- Бермеген къол, алмайды.
- Алтыннга тот къонмаз.
- Тюз сёз баргъан сууну тыяр.
- Тура эдим джата, къайдан чыкъды хата?
- Ариуну – ауруу кёб.
- Ашда уялгъан – мухар, ишде уялгъан – хомух.
- Ёлмесенг да, къарт дамы болмазса?
- Къулакъдан эсе, кёзге ышан.
- Бал ашаргъа сюе эсенг, чибин ургъаннга тёз.
- Къартны сыйын кёрмеген, къартлыгъында сыйлы болмаз.
- Сёлеш деб шай берген, тохта деб, сом берген.
- Чакъырылгъанны аты, чакъырылмагъанны багъасы болур.
- Ач къарынны, токъ билмез
- От этилмеген джерден тютюн чыкъмайды.
- Къызбайны юйюне дери сюрсенг, батыр болур.
- Намыс сатылыб алынмайды.
- Эртде тургъан джылкъычыны эркек аты тай табар.
- Керилген да, ургъан кибикди.
- Тилчи тилден къаныкъмаз.
- Телини эшигин, махтау джабар.
- Джырчы джырчыгъа – къарнаш.
- Ариу джол аджал келтирмез.
- Танг атмайма десе да, кюн къоярыкъ тюйюлдю.
- Кёл – къызбай, къол – батыр.
- Илму – джашауну джолу.
- Ётген ёмюр – акъгъан суу.
- Сёз сёзню айтдырыр.
- Акъыл неден да кючлюдю.
- Дуния малгъа сатылма, кесингден телиге къатылма.
- Адам къаллай бир ишленмесе, аллай бир кесин уллу кёреди.
- Этни бети бла шорпасы.
- Тенгинг джокъ эсе – изле, бар эсе – сакъла!
- Ашхы тенг джолгъа салыр, аман тенг джолдан тайдырыр.
- Джаным-тиним – окъуу, билим.
- Тёрени джагъы джокъ.
- Къонакъ аман болса, къонакъбай джунчур
- Къонагъы джокъну – шоху джокъ.
- Айраннга суу къош, телиге джол бош.
- Телиге акъыл салгъандан эсе, ёлгеннге джан салырса.
- Чоюнну башы ачыкъ болса, итге уят керекди.
- Эки къатын алгъанны къулагъы тынгнгаймаз.
- Асхат ашлыкъ сата, юйдегиси ачдан къата.
- Байма, деб да, къууанма, джарлыма, деб да, джылама.
- Ётюрюк хапар аякъ тюбю бла джюрюйдю.
- Къарт бла баш аша, джаш бла аякъ аша.
- Арыгъан къош чамчы болур.
- Сабийликде юретмесенг, уллу болса – тюзелмез.
- Акъдан къара болмаз.
- Къонакъ кёб келюучю юйню, къазаны отдан тюшмез.
- Махтаннган къыз, тойда джукълар.
Профиль
|
|
|||