- Аджаллыгъа окъсуз шкок атылыр.
- Садакъачыны джаны – къапчыгъында.
- Рысхысына кёре, джаш ёсер, къышлыгъына кёре, мал ёсер.
- Чабакъгъа акъыл, табагъа тюшсе келеди.
- Тойчу джашха къарама, къойчу джашха къара.
- Ёлюк кебинсиз къалмаз.
- Хазыр ашха – терен къашыкъ.
- Телини эшигин, махтау джабар.
- Кёбге таш атма.
- Арбаз къынгырды да, ийнек сауалмайма.
- Бети бедерден, намыс сакълама.
- Кёпюр салгъан кеси ётер, уру къазгъан кеси кетер.
- Оюмсуз атлагъан, аджалсыз ёлюр.
- Кютгени беш эчки, сызгъыргъаны уа, джерни джарады.
- Къызын тута билмеген, тул этер, джашын тута билмеген, къул этер.
- Кийимни бир кюнню аясанг, минг кюннге джарар.
- Элде адам къалмаса, ит тахтагъа минер.
- Чомарт джарлы болмаз.
- Чоюнну башы ачыкъ болса, итге уят керекди.
- Джуртун къоругъан озар.
- Таукел къуру къалмаз.
- Чабакъ башындан чирийди.
- Байлыкъдан саулукъ ашхыды.
- Къонагъы джокъну – шоху джокъ.
- Чомартха Тейри да борчлуду.
- Мал кёб болса, джууукъ кёб болур.
- Ашхы болсанг, атынг чыгъар, аман болсанг, джанынг чыгъар.
- Къонакъны къачан кетерин сорма, къачан келлигин сор.
- Эте билген, этген этеди, эте билмеген, юретген этеди!
- Экиндини кеч къылсанг, чабыб джетер ашхам.
- Юй ишлеген балта эшикде къалыр.
- Эли джокъну – кёлю джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Эркиши – от, тиширыу – суу.
- Атынг аманнга чыкъгъандан эсе, джанынг тамагъынгдан чыкъсын.
- Ишленмеклик адамлыкъды.
- Гырджын – тепсини тамадасы.
- Тилчи тилден къаныкъмаз.
- Аман къатын алгъан, арыр, иги къатын алгъан джарыр.
- Аджашхан тёгерек айланыр.
- Къан бла кирген, джан бла чыгъар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аджашханны ызындагъы кёреди, джангылгъанны джанындагъы биледи.
- Ишге юренсин къоллары, халкъ бла болсун джоллары.
- Кёб ант этген, кёб ётюрюк айтыр.
- Джюрекге ариу – кёзге да ариу.
- Тенгни тенглиги джашай барсанг билинир.
- Бойнуму джети джерден кессенг да, мен ол ишни этеллик тюлме.
- Юйюнг бла джау болгъандан эсе, элинг бла джау бол.
- Кеси юйюмде мен да ханма.
Профиль
|
|
|||