- «Ёгюз, джаргъа джууукъ барма, меннге джюк боллукъса», - дегенди эшек.
- Уруну арты – къуру.
- Биреуге аманлыкъ этиб, кесинге игилик табмазса.
- Акъылсызны джууукъгъа алма, акъыллыны кенгнге салма.
- Сормай – алма, чакъырылмай – барма.
- Къарнынг къанлынга кийирир.
- Бозанг болмагъан джерге, къалагъынгы сукъма.
- Босагъагъа джууукъ орун болса, ашыгъыб тёрге озма.
- Эри аманны, къатыны – аман.
- Башынга джетмегенни сорма.
- Биреу къой излей, биреу той излей.
- Ёлюк кебинсиз къалмаз.
- Кёзю сокъурдан – къоркъма, кёлю сокъурдан – къоркъ.
- Юйюнгден чыкъдынг – кюнюнгден чыкъдынг.
- Къарт айтханны этмеген, къартаймаз.
- Кюлме джашха – келир башха.
- Билмейме деген – бир сёз
- Атлыны ашхысы, ат тизгининден билинир
- Гыдай эчки суугъа къараб, мюйюзле кёрмесе, джашма алкъын, дегенди.
- Къаллай салам берсенг, аллай джууаб алырса.
- Чабакъсыз кёлге къармакъ салгъанлыкъгъа, чабакъ тутмазса.
- Адам сёзге тынгыла, акъыл сёзню ангыла.
- Аурууну келиую тынч, кетиую – къыйын.
- Кюн – узун, ёмюр – къысха.
- Адамны артындан къара сабан сюрме.
- Эртде тургъан бла эртде юйленнген сокъуранмаз.
- Башы ишлегенни, ауузу да ишлер.
- Джан саулукъ бермей, сан саулукъ бермезсе.
- Киштикге къанат битсе, чыпчыкъ къалмаз эди.
- Ашхы атаны – джашы ашхы, ашхы ананы – къызы ашхы.
- Ана кёлю – балада, бала кёлю – талада.
- Джукъу тёшек сайламайды.
- Ат басханны джер билед.
- Элиб деген, элге болушур.
- Тёрдеги кюлсе, эшикдеги ышарыр.
- Къатын къылыкъсыз, эр тынчлыкъсыз.
- Шекер бла туз – бир болмаз, ушамагъан – юй болмаз.
- Къыз келсе, джумуш эте келеди, къатын келсе, ушакъ эте келеди.
- Халкъгъа джарагъан, джарлы къалмаз.
- Эркиши – от, тиширыу – суу.
- Къызбайны юйюне дери сюрсенг, батыр болур.
- Суугъа – чабакъ, къаягъа – ыргъакъ.
- Аман хансны – урлугъу кёб.
- Аууздан келген, къолдан келсе, ким да патчах болур эди.
- Гырджын – тепсини тамадасы.
- Тойну къарнашы – харс, джырны къарнашы – эжиу.
- Джарлы джети элни сёзюн этер.
- Къар – келтирди, суу – элтди.
- Эки къатын алгъанны къулагъы тынгнгаймаз.
- Тай асырагъан, атха минер.
Профиль
|
|
|||