- Дженгил джетерикме деб, узун джолну къоюб, къысхасын барма.
- Кютгени беш эчки, сызгъыргъаны уа, джерни джарады.
- Бойнуму джети джерден кессенг да, мен ол ишни этеллик тюлме.
- Акъыл неден да кючлюдю.
- Ёлген аслан – сау чычхан.
- Чабакъ башындан чирийди.
- Ёнгкюч къууана барыр, джылай келир.
- Ашын ашагъанынгы, башын да сыйла.
- Таш бла ургъанны, аш бла ур.
- Аман адамны тепсинге олтуртсанг, къызынгы тилер.
- Чёбню кёлтюрсенг, тюбюнден сёз чыгъар.
- Бюгюн дуния кибик, тамбла ахыратды.
- Ашхы сёз таш тешер.
- Къыйынлы джети элни къайгъысын этер.
- Дууулдаса – бал чибин, къонса – къара чибин.
- Джырына кёре эжиую.
- Кёб къычыргъандан – къоркъма, тынч олтургъандан – къоркъ.
- Бермеген къол, алмайды.
- Ханы къызы буюгъа-буюгъа киштик болду.
- Ана къолу ачытмаз.
- Адамны аманы адамны бети бла ойнар.
- Алим болгъандан эсе, адам болгъан къыйынды.
- Чыбыкълыкъда бюгюлмеген, къазыкълыкъда бюгюлмей эди.
- Сёлеш деб шай берген, тохта деб, сом берген.
- Чомартны къолун джокълукъ байлар.
- Этни бети бла шорпасы.
- Къарнынг къанлынга кийирир.
- Ёлюр джаннга, ёкюл джокъ.
- Адам сёзге тынгыла, акъыл сёзню ангыла.
- Джукъу тёшек сайламайды.
- Ат да турмайды бир териде.
- Къатын къылыкъсыз, эр тынчлыкъсыз.
- Игилик игилик бла сингдирилиучю затды.
- Ётюрюкню къуйругъу – бир тутум.
- Окъуусуз билим – джокъ, билимсиз кюнюнг – джокъ.
- Ауругъанны сау билмез, ач къарынны токъ билмез.
- Аз сёлеш, кёб ишле.
- Аджал соруб келмез, келсе, къайтыб кетмез.
- Къарны аманнга къазан такъдырма, къолу аманнга от джакъдырма.
- Урунуу – насыбны анасы.
- Тыш элде солтан болгъандан эсе, кесинги элде олтан болгъан игиди!
- Джогъун бар этген, барын бал этген.
- Арба аугъандан сора, джол кёргюзтюучю кёб болур.
- Ариу сёз – къылычдан джити.
- Арбаз сайлама да, хоншу сайла.
- Байлыкъ адамны сокъур этер.
- Телини эшигин, махтау джабар.
- Тойгъан джерге джети къайт.
- Къайгъы тюбю – тенгиз.
- Уллу атлама – абынырса, уллу къабма – къарылырса.
Профиль
|
||||