- Сагъышы джокъ – джукъучу, акъылы джокъ – къаугъачы.
- Кёкдеги болмаса, джердегин кёрмейди.
- Тёзген – тёш ашар!
- Бир абыннган – минг сюрюнюр.
- Тиширыусуз юй – отсуз от джагъа.
- Чомарт джарлы болмаз.
- Ач отунчуну ачыуу – бурнунда.
- Таукел къуру къалмаз.
- Ауругъаннга – кийик саулукъ, джетген къызгъа – чилле джаулукъ.
- Садакъачыны джаны – къапчыгъында.
- Адамны аманы адамны бети бла ойнар.
- Тамырсыз терекге таянма – джыгъылырса.
- Суугъа – таянма, джаугъа – ийнанма.
- Эрни эр этерик да, къара джер этерик да, тиширыуду.
- Байлыкъ тауусулур, билим тауусулмаз.
- Ашхылыкъ джерде джатмайды, аманлыкъ суугъа батмайды.
- Тилчи тилден къаныкъмаз.
- Ашхы сёз таш тешер.
- Иги сеники эсе да, сюйген кесимикин этеме.
- Ётген ёмюр – акъгъан суу.
- Билген билмегенни юретген адетди.
- Аманны къуугъан, аманлыкъ табар.
- Игилик игилик бла сингдирилиучю затды.
- Сютню башын джалагъан къутулур, тюбюн ичген тутулур.
- Ёзденликни джайгъан – джокълукъ.
- Башынга джетмегенни сорма.
- Билмегенинги, билгеннге сор.
- Бети къызарыучу адамны, джюреги харам болмаз.
- Кюн кёрмеген, кюн кёрсе, кюндюз чыракъ джандырыр.
- Аз айтсам, кёб ангылагъыз.
- Адебсиз адам – джюгенсиз ат.
- Мени джылытмагъан кюн, меннге тиймесин!
- Эски джаугъа ышанма.
- Къонакъ аз олтурур, кёб сынар.
- Эрине къаргъыш этген къатын, эрнин къабар.
- Орну джокъну – сыйы джокъ.
- Таукел адам тау тешер.
- Тынгылагъан тынгы бузар.
- Къаллай салам берсенг, аллай джууаб алырса.
- Тюзлюк тас болмайды.
- Эки итни арасына сюек атма, эки адамны арасында сёз чыгъарма.
- Къарт болгъан джерде, берекет болур, сабий болгъан джерде, оюн болур.
- Къарыусузгъа кюлме, онгсузгъа тийме.
- Тюзню ётмеги тюзде къалса да, тас болмаз.
- Айырылгъанланы айю ашар, бёлюннгенлени бёрю ашар.
- Кёб къычыргъандан – къоркъма, тынч олтургъандан – къоркъ.
- Таякъ этден ётер, тил сюекден ётер.
- Терек ауса, отунчу – кёб.
- Ауузу бла къуш тута айланады.
- Ач да бол, токъ да бол – намысынга бек бол.
Профиль
|
|
|||