Эльбрусоид :: Форум :: Архив форумов

Хар ишни да аллы къыйынды.
Халкъгъа джарагъан, джарлы къалмаз.
Татлы сёз – балдан татлы.
Ургъан суудан башынгы сакъла.
Адебсиз адам – джюгенсиз ат.
Арпа, будай – ащды, алтын, кюмюш а – ташды.
Агъач – джерни чырайы, кийим – эрни чырайы.
Кеси юйюмде мен да ханма.
Намысы болмагъанны, сыйы болмаз.
Ауурну тюбю бла, дженгилни башы бла джюрюген.
Ач отунчуну ачыуу – бурнунда.
Къарны аманнга къазан такъдырма, къолу аманнга от джакъдырма.
Термилгенинги табмазса, кюлгенинге тюберсе.
Хаухну атма, ёнгкючню сатма.
Хунаны тюбюн къазсанг, юсюнге ауар.
Тилчи тилден къаныкъмаз.
Ач къалгъандан, кеч къалгъан къолай.
Тенгинг джокъ эсе – изле, бар эсе – сакъла!
Садакъачыны джаны – къапчыгъында.
Чыкълы кюнде чыкъмагъан, чыкъса къуру кирмеген.
Къайгъы тюбю – тенгиз.
Ойнай-ойнай кёз чыгъар.
Сагъышы джокъ – джукъучу, акъылы джокъ – къаугъачы.
От кюйдюрген, сау болса да, тот кюйдюрген, сау болмаз.
Билим – акъылны чырагъы.
Джолунга кёре – джюрюшюнг, джагъанга кёре – юлюшюнг.
Артына баргъанны, къатына барма.
Иги адам абынса да, джангылмаз.
Айтылгъан сёз ызына къайтмаз.
Хансыз джомакъ болмаз.
Таула не мийик болсала да, аууш табылыр.
Акъыл къартда, джашда тюйюлдю – башдады.
Сакъ юйюне сау барыр.
Ат басханны джер билед.
Ач уят къоймаз.
Этек чакъмакълары баш джаргъан, сёлешген сёзлери таш джаргъан.
Сагъыш – къартлыкъгъа сюйюмчю.
Чомарт джарлы болмаз.
Акъыллы башны – тили къысха.
Эки къатын алгъанны къулагъы тынгнгаймаз.
Кёз – сюйген джерде, къол – ауругъан джерде.
Уллу сёзде уят джокъ.
Кюн – узун, ёмюр – къысха.
Насыблы элин сюер, насыбсыз кесин сюер.
Джылар джаш, атасыны сакъалы бла ойнар.
Кесинге джетмегенни, кёб сёлешме.
Билмегенинги, билгеннге сор.
Ач келгенни – тойдур, кеч келгенни – къондур.
Кенгеш болса, уруш болмаз.
Чакъырылмагъан джерге барма, чакъырылгъан джерден къалма.

Логин:
Пароль:
	Запомнить меня на этом компьютере

Забыли свой пароль?
Регистрация