Войти на сайт
28 Марта  2024 года

 

  • Аякъларынгы джууургъанынга кёре узат.
  • Къазанны башы ачыкъ болса, итге уят керекди.
  • Телини эшигин, махтау джабар.
  • Ёгюзню мюйюзлери ауурлукъ этмейдиле.
  • Ач къарынны, токъ билмез
  • Ашда – бёрю, ишде – ёлю.
  • Адамны аманы адамны бети бла ойнар.
  • Агъач халкъгъа алтынды, иссиликге салкъынды.
  • Эринчекге кюн узун.
  • Берекет берсин деген джерде, берекет болур.
  • Чабар ат – джетген къыз.
  • Сабийни джумушха джибер да, ызындан бар.
  • Арбаз къынгырды да, ийнек сауалмайма.
  • Къатын къылыкъсыз, эр тынчлыкъсыз.
  • Байлыкъ адамны сокъур этер.
  • Ариу сёз джыланны орнундан чыгъарыр.
  • Хантына кёре тузу, юйюне кёре къызы.
  • Джарлыны тону джаз битер.
  • Къатыны харакетли болса, эри къымсыз болур.
  • Ач къалгъандан, кеч къалгъан къолай.
  • Дуния мал дунияда къалады.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Баш болса, бёрк табылыр.
  • Чомарт къолда мал къалмаз.
  • Aдам боллукъ, сыфатындан белгили.
  • Иесиз малны бёрю ашар.
  • Тик ёргени, тик энгишгеси да болады.
  • Къайтырыкъ эшигинги, къаты уруб чыкъма.
  • Аман хансны – урлугъу кёб.
  • Къыз тиширыу кеси юйюнде да къонакъды.
  • Билими азны – ауузунда кирит.
  • Аджалсыз ёлюм болмаз.
  • Дууулдаса – бал чибин, къонса – къара чибин.
  • Джаханимни кёрмей, джандетге кёл салмазса.
  • Эшекни не къадар тюйсенг да, ат болмаз.
  • Кёзюнде тереги болгъан, чёбю болгъаннга кюле эди.
  • Сибиртки да сыйлы болду, кюрек да кюнлю болду.
  • Атадан ёксюз – бир ёксюз, анадан ёксюз – эки ёксюз.
  • Бал ашаргъа сюе эсенг, чибин ургъаннга тёз.
  • Ана къойну – балагъа джандет.
  • Эки къатын алгъан – эки ташны ортасына башын салгъан.
  • Тенги кёбню джау алмаз, акъылы кёбню дау алмаз.
  • Джыйырма къойну юч джыйырма эбзе кюте эди.
  • Киштикге къанат битсе, чыпчыкъ къалмаз эди.
  • Эм ашхы къайын ана мамукъ бла башынгы тешер.
  • Тёрде – темир таякълы, къаяда – чыпчыкъ аякълы.
  • Къыйынлы джети элге оноу этер.
  • Ёпкелегенни ашы татлы болады.
  • Къан бла кирген, джан бла чыгъар.
  • Намыс болмагъан джерде, насыб болмаз.

 

Ошибка!

Тема не найдена.

 

Написать нам