- Эки элинги тыйсанг, джети элде махталырса.
- Борчунг бар эсе, хурджунунга ойлаб узал.
- Къонагъы джокъну – шоху джокъ.
- Бетинги сатма, малынгы сат.
- Кесинге джетмегенни, кёб сёлешме.
- Эркишиге тары кебек танг кёрюнюр.
- Джангызны оту джарыкъ джанмаз!
- Ётюрюкден тюбю джокъ, кёлтюрюрге джиби джокъ.
- Ётюрюкню къуйругъу – бир тутум.
- Аман адамны тепсинге олтуртсанг, къызынгы тилер.
- Дуния мал дунияда къалады.
- Туз, гырджын аша, тюзлюк бла джаша.
- Этни да ашады, бетни да ашады.
- Ариу сёзде ауруу джокъ.
- Уруну арты – къуру.
- Игиге айтсанг – билир, аманнга айтсанг – кюлюр.
- Ана къолу ачытмаз.
- Ишленмеген джаш – джюгенсиз ат, ишленмеген къыз – тузсуз хант.
- Тойгъанлыкъ къойгъа джарашады.
- Ёзденликни кёбю ётюрюк.
- Тин – байлыгъынг, терен саулугъунг.
- Тойгъан джерден туугъан джер игиди.
- Тил – кесген бычакъ, сёз – атылгъан окъ.
- Къанны къан бла джуума, аманны аман бла къуума.
- Акъдан къара болмаз.
- Джашлыкъ этмеген, башлыкъ этмез.
- Ауурну тюбю бла, дженгилни башы бла джюрюген.
- Джыгъылгъанны сырты джерден тоймаз.
- Ёнгкюч къууана барыр, джылай келир.
- Тойгъа барсанг, тоюб бар, эски тонунгу къоюб бар.
- Биреуню къыйынлыгъы бла кесинге джол ишлеме.
- Сабий кёргенин унутмаз.
- Тил джюрекге джол ишлейди.
- Алгъанда – джууукъ, бергенде – джау.
- Аурууну келиую тынч, кетиую – къыйын.
- Сёз сёзню айтдырыр.
- Къарны аманнга къазан такъдырма, къолу аманнга от джакъдырма.
- Аман киши кеси юйюнде – къонакъ.
- Накъырданы арты керти болур.
- Чарсда алчыны эл кёреди.
- Джырчы ёлсе, джыры къалыр.
- Таш бла ургъанны, аш бла ур.
- Баш болса, бёрк табылыр.
- Нарт сёз – тилни бети.
- Ана къойну – балагъа джандет.
- Къаллай салам берсенг, аллай джууаб алырса.
- Орундукъ тюбюнде атылсам да, орта джиликме, де да айлан.
- Байлыкъ тауусулур, билим тауусулмаз.
- Агъач халкъгъа алтынды, иссиликге салкъынды.
- Кюлме джашха – келир башха.
Профиль
|
ALANULAN
 Эльбрусоид
Cообщений: 856
Баллов: 684
Регистрация: 11.12.2011
Последний визит: 22.01.2021 00:16:02
|
|
||||||||
|
|
|
||||||||