- Айырылгъанланы айю ашар, бёлюннгенлени бёрю ашар.
- Кийиминг бла танылма, адамлыкъ бла таныл.
- Ишлегенден, къарагъан уста.
- Малны кют, джерни тюрт.
- Юй кюйдю да, кюйюз чыкъды, ортасындан тюйюш чыкъды.
- Борчунг бар эсе, хурджунунга ойлаб узал.
- Аууздан келген, къолдан келсе, ким да патчах болур эди.
- Урама да – ёледи, сатама да – келеди.
- Акъыллы башны – тили къысха.
- Билмезни кёзю кёрмез, этмезни къулагъы эшитмез.
- Тилде сюек болмаса да, сюек сындырыр.
- Тура эдим джата, къайдан чыкъды хата?
- Арпа, будай – ащды, алтын, кюмюш а – ташды.
- Нёгер болсанг, тенг бол, тенг болмасанг, кенг бол.
- Хар адамгъа кеси миннген тау кибик.
- Эм уллу байлыкъ – джан саулукъ.
- Кёбден умут этиб, аздан къуру къалма.
- Адам къыйынлыгъын кёлтюрюр, зауукълугъун кёлтюрмез.
- Тин – байлыгъынг, терен саулугъунг.
- Иги сеники эсе да, сюйген кесимикин этеме.
- Баш – акъыл ючюн, акъылман – халкъ ючюн.
- Джетген къыз джерли эшекни танымаз.
- Аман киши кеси юйюнде – къонакъ.
- Атынг аманнга чыкъгъандан эсе, джанынг тамагъынгдан чыкъсын.
- Сабыр джетер муратха, сабырсыз къалыр уятха.
- Айтылгъан сёз ызына къайтмаз.
- Этни бети бла шорпасы.
- От кюйдюрген, сау болса да, тот кюйдюрген, сау болмаз.
- Тойгъан антын унутур.
- Аурууну келиую тынч, кетиую – къыйын.
- Джыланны къуйругъундан басарынг келсе, аны башы болгъанын унутма.
- Бозаны арты дауур болур.
- Джылкъыдан – ат чыгъар, тукъумдан – джаш чыгъар.
- Татлы тилде – сёз ариу, чемер къолда – иш ариу.
- Аманнга игилик этсенг, юйюнге сау бармазса.
- Ашын ашагъанынгы, башын да сыйла.
- Ашхылыкъ джерде джатмайды, аманлыкъ суугъа батмайды.
- Бастасын ашагъан, хантусун да ичер.
- Гугурук къычырмаса да, тангны атары къалмаз.
- Аджал соруб келмез, келсе, къайтыб кетмез.
- Ачылгъан эт джабылыр, кёрген кёз унутмаз.
- От этилмеген джерден тютюн чыкъмайды.
- Миллетни бойну – базыкъ, аны бла кюрешген – джазыкъ.
- Ашхы адам – халкъ байлыгъы, ашхы джер – джашау байлыгъы.
- Чакъырылмай келген къонакъ сыйланмай кетер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бети – къучакълар, джюреги – бычакълар.
- Кютгени беш эчки, сызгъыргъаны уа, джерни джарады.
- Билимли ёлмез, билимсиз кёрмез.
- Кийим тукъум сордурур.
Ошибка!
Тема не найдена.