Эльбрусоид :: Форум

Ашда уялгъан – мухар, ишде уялгъан – хомух.
Борчунг бар эсе, хурджунунга ойлаб узал.
Къазанны башы ачыкъ болса, итге уят керекди.
Чомартны къолу берекет.
Бети къызарыучу адамны, джюреги харам болмаз.
Ата джурт – алтын бешик.
Гырджын – тепсини тамадасы.
Суу ичген шауданынга тюкюрме.
Кёзю сокъурдан – къоркъма, кёлю сокъурдан – къоркъ.
Ишин билген, аны сыйын чыгъарады.
Уллу сёлешме да, уллу къаб.
Ашыкъгъан cуу, тенгизге джетмез.
Ёзденликни джайгъан – джокълукъ.
Джюрек кёзден алгъа кёрюр.
Акъыл бла адеб эгизледиле.
Джолда аягъынга сакъ бол, ушакъда тилинге сакъ бол.
Къумурсхала джыйылсала, пилни да джыгъадыла.
Эшекге миннген – биринчи айыб, андан джыгъылгъан – экинчи айыб.
Иги джашны ышаны – аз сёлешиб, кёб тынгылар.
Халкъны джырын джырласанг, халкъ санга эжиу этер.
Бек ашыкъгъан меннге джетсин, дегенди аракъы.
Ашхы атаны – джашы ашхы, ашхы ананы – къызы ашхы.
Чалманны аллы къалай башланса, арты да алай барады.
Сакъ юйюне сау барыр.
Сёз сёзню айтдырыр.
Эки ойлашыб, бир сёлешген.
Бозанг болмагъан джерге, къалагъынгы сукъма.
Кёл – къызбай, къол – батыр.
Тёзген – тёш ашар!
Тау башында, тау болмаз, джангыз терек, бау болмаз.
Игиге айтсанг – билир, аманнга айтсанг – кюлюр.
Элге къуллукъ этмеген, элге ие болмаз.
Ач – эснер, ат – кишнер.
Кирсизни – саны таза, халалны – къаны таза.
Атынг аманнга чыкъгъандан эсе, джанынг тамагъынгдан чыкъсын.
Окъугъанны бети джарыкъ.
Биреу къой излей, биреу той излей.
Артына баргъанны, къатына барма.
Ышармагъан – кюлмез, кюлмеген – къууанчны билмез.
Къонагъы джокъну – шоху джокъ.
Ашатыргъа иш – ашхы, ишлетирге аш – ашхы.
Соргъан айыб тюлдю, билмеген айыбды.
Аман эсирсе, юйюн ояр.
Тюз сёз баргъан сууну тыяр.
Адеб базарда сатылмаз.
Аман хансны – урлугъу кёб.
Эллинг бла джау болсанг да, юйюнг бла джау болма.
Хунаны тюбюн къазсанг, юсюнге ауар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Эл тойса, тоймагъан, эл къойса, къоймагъан.

Логин:
Пароль:
	Запомнить меня на этом компьютере

Забыли свой пароль?
Регистрация