- Келгинчи, къонакъ уялыр, келгенден сора, къонакъбай уялыр.
- Халкъны юйю – туугъан джери.
- Телини эшигин, махтау джабар.
- Къарнынг тойгъунчу аша да, белинг талгъынчы ишле.
- Кимни – тили, тиши онглу, кимни – къолу, иши онглу.
- Кёбге таш атма.
- От этилмеген джерден тютюн чыкъмайды.
- Джашлыкъ этмеген, башлыкъ этмез.
- Ата Джуртуму башы болмасам да, босагъасында ташы болайым.
- Нёгер болсанг, тенг бол, тенг болмасанг, кенг бол.
- Джылар джаш, атасыны сакъалы бла ойнар.
- Миллетни бойну – базыкъ, аны бла кюрешген – джазыкъ.
- Элде адам къалмаса, ит тахтагъа минер.
- Эркишиге тары кебек танг кёрюнюр.
- Телиге от эт десенг, юйюнге от салыр.
- Аджашханны ызындагъы кёреди, джангылгъанны джанындагъы биледи.
- Аш хазыр болса, иш харам болур.
- Джиби бир къат джетмей эди да, эки къат тарта эди.
- Чыкълы кюнде чыкъмагъан, чыкъса къуру кирмеген.
- Джюрекге ариу – кёзге да ариу.
- Танг атмайма десе да, кюн къоярыкъ тюйюлдю.
- Сакъ юйюне сау барыр.
- Ётюрюкден тюбю джокъ, кёлтюрюрге джиби джокъ.
- Джумушакъ сёз къаты таякъны сындырыр.
- Ишге юренсин къоллары, халкъ бла болсун джоллары.
- Телиге акъыл салгъандан эсе, ёлгеннге джан салырса.
- Сууда джау джокъ, кёб сёзде магъана джокъ.
- Окъдан джара эртде-кеч болса да бителир, сёз джара, ёмюрге къалыр.
- Эл ауузу – элия.
- Ашаса, ашамаса да, бёрюню ауузу – къан.
- Кёзюнде тереги болгъан, чёбю болгъаннга кюле эди.
- Атадан ёксюз – бир ёксюз, анадан ёксюз – эки ёксюз.
- Тойгъанлыкъ къойгъа джарашады.
- Булут кёкге джарашыу, уят бетге джарашыу.
- Халкъны джырын джырласанг, халкъ санга эжиу этер.
- Акъыл бла адеб эгизледиле.
- Къонакъ аман болса, къонакъбай джунчур
- Тели турса – той бузар.
- Ёлюр джаннга, ёкюл джокъ.
- Кеси юйюмде мен да ханма.
- Бал чибинни ургъаны – ачы, балы – татлы.
- Тюзню ётмеги тюзде къалса да, тас болмаз.
- Адамны сабийин сюйген джюреги, бычакъча, джитиди.
- Юйюнг бла джау болгъандан эсе, элинг бла джау бол.
- Адам сёзюнден белгили.
- Таугъа чыгъаллыкъ эсенг, тюзде къалма.
- Биреуню тёрюнден, кесинги эшик артынг игиди.
- Дууулдаса – бал чибин, къонса – къара чибин.
- Тойгъан антын унутур.
- Гырджын – тепсини тамадасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72