- Малны кют, джерни тюрт.
- Билгенни къолу къарны джандырыр.
- Билим насыб берир, билим джолну керир.
- Чакъырылмагъан джерге барма, чакъырылгъан джерден къалма.
- Аманны эки битли тону болур, бирин сеннге кийдирир, бирин кеси киер.
- Келгинчи, къонакъ уялыр, келгенден сора, къонакъбай уялыр.
- Билимли ёлмез, билимсиз кёрмез.
- Джети тилни билген джети кишиди.
- Эл тойса, тоймагъан, эл къойса, къоймагъан.
- Джаш болсун, къыз болсун, акъылы, саны тюз болсун.
- Атадан ёксюз – бир ёксюз, анадан ёксюз – эки ёксюз.
- Хансыз джомакъ болмаз.
- Атынг аманнга чыкъгъандан эсе, джанынг тамагъынгдан чыкъсын.
- Эки ойлашыб, бир сёлешген.
- Кийим тукъум сордурур.
- Байма, деб да, къууанма, джарлыма, деб да, джылама.
- Акъыллы – эл иеси, тели – эл баласы.
- Керти сёзге тёре джокъ.
- Тиширыусуз юй – отсуз от джагъа.
- Джарлы джети элни сёзюн этер.
- Джигер – джаннга къыйынлыкъ.
- Ёксюзню тилеги къабыл болур.
- Джылыгъа джылан илешир.
- Мураты болгъанны джюрек тебюую башхады.
- Берекет берсин деген джерде, берекет болур.
- Эм ашхы къайын ана мамукъ бла башынгы тешер.
- Чакъырылгъанны аты, чакъырылмагъанны багъасы болур.
- Бичгенде ашыкъма, тикгенде ашыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Къоркъакъны кёзю экили кёрюр.
- Адамны сыфатына къарама, сёзюне къара.
- Башда акъыл болмаса, эки аякъгъа кюч джетер.
- Байлыкъ тауусулур, билим тауусулмаз.
- Термилгенинги табмазса, кюлгенинге тюберсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл бла кёргенинг эрелей.
- Аман къатын сабий табса, бий болур…
- Билим ат болуб да чабар, къуш болуб да учар.
- Ариу джол аджал келтирмез.
- Аджаллыгъа окъсуз шкок атылыр.
- Агъач халкъгъа алтынды, иссиликге салкъынды.
- Бет бетге къараса, бет да джерге къарар.
- Чабар ат – джетген къыз.
- Айтханы чапыракъдан ётмеген.
- Кирсизни – саны таза, халалны – къаны таза.
- Аллахха ийнаннган кишини, Аллах онгдурур ишин.
- Адебсиз адам – джюгенсиз ат.
- Джыгъылгъанны сырты джерден тоймаз.
- Зар адамны насыбы болмаз.
- Гугурук къычырмаса да, тангны атары къалмаз.
Профиль
|
Turk
 Эльбрусоид
Cообщений: 1414
Баллов: 1131
Регистрация: 08.12.2011
Последний визит: 21.01.2015 22:21:05
|
|
||||||
|
|
|
||||||