- Юйлю уругъа ит чабмаз.
- Эки итни арасына сюек атма, эки адамны арасында сёз чыгъарма.
- Кирсизни – саны таза, халалны – къаны таза.
- Айныгъанлы алты кюн, тогъайгъанлы тогъуз кюн.
- Иги болса, тамадама – махтау, аман болса, меннге – айыб.
- Адеб джокъда, намыс джокъ.
- Ариу – кёзге, акъыл – джюрекге.
- Аджашханны ызындагъы кёреди, джангылгъанны джанындагъы биледи.
- Кюн – узун, ёмюр – къысха.
- Байма, деб да, къууанма, джарлыма, деб да, джылама.
- Эллинг бла джау болсанг да, юйюнг бла джау болма.
- Мал тутхан – май джалар.
- Накъырда – кертини келечиси.
- Сабий кёргенин унутмаз.
- Урама да – ёледи, сатама да – келеди.
- Адам туугъан джеринде, ит тойгъан джеринде.
- Арыгъан къош чамчы болур.
- Джырчы ёлсе, джыры къалыр.
- Окъумагъан сокъурду, сокъур ташха абыныр!
- Кёкдеги болмаса, джердегин кёрмейди.
- Бойнуму джети джерден кессенг да, мен ол ишни этеллик тюлме.
- Чакъырылмагъан къонакъ тёрге атламаз.
- Юй кюйдю да, кюйюз чыкъды, ортасындан тюйюш чыкъды.
- Айраннга суу къош, телиге джол бош.
- Таугъа чыгъаллыкъ эсенг, тюзде къалма.
- Ишни ахырын ойламай, аллын башлама.
- Халкъны джырын джырласанг, халкъ санга эжиу этер.
- Сыфатында болмагъаны, суратында болмаз.
- Кёб ант этген, кёб ётюрюк айтыр.
- Эркиши – от, тиширыу – суу.
- Тамырсыз терекге таянма – джыгъылырса.
- Адамны аманы адамны бети бла ойнар.
- Къарыусузгъа кюлме, онгсузгъа тийме.
- Ашлыкъ – бюртюкден, джюн – тюкден.
- Керилген да, ургъан кибикди.
- Чомарт къолда мал къалмаз.
- Ариу сёзде ауруу джокъ.
- Юй ишлеген балта эшикде къалыр.
- Эл элде бирер малынг болгъандан эсе, бирер тенгинг болсун.
- Джыланны къуйругъундан басарынг келсе, аны башы болгъанын унутма.
- Байлыкъ адамны сокъур этер.
- Джаш болсун, къыз болсун, акъылы, саны тюз болсун.
- Хар адамгъа кеси миннген тау кибик.
- Байны къызы баймакъ болса да, юйде къалмаз!
- Чакъырылгъанны аты, чакъырылмагъанны багъасы болур.
- Кёрмегеннге кебек – танг, битмегеннге сакъал – танг.
- Мураты болгъанны джюрек тебюую башхады.
- Тёзгеннге, джабылгъан эшик ачылыр.
- Аман адам элни бир-бирине джау этер.
- Тёрени джагъы джокъ.
Профиль
|
elya
 Эльбрусоид
Cообщений: 242
Баллов: 193
Регистрация: 13.12.2011
Последний визит: 24.01.2015 06:59:28
|
|
||||||
|
|
|
||||||