- Болджал ишни бёрю ашар.
- Тили узунну, намысы – къысха.
- Джылыгъа джылан илешир.
- Эл бла кёргенинг эрелей.
- Келлик заман – къартлыкъ келтирир, кетген заман – джашлыкъ ёлтюрюр.
- Суугъа – таянма, джаугъа – ийнанма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къошда джокъгъа – юлюш джокъ.
- Джюз элде джюз ёгюзюм болгъандан эсе, джюз джууугъум болсун.
- Уллу къазанда бишген эт, чий къалмаз.
- Гугурук къычырмаса да, тангны атары къалмаз.
- Арпа, будай – ащды, алтын, кюмюш а – ташды.
- Эринчекни эр алмаз, эр алса да, кёл салмаз, кёл салса да, кёб бармаз!
- Байлыкъ тауусулур, билим тауусулмаз.
- Чомартны къолу берекет.
- Келгинчи, къонакъ уялыр, келгенден сора, къонакъбай уялыр.
- Aдам боллукъ, сыфатындан белгили.
- Джигер – джаннга къыйынлыкъ.
- Сагъышы джокъ – джукъучу, акъылы джокъ – къаугъачы.
- Къызгъанчдан ычхыныр, мухардан ычхынмаз.
- Ким бла джюрюсенг, аны кёзю бла кёрюнюрсе.
- Къарт болгъан джерде, берекет болур, сабий болгъан джерде, оюн болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аякъларынгы джууургъанынга кёре узат.
- Окъумагъан сокъурду, сокъур ташха абыныр!
- Къайгъыны сюйген, къайгъы табар.
- Телини эшигин, махтау джабар.
- Кютгени беш эчки, сызгъыргъаны уа, джерни джарады.
- Байны къызы баймакъ болса да, юйде къалмаз!
- Эрни эр этерик да, къара джер этерик да, тиширыуду.
- Джерни букъусу кёкге къонмаз.
- Таш ата билмеген, башына урур.
- Джыланны къуйругъундан басарынг келсе, аны башы болгъанын унутма.
- Ашхы болсанг, атынг чыгъар, аман болсанг, джанынг чыгъар.
- Джаным-тиним – окъуу, билим.
- Татлы сёз – балдан татлы.
- Кёлю джокъну – джолу джокъ.
- Уллу сёлешме да, уллу къаб.
- Окъугъанны бети джарыкъ.
- Баргъанынга кёре болур келгенинг.
- Чыбыкълыкъда бюгюлмеген, къазыкълыкъда бюгюлмей эди.
- Нарт сёз – тилни бети.
- Ауругъанны сау билмез, ач къарынны токъ билмез.
- Сормай – алма, чакъырылмай – барма.
- Баш – акъыл ючюн, акъылман – халкъ ючюн.
- Аджалсыз ёлюм болмаз.
- Биреу къой излей, биреу той излей.
- Башы джабылгъан челекге, кир тюшмез.
- Ашхылыкъ джерде джатмайды, аманлыкъ суугъа батмайды.
- Аджал соруб келмез, келсе, къайтыб кетмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72