- Ишлегенден, къарагъан уста.
- Иесиз малны бёрю ашар.
- Къоркъакъны кёзю экили кёрюр.
- Берекет берсин деген джерде, берекет болур.
- Кесине гебен этелмеген, биреуге черен эте эди.
- Этни бети бла шорпасы.
- Мени джылытмагъан кюн, меннге тиймесин!
- Джаралыны джастыгъында сау ёлюр.
- Айырылмаз джууугъунга, унутмаз сёзню айтма.
- «Ёгюз, джаргъа джууукъ барма, меннге джюк боллукъса», - дегенди эшек.
- Зар адамны насыбы болмаз.
- Бичгенде ашыкъма, тикгенде ашыкъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишни ахырын ойламай, аллын башлама.
- Тынгылагъан тынгы бузар.
- Нарт сёз къарт болмаз.
- Гугук кесини атын айтыб къычыргъанча, мен, мен деб нек тураса?
- Татлы сёз – балдан татлы.
- Хата – гитчеден.
- Уруну арты – къуру.
- Кёбню кёрген – кёб билир.
- Окъугъан озар, окъумагъан тозар.
- Хаухну атма, ёнгкючню сатма.
- Кёзю сокъурдан – къоркъма, кёлю сокъурдан – къоркъ.
- Сабий болмагъан джерде, мёлек болмаз.
- Джырчы ёлсе, джыры къалыр.
- Юйюнгден чыкъдынг – кюнюнгден чыкъдынг.
- Атлыны кёрсе, джаяуну буту талыр.
- Айныгъанлы алты кюн, тогъайгъанлы тогъуз кюн.
- Иги – алгъыш этер, аман – къаргъыш этер.
- Джашны джигитлиги сорулур, къызны джигерлиги сорулур.
- Уллу атлама – абынырса, уллу къабма – къарылырса.
- Аман эсирсе, юйюн ояр.
- Акъыл къартда, джашда тюйюлдю – башдады.
- Къолунгдан къуймакъ ашатсанг да, атаны борчундан къутулмазса.
- Эл тойса, тоймагъан, эл къойса, къоймагъан.
- Къарт болгъан джерде, берекет болур, сабий болгъан джерде, оюн болур.
- Тёгюлген тюгел джыйылмайды.
- Адеб базарда сатылмаз.
- Мен да «сен», дейме, сен да «кесим», дейсе.
- Окъуусуз билим – джокъ, билимсиз кюнюнг – джокъ.
- Тура эдим джата, къайдан чыкъды хата?
- Сёз садакъдан кючлюдю.
- Узун джолну барсанг, бюгюн келирсе, къысха джолну барсанг, тамбла келирсе.
- Акъыллы эркиши атын махтар, акъылсыз эркиши къатынын махтар.
- Эки элинги тыйсанг, джети элде махталырса.
- Джырчы джырчыгъа – къарнаш.
- Бет бетге къараса, бет да джерге къарар.
- Кёзден кетген, кёлден да кетеди.
- Мадар болса, къадар болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72