- Термилгенинги табмазса, кюлгенинге тюберсе.
- Сёз садакъдан кючлюдю.
- Бети – къучакълар, джюреги – бычакълар.
- Къызны минг тилер, бир алыр.
- Айырылмаз джууугъунга, унутмаз сёзню айтма.
- Башда акъыл болмаса, эки аякъгъа кюч джетер.
- Джигер – джаннга къыйынлыкъ.
- Билеги кючлю, бирни джыгъар, билими кючлю, мингни джыгъар.
- Тюз сёз баргъан сууну тыяр.
- Ургъан суудан башынгы сакъла.
- Тик ёргени, тик энгишгеси да болады.
- Мухар, кеси тойса да, кёзю тоймаз.
- Чыкълы кюнде чыкъмагъан, чыкъса къуру кирмеген.
- Биреу къой излей, биреу той излей.
- Аманнга алтын чыдамаз.
- Бёрю да ач къалмасын, эчки да ашалмасын.
- Рысхы джалгъанды: келген да этер, кетген да этер.
- Къайтырыкъ эшигинги, къаты уруб чыкъма.
- Ёмюрлюк шохлукъну джел элтмез.
- Сакъ юйюне сау барыр.
- Ариу сёз джыланны орнундан чыгъарыр.
- Тилчиден кери бол.
- Бетинги сатма, малынгы сат.
- Чакъырылмай келген къонакъ сыйланмай кетер.
- Садакъачыны джаны – къапчыгъында.
- Сабийни джумушха джибер да, ызындан бар.
- Тилчи бир сагъатха айлыкъ хата этер.
- Чабакъгъа акъыл, табагъа тюшсе келеди.
- Уллу атлама – абынырса, уллу къабма – къарылырса.
- Эринчекни аурууу – кёб.
- Башынга джетмегенни сорма.
- Тюзню ётмеги тюзде къалса да, тас болмаз.
- Ач – эснер, ат – кишнер.
- Аш берме да, къаш бер.
- Къартха ушагъан джаш – акъыллы, джашха ушагъан къарт – тели.
- Чомартха Тейри да борчлуду.
- Къазанчы аман болса, къазаны къайнамаз.
- Аджашхан тёгерек айланыр.
- Сакъалы текени да бар, мыйыгъы киштикни да бар.
- Уллу сёзде уят джокъ.
- Джыгъылгъанны сырты джерден тоймаз.
- Тура эдим джата, къайдан чыкъды хата?
- Билимден уллу байлыкъ джокъду.
- Биреуню къыйынлыгъы бла кесинге джол ишлеме.
- Тенгни тенглиги джашай барсанг билинир.
- Аманны эки битли тону болур, бирин сеннге кийдирир, бирин кеси киер.
- Ёнгкюч къууана барыр, джылай келир.
- Къумурсхала джыйылсала, пилни да джыгъадыла.
- Аман киши кеси юйюнде – къонакъ.
- Къызын тута билмеген, тул этер, джашын тута билмеген, къул этер.
Ошибка!
Тема не найдена.