- Джумушакъ терекни къурт ашар.
- Бичгенде ашыкъма, тикгенде ашыкъ.
- Ауругъан – джашаудан умутчу.
- Тюз сёз баргъан сууну тыяр.
- Арбаз къынгырды да, ийнек сауалмайма.
- Тилде сюек болмаса да, сюек сындырыр.
- Тёзген – тёш ашар!
- Алгъанда – джууукъ, бергенде – джау.
- Башсыз урчукъ тюзюне айланмаз.
- Таукел къуру къалмаз.
- Юре билмеген ит, къонакъ келтирир.
- Джолунга кёре – джюрюшюнг, джагъанга кёре – юлюшюнг.
- Кёл ашады да, кеси ашады.
- Эллинг бла джау болсанг да, юйюнг бла джау болма.
- Шайтан алдады, тюзлюк къаргъады.
- Арпа, будай – ащды, алтын, кюмюш а – ташды.
- Адамгъа аман кюн соруб келмейди.
- Башы джабылгъан челекге, кир тюшмез.
- Тил – кесген бычакъ, сёз – атылгъан окъ.
- Уллу сёзде уят джокъ.
- Джарлы джети элни сёзюн этер.
- Байлыкъ болгъан джерде, тынчлыкъ джокъду.
- Тик ёргени, тик энгишгеси да болады.
- Кесинге джетмегенни, кёб сёлешме.
- Джаш болсун, къыз болсун, акъылы, саны тюз болсун.
- Кюлме джашха – келир башха.
- Аманны тукъумуна къарама, игини тукъумун сорма.
- Тил – миллетни джаны.
- Душманны тышы – акъ, ичи – къара.
- Къобан да къуру да къобханлай турмайды, адам да къуру да патчахлай турмайды.
- Ач уят къоймаз.
- Бал ашаргъа сюе эсенг, чибин ургъаннга тёз.
- Тойгъан джерге джети къайт.
- Къазанчы аман болса, къазаны къайнамаз.
- Акъыл сабырлыкъ берир.
- Ата джурт – алтын бешик.
- Къумурсхала джыйылсала, пилни да джыгъадыла.
- Ашлыкъны арба юйге келтирир, чана базаргъа элтир.
- Эркишиге тары кебек танг кёрюнюр.
- Ашарыкъда сайлагъаннга – чий гырджын.
- Нёгер болсанг, тенг бол, тенг болмасанг, кенг бол.
- Сабий кёргенин унутмаз.
- Къонагъы джокъну – шоху джокъ.
- Къайгъы тюбю – тенгиз.
- Къарны аманнга къазан такъдырма, къолу аманнга от джакъдырма.
- Ашхы тенг джолгъа салыр, аман тенг джолдан тайдырыр.
- Байны къызы баймакъ болса да, юйде къалмаз!
- Аууз сакълагъан – джан сакълар.
- Ата – баланы уясы.
- Соргъан айыб тюлдю, билмеген айыбды.
Профиль
|
|
|||