- Сабыр джетер муратха, сабырсыз къалыр уятха.
- Кимни – тили, тиши онглу, кимни – къолу, иши онглу.
- Къууут – джелге, берне – бошха.
- Ёлген эшек бёрюден къоркъмайды.
- Ач бёрюге мекям джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бетинги сатма, малынгы сат.
- Джумушакъ сёз къаты таякъны сындырыр.
- Къартха ушагъан джаш – акъыллы, джашха ушагъан къарт – тели.
- Иги болса, тамадама – махтау, аман болса, меннге – айыб.
- Аурууну келиую тынч, кетиую – къыйын.
- Эр сокъур болсун, къатын тилсиз болсун.
- Кёрмегеннге кебек – танг, битмегеннге сакъал – танг.
- Тойчу джашха къарама, къойчу джашха къара.
- Илму – джашауну джолу.
- Джылкъыдан – ат чыгъар, тукъумдан – джаш чыгъар.
- Адам къыйынлыгъын кёлтюрюр, зауукълугъун кёлтюрмез.
- Тёзген – тёш ашар!
- Къарнынг ауруса, ауузунгу тый
- Аз сёлеш, кёб ишле.
- Хар ишни да аллы къыйынды.
- Таукел тауну аудурур.
- Башы джабылгъан челекге, кир тюшмез.
- Тил – кесген бычакъ, сёз – атылгъан окъ.
- Джыгъылгъанны сырты джерден тоймаз.
- Гугурук къычырмаса да, тангны атары къалмаз.
- Чомарт къонакъ юй иесин сыйлар.
- Тынгылагъан тынгы бузар.
- Ойнай билмеген, оюн бузар.
- Чомарт джарлы болмаз.
- Бети къызарыучу адамны, джюреги харам болмаз.
- Айраннга суу къош, телиге джол бош.
- Тенги кёбню джау алмаз, акъылы кёбню дау алмаз.
- Алма терегинден кери кетмез.
- Ач келгенни – тойдур, кеч келгенни – къондур.
- Элге къуллукъ этмеген, элге ие болмаз.
- Кесинге джетмегенни, кёб сёлешме.
- Адам къаллай бир ишленмесе, аллай бир кесин уллу кёреди.
- Къонакъ аман болса, къонакъбай джунчур
- Азыкъ аз болса, эртде орун сал.
- Бермеген къол, алмайды.
- Байма, деб да, къууанма, джарлыма, деб да, джылама.
- Зар адам ашынгы ашар, кесинги сатар.
- Къая джолда джортма, ачыкъ сёзден къоркъма.
- Дууулдаса – бал чибин, къонса – къара чибин.
- Бети бедерден, намыс сакълама.
- Рысхы – сют юсюнде кёмюк кибикди.
- Ачылгъан эт джабылыр, кёрген кёз унутмаз.
- Адамны сабийин сюйген джюреги, бычакъча, джитиди.
- Адамны аты башхача, акъылы да башхады.
Профиль
|
|
|
|||