- Къызгъанчдан ычхыныр, мухардан ычхынмаз.
- Чалманны аллы къалай башланса, арты да алай барады.
- Болджал ишни бёрю ашар.
- Адамны артындан къара сабан сюрме.
- Къарт айтханны этмеген, къартаймаз.
- Тойгъанлыкъ къойгъа джарашады.
- Уллу айтханны этмеген – уллаймаз.
- Билмезни кёзю кёрмез, этмезни къулагъы эшитмез.
- Таякъ этден ётер, тил сюекден ётер.
- Ашыкъгъан cуу, тенгизге джетмез.
- Ишленмеген джаш – джюгенсиз ат, ишленмеген къыз – тузсуз хант.
- Кёб ант этген, кёб ётюрюк айтыр.
- Кёбден умут этиб, аздан къуру къалма.
- Окъуусуз билим – джокъ, билимсиз кюнюнг – джокъ.
- Аман адам этегингден тутса, кес да къач.
- Кюл тюбюндеги от кёрюнмейди.
- Соргъан айыб тюлдю, билмеген айыбды.
- Ач къарынны, токъ билмез
- Бал ашаргъа сюе эсенг, чибин ургъаннга тёз.
- Адамны бетине къарама, адетине къара.
- Ат басханны джер билед.
- Этим кетсе да, сюегим къалыр.
- Дуния малгъа сатылма, кесингден телиге къатылма.
- Огъурлуну сёзю – суу, огъурсузну сёзю – уу.
- Чакъырылмагъан къонакъ тёрге атламаз.
- Тамырсыз терекге таянма – джыгъылырса.
- Сютден ауузу кюйген, суугъа юфгюре эди.
- Байны къызы баймакъ болса да, юйде къалмаз!
- Джашны джигитлиги сорулур, къызны джигерлиги сорулур.
- Чакъырылмагъан джерге барма, чакъырылгъан джерден къалма.
- Этни да ашады, бетни да ашады.
- Рысхы – насыбха къор.
- Телиге акъыл салгъандан эсе, ёлгеннге джан салырса.
- Сыфатында болмагъаны, суратында болмаз.
- Чакъырылгъанны аты, чакъырылмагъанны багъасы болур.
- Джол бла сёзню къыйыры джокъ.
- Сютню башын джалагъан къутулур, тюбюн ичген тутулур.
- Чомарт къонакъ юй иесин сыйлар.
- Кийим тукъум сордурур.
- Ёмюрлюк шохлукъну джел элтмез.
- Эллинг бла джау болсанг да, юйюнг бла джау болма.
- Насыблы элин сюер, насыбсыз кесин сюер.
- Мал ёлсе, сюек къалыр, адам ёлсе, иши къалыр.
- Къарнынг бла ёч алма.
- Сибиртки да сыйлы болду, кюрек да кюнлю болду.
- Шайтан алдады, тюзлюк къаргъады.
- Джаш болсун, къыз болсун, акъылы, саны тюз болсун.
- Кюлме джашха – келир башха.
- Джигер – джаннга къыйынлыкъ.
- Сууда джау джокъ, кёб сёзде магъана джокъ.
Профиль
|
|
|
|||