- Болджал ишни бёрю ашар.
- От кюйдюрген, сау болса да, тот кюйдюрген, сау болмаз.
- Къазанда болса, чолпугъа чыгъар.
- Игиге айтсанг – билир, аманнга айтсанг – кюлюр.
- Джарлыны эшигин махтагъан джабар.
- Акъыл къартда, джашда тюйюлдю – башдады.
- Аллахха ийнаннган кишини, Аллах онгдурур ишин.
- Нёгерсизни джолу узун.
- Къыйынлы джети элге оноу этер.
- Хар зат кесини орнуна иги.
- Ата Джуртун танымагъан, атасын да танымаз.
- Алма терегинден кери кетмез.
- Тёрени джагъы джокъ.
- Тёгюлген тюгел джыйылмайды.
- Сёз – кюмюш, джыр – алтын.
- Азыгъы аз, алгъа къабар, аты аман, алгъа чабар.
- Къазанны башы ачыкъ болса, итге уят керекди.
- Окъ къызбайны джокълайды.
- Ёмюрлюк шохлукъну джел элтмез.
- Намысы джокъну – дуниясы джокъ.
- Ойнай-ойнай кёз чыгъар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлген аслан – сау чычхан.
- Къатын байлыкъны сюер, эр саулукъну сюер.
- Байлыкъ келсе, акъыл кетер.
- Айранны сюйген, ийнек тутар.
- Зар адам ашынгы ашар, кесинги сатар.
- Эте билген, этген этеди, эте билмеген, юретген этеди!
- Экеу тутушса, биреу джыгъылыр.
- Окъдан джара эртде-кеч болса да бителир, сёз джара, ёмюрге къалыр.
- Сютню башын джалагъан къутулур, тюбюн ичген тутулур.
- Бал чибинни ургъаны – ачы, балы – татлы.
- Мени джылытмагъан кюн, меннге тиймесин!
- Ёлген эшек бёрюден къоркъмайды.
- Аман къатын сабий табса, бий болур…
- Кёзю сокъурдан – къоркъма, кёлю сокъурдан – къоркъ.
- Кёлсюзден сёзсюз тууар.
- Сёз сёзню айтдырыр.
- Эки къатын алгъанны къулагъы тынгнгаймаз.
- Ач келгенни – тойдур, кеч келгенни – къондур.
- Ата – баланы уясы.
- Халкъны юйю – туугъан джери.
- Ариу сёз – джаннга азыкъ, аман сёз – башха къазыкъ.
- Эм уллу байлыкъ – джан саулукъ.
- Башы джабылгъан челекге, кир тюшмез.
- Орундукъ тюбюнде атылсам да, орта джиликме, де да айлан.
- Уруну арты – къуру.
- Дженгил джетерикме деб, узун джолну къоюб, къысхасын барма.
- Аманны къуугъан, аманлыкъ табар.
- Сангырау къулакъ эл бузар.
Профиль
|
|
|||