- Итли къонакъ джарашмаз.
- Магъанасыз сёз – тауушсуз сыбызгъы.
- Эркишиге тары кебек танг кёрюнюр.
- Ата Джуртун танымагъан, атасын да танымаз.
- Ашха уста, юйюнде болсун
- Джюрекге ариу – кёзге да ариу.
- Къыз тиширыу кеси юйюнде да къонакъды.
- Тил – миллетни джаны.
- Сагъышы джокъ – джукъучу, акъылы джокъ – къаугъачы.
- Ашлыкъны арба юйге келтирир, чана базаргъа элтир.
- Адамны адамлыгъы къыйынлыкъда айгъакъланады.
- Сабийни джумушха джибер да, ызындан бар.
- Окъуу – билимни ачхычы, окъуу – дунияны бачхычы.
- Айран тёгюлсе, джугъусу къалыр.
- Ана кёлю – балада, бала кёлю – талада.
- Байма, деб да, къууанма, джарлыма, деб да, джылама.
- Джумушакъ сёз къаты таякъны сындырыр.
- Къыз чыгъаргъан – къызыл къымжа.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таукел адам тау тешер.
- Бозаны арты дауур болур.
- Чомарт бергенин айтмаз.
- Ёзденликни джайгъан – джокълукъ.
- Ёксюзню тилеги къабыл болур.
- Суугъа – чабакъ, къаягъа – ыргъакъ.
- Бал – татлы, балдан да бала – татлы.
- Эки элинги тыйсанг, джети элде махталырса.
- Ишин билген, аны сыйын чыгъарады.
- Намысы джокъну – дуниясы джокъ.
- Эл бла кёргенинг эрелей.
- Бюгюн дуния кибик, тамбла ахыратды.
- Атлыны кёрсе, джаяуну буту талыр.
- Ханнга да келеди хариблик.
- Окъугъан озар, окъумагъан тозар.
- Чоюнну башы ачыкъ болса, итге уят керекди.
- Къралынгы – душмандан, башынгы от бла суудан сакъла.
- Джырчы ёлсе, джыры къалыр.
- Аман къатын алгъан, арыр, иги къатын алгъан джарыр.
- Татлы сёз – балдан татлы.
- Тёрдеги кюлсе, эшикдеги ышарыр.
- Сёз къанатсыз учар.
- Хар зат кесини орнуна иги.
- Къарнынг ауруса, ауузунгу тый
- Халкъгъа джарагъан, джарлы къалмаз.
- Этни бети бла шорпасы.
- Аман эсирсе, юйюн ояр.
- Кёзю сокъурдан – къоркъма, кёлю сокъурдан – къоркъ.
- Ариу сёз – джаннга азыкъ, аман сёз – башха къазыкъ.
- Аллахха ийнаннган кишини, Аллах онгдурур ишин.
- Джаш болсун, къыз болсун, акъылы, саны тюз болсун.
Профиль
|
|
|||