- Къобан да къуру да къобханлай турмайды, адам да къуру да патчахлай турмайды.
- Билмегенинги, билгеннге сор.
- Уллу къашыкъ эрин джыртар.
- Кеси юйюмде мен да ханма.
- Сакъламагъан затынга джолукъсанг, не бек къууанаса, не бек ачыйса.
- Аман хансны – урлугъу кёб.
- Эки итни арасына сюек атма, эки адамны арасында сёз чыгъарма.
- Чёбню кёлтюрсенг, тюбюнден сёз чыгъар.
- Эртде тургъан бла эртде юйленнген сокъуранмаз.
- Аш иеси бла татлыды.
- Эринчекге кюн узун.
- Кесинге джетмегенни, кёб сёлешме.
- Бек ашыкъгъан меннге джетсин, дегенди аракъы.
- Суу ичген шауданынга тюкюрме.
- Намысы болмагъанны, сыйы болмаз.
- Телиге акъыл салгъандан эсе, ёлгеннге джан салырса.
- Тойчу джашха къарама, къойчу джашха къара.
- Къонакъ кёб келюучю юйню, къазаны отдан тюшмез.
- Бозаны арты дауур болур.
- Ётюрюкню къуйругъу – бир тутум.
- Чыкълы кюнде чыкъмагъан, чыкъса къуру кирмеген.
- Ашха уста, юйюнде болсун
- Байдан умут эте, джарлыдан ёгюз багъасы къорады.
- Адеб этмеген, адеб кёрмез.
- Эллинг бла джау болсанг да, юйюнг бла джау болма.
- Къонакъны къачан кетерин сорма, къачан келлигин сор.
- Джаным-тиним – окъуу, билим.
- Ашатыргъа иш – ашхы, ишлетирге аш – ашхы.
- Ата Джуртуму башы болмасам да, босагъасында ташы болайым.
- Къызбайны юйюне дери сюрсенг, батыр болур.
- Къызгъанчдан ычхыныр, мухардан ычхынмаз.
- Ауурну тюбю бла, дженгилни башы бла джюрюген.
- Тёрени джагъы джокъ.
- Рысхы – сют юсюнде кёмюк кибикди.
- Мал ёлсе, сюек къалыр, адам ёлсе, иши къалыр.
- Джырчы джырчыгъа – къарнаш.
- Арпа, будай – ащды, алтын, кюмюш а – ташды.
- Онгсузну – джакъла, тенгликни – сакъла.
- Рысхысына кёре, джаш ёсер, къышлыгъына кёре, мал ёсер.
- Ач келгенни – тойдур, кеч келгенни – къондур.
- Къартны бурнун сюрт да, оноугъа тут.
- Рысхы джалгъанды: келген да этер, кетген да этер.
- Аурууну келиую тынч, кетиую – къыйын.
- Джаханимни кёрмей, джандетге кёл салмазса.
- Хатерли къул болур.
- Мухарны эси – ашарыкъда.
- Джуртун къоругъан озар.
- Къууут – джелге, берне – бошха.
- Кюл тюбюндеги от кёрюнмейди.
- Къан бла кирген, джан бла чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72