз адам адет чыгъарды, деб эштирик тюлсе.
- Джаным-тиним – окъуу, билим.
- Бир абыннган – минг сюрюнюр.
Профиль
|
|
|||