Эльбрусоид :: Форум

Айырылгъанланы айю ашар, бёлюннгенлени бёрю ашар.
Ашарыкъда сайлагъаннга – чий гырджын.
Къарнынг къанлынга кийирир.
Кимни – тили, тиши онглу, кимни – къолу, иши онглу.
Кёкдеги болмаса, джердегин кёрмейди.
Арбаз къынгырды да, ийнек сауалмайма.
Къарын къуру болса, джюрек уру болур.
Аууздан келген, къолдан келсе, ким да патчах болур эди.
Билеги кючлю, бирни джыгъар, билими кючлю, мингни джыгъар.
Булут кёкге джарашыу, уят бетге джарашыу.
Чомартны къолу берекет.
Зарда марда джокъ.
Уллу сёлешме да, уллу къаб.
Эртде тургъан бла эртде юйленнген сокъуранмаз.
Ана къолу ачытмаз.
Ана – юйню кюн джарыгъы.
Суугъа – чабакъ, къаягъа – ыргъакъ.
Тешик этген тынчды, аны джамагъан къыйынды.
Эл бла кёргенинг эрелей.
Накъырда – кертини келечиси.
Ашын ашагъанынгы, башын да сыйла.
Джаш болсун, къыз болсун, акъылы, саны тюз болсун.
Рысхы – сют юсюнде кёмюк кибикди.
Тюзлюк шохлукъну бегитир.
Тура эдим джата, къайдан чыкъды хата?
Танг атмайма десе да, кюн къоярыкъ тюйюлдю.
Къарнынг ауруса, ауузунгу тый
Гугук кесини атын айтыб къычыргъанча, мен, мен деб нек тураса?
Къыз тиширыу кеси юйюнде да къонакъды.
Иги бла джюрюсенг, джетерсе муратынга, аман бла джюрюсенг, къалырса уятха.
Татлы сёз – балдан татлы.
Айтханы чапыракъдан ётмеген.
Бир онгсуз адам адет чыгъарды, деб эштирик тюлсе.
Тёзген – тёш ашар!
Зар адамны насыбы болмаз.
Эшекге миннген – биринчи айыб, андан джыгъылгъан – экинчи айыб.
Илму – джашауну джолу.
Таукел къуру къалмаз.
Керилген да, ургъан кибикди.
Айтхан сёзюне табылгъан.
Ач къалгъандан, кеч къалгъан къолай.
Къонакъ аз олтурур, кёб сынар.
Ишни ахырын ойламай, аллын башлама.
Джети тилни билген джети кишиди.
Байлыкъ адамны сокъур этер.
Берекет берсин деген джерде, берекет болур.
Этни бети бла шорпасы.
Шайтан алдады, тюзлюк къаргъады.
Айтылгъан буйрукъ, сёгюлмез
Джыгъылгъанны сырты джерден тоймаз.

Логин:
Пароль:
	Запомнить меня на этом компьютере

Забыли свой пароль?
Регистрация