- Аджаллыгъа окъсуз шкок атылыр.
- Иги сеники эсе да, сюйген кесимикин этеме.
- Ёзденликни джайгъан – джокълукъ.
- Узун джолну барсанг, бюгюн келирсе, къысха джолну барсанг, тамбла келирсе.
- Адам сёзюнден белгили.
- Джолунга кёре – джюрюшюнг, джагъанга кёре – юлюшюнг.
- Башынга джетмегенни сорма.
- Адеб джокъда, намыс джокъ.
- Ханы къызы буюгъа-буюгъа киштик болду.
- Ауругъан – джашаудан умутчу.
- Къан бла кирген, джан бла чыгъар.
- Адам боллукъ, атламындан белгили болур.
- Орну джокъну – сыйы джокъ.
- Ишни аллы бла къууанма да, арты бла къууан.
- Башсыз урчукъ тюзюне айланмаз.
- Чомартны къолун джокълукъ байлар.
- Кийим тукъум сордурур.
- Къарын къуру болса, джюрек уру болур.
- Сёз садакъдан кючлюдю.
- Ётген ёмюр – акъгъан суу.
- Насыблы элин сюер, насыбсыз кесин сюер.
- Киштикге къанат битсе, чыпчыкъ къалмаз эди.
- Арба аугъандан сора, джол кёргюзтюучю кёб болур.
- Суу ичген шауданынга тюкюрме.
- Игилик игилик бла сингдирилиучю затды.
- Сабыр джетер муратха, сабырсыз къалыр уятха.
- Кесине оноу эте билмеген, халкъына да эте билмез.
- Байлыкъ келсе, акъыл кетер.
- Къонакъ хазыр болгъанлыкъгъа, къонакъбай хазыр тюлдю.
- Иги адам абынса да, джангылмаз.
- Ойнаб айтсанг да, эслеб айт.
- Ач къарным, тынч къулагъым.
- Къошда джокъгъа – юлюш джокъ.
- Къонакъ аман болса, къонакъбай джунчур
- Юйюнг бла джау болгъандан эсе, элинг бла джау бол.
- Хунаны тюбюн къазсанг, юсюнге ауар.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёксюзню тилеги къабыл болур.
- Эки итни арасына сюек атма, эки адамны арасында сёз чыгъарма.
- Аман адамны тепсинге олтуртсанг, къызынгы тилер.
- Тыш элде солтан болгъандан эсе, кесинги элде олтан болгъан игиди!
- Тилчи бир сагъатха айлыкъ хата этер.
- Душманны тышы – акъ, ичи – къара.
- Итли къонакъ джарашмаз.
- Ашхы – джыяр, аман – джояр.
- Кийимни бичсенг, кенг бич, тар этген къыйын тюлдю.
- Билимсиз иш бармаз.
- Сютню башын джалагъан къутулур, тюбюн ичген тутулур.
- Бичгенде ашыкъма, тикгенде ашыкъ.
- Айранын берсенг, челегин да къызгъанма.
Ошибка!
Тема не найдена.