Эльбрусоид :: Форум

Экеу тутушса, биреу джыгъылыр.
Байлыкъдан саулукъ ашхыды.
Къыйынлы джети элге оноу этер.
От этилмеген джерден тютюн чыкъмайды.
Ач келгенни – тойдур, кеч келгенни – къондур.
Тилчи бир сагъатха айлыкъ хата этер.
Ёксюзню къалачы уллу кёрюнюр.
Асхат ашлыкъ сата, юйдегиси ачдан къата.
Алма терегинден кери кетмез.
Бир онгсуз адам адет чыгъарды, деб эштирик тюлсе.
Тюзлюк шохлукъну бегитир.
Сёз садакъдан кючлюдю.
Мухарны эси – ашарыкъда.
Гугук кесини атын айтыб къычыргъанча, мен, мен деб нек тураса?
Таукел къуру къалмаз.
Акъыл бла адеб эгизледиле.
Аш хазыр болса, иш харам болур.
Иши джокъну, сыйы джокъ.
Бек ашыкъгъан меннге джетсин, дегенди аракъы.
Джаш къарыу бла кючлю, къарт акъыл бла кючлю.
Иги адам абынса да, джангылмаз.
Баш болса, бёрк табылыр.
Ишлерге уял да, ашаргъа табма.
Ауругъаннга – кийик саулукъ, джетген къызгъа – чилле джаулукъ.
Аууздан келген, къолдан келсе, ким да патчах болур эди.
Тёгюлген тюгел джыйылмайды.
Тамырсыз терекге таянма – джыгъылырса.
Сабыр джетер муратха, сабырсыз къалыр уятха.
Ашхы болсанг, атынг чыгъар, аман болсанг, джанынг чыгъар.
Адеб этмеген, адеб кёрмез.
Юйлю уругъа ит чабмаз.
Байлыкъ тауусулур, билим тауусулмаз.
Тойгъандан сора, ашны сёкме.
Кёзю сокъурдан – къоркъма, кёлю сокъурдан – къоркъ.
Джюрекден джюрекге джол барды.
Иесиз малны бёрю ашар.
Къошда джокъгъа – юлюш джокъ.
Дуния малгъа сатылма, кесингден телиге къатылма.
Ашаса, ашамаса да, бёрюню ауузу – къан.
Айранны сюйген, ийнек тутар.
Уясында не кёрсе, учханында аны этер.
Биреуню къыйынлыгъы бла кесинге джол ишлеме.
Азыгъы аз, алгъа къабар, аты аман, алгъа чабар.
Ауругъанны сау билмез, ач къарынны токъ билмез.
Мураты болгъанны джюрек тебюую башхады.
Ач уят къоймаз.
Эли джокъну – кёлю джокъ.
Джолда аягъынга сакъ бол, ушакъда тилинге сакъ бол.
Байлыкъ келсе, акъыл кетер.
Биреу къой излей, биреу той излей.

Логин:
Пароль:
	Запомнить меня на этом компьютере

Забыли свой пароль?
Регистрация