Войти на сайт
29 Марта  2024 года

 

  • Атадан ёксюз – бир ёксюз, анадан ёксюз – эки ёксюз.
  • Окъугъанны бети джарыкъ.
  • Игини сыйлагъан адетди.
  • Кёл – къызбай, къол – батыр.
  • Ишге юренсин къоллары, халкъ бла болсун джоллары.
  • Ашхы атаны – джашы ашхы, ашхы ананы – къызы ашхы.
  • Телиге акъыл салгъандан эсе, ёлгеннге джан салырса.
  • Джол бла сёзню къыйыры джокъ.
  • Джангызны оту джарыкъ джанмаз!
  • Биреуню тёрюнден, кесинги эшик артынг игиди.
  • Сангырау къулакъ эл бузар.
  • Ашлыкъ – бюртюкден, джюн – тюкден.
  • Джан саулукъ бермей, сан саулукъ бермезсе.
  • Ёгюзню мюйюзюнден тутадыла, адамны сёзюнден тутадыла.
  • Таукелге нюр джауар.
  • Ёлюк кебинсиз къалмаз.
  • Айранны сюйген, ийнек тутар.
  • Аякъларынгы джууургъанынга кёре узат.
  • Келинни – келгинчи, бёркню кийгинчи кёр.
  • Ойнай билмеген, уруб къачар.
  • Эски джаугъа ышанма.
  • Ётюрюкню къуйругъу – бир тутум.
  • Юйюнг бла джау болгъандан эсе, элинг бла джау бол.
  • Кюл тюбюндеги от кёрюнмейди.
  • Тешик этген тынчды, аны джамагъан къыйынды.
  • Арпа, будай – ащды, алтын, кюмюш а – ташды.
  • Нафысынгы айтханын этме, намысынгы айтханын эт.
  • Къарны аманнга къазан такъдырма, къолу аманнга от джакъдырма.
  • Алма терегинден кери кетмез.
  • Башсыз урчукъ тюзюне айланмаз.
  • Къарын къуру болса, джюрек уру болур.
  • Зарда марда джокъ.
  • Азыкъ аз болса, эртде орун сал.
  • Суугъа – таянма, джаугъа – ийнанма.
  • Ёлген ийнек сютлю болур.
  • Адам сёзюнден белгили.
  • Ана къолу ачытмаз.
  • Огъурлуну сёзю – суу, огъурсузну сёзю – уу.
  • Олтуруб кёрюнмей эди да, ёрге туруб кёрюне эди.
  • Къуллукъчума, деб махтанма, къуллукъ – хаух джамчыды!
  • Джаз бир кюнню джатсанг, къыш талай кюнню абынырса.
  • Башланнган иш битер, къымылдагъан тиш тюшер.
  • Окъумагъан сокъурду, сокъур ташха абыныр!
  • Адамны сабийин сюйген джюреги, бычакъча, джитиди.
  • Ач – эснер, ат – кишнер.
  • Сютню башын джалагъан къутулур, тюбюн ичген тутулур.
  • Агъач – джерни чырайы, кийим – эрни чырайы.
  • Джарлы тюеге минсе да, ит къабар.
  • Эринчекге кюн узун.
  • Къарт болгъан джерде, берекет болур, сабий болгъан джерде, оюн болур.

 

   RSS
Къара чачлыны Акъ сёзю. *, Ас–саляму алейкум! «Передай другому» оюнну таныймысыз? Ахшы тёре менде тохтамасын: былайда Рахайланы Диананы (форумда аты Къара чачлы) чыгъармаларын сала барлыкъма.
 
Биринчиден кесини юсюнден талай сёз.

Рахайланы Диана — эки назму китапны авторы («Къадарны этегинде..», «Сени ючюн»), Семенланы Исмайыл атлы адабият эришиуню лауреаты, «Алтын къаламны» лауреаты, журналист.

Теманы бу бёлюмде ачылгъаны да бошдан тюйюлдю: Къара чачлы ана тилибизге бир да сакъды, КЪМКЪУ–ну «Малкъар тил бла адабият» бёлюмюнде жетишимли окъугъаны анга шагъатды ( тюзю, форумда хар ачхан темасы да шагъатды анга).

* Темагъа ат Лайпанланы Билалны Диананы назмуларыны юсюнден статьясы бергенди.
Страницы: Пред. 1 2 3 4 5
Ответы
 
Цитата
Къара чачлы пишет:
Сэстренка,
Гульнара Къубадийланы.Хар кимге жангы ат атайса))).
Гульнанара Малкъар диалектде сёлешеди да литература диалектде уа къоркъуп сёлешеди.Сора кёп халатла этгенден тышында, текстны биринчи кёргенча окъугъан жерлери да асламды.
Гульнара эсе Гульнарады, мен танымайма, атын билмейме, излеб табханма. Къайдам - къайдам, сен айтханча къоркъуб окъугъанын да кермейме, биринчи керюб окъугъанча да кермейме текстни. Бек сыйдам бардырады)). Бир кесек акъыртыныракъчыкъ окъуса боллукъ да болур эди, къоркъгъан къой эсенг)).
Я самая классная на форуме))))))))))))))
 
Сэстренка,
Ол алыкъа жаш адамды, бир талай жылдан профессионал болгъанын да кёрюрбюз Аллах айтса!))
"Къадарны этегинде...","Сени ючюн"...(с)
 
Къара чачлы, мен бусагъатда да эм бек аны джаратам, аны бла Арипаны. СОра Къарачай джанында, айтханымча, Людмила Биджиеваны.
Сен Софикошканы джаратамыса селешгенин ана тилде?
Я самая классная на форуме))))))))))))))
 
Сэстренка,
Софикошка? Ол ким эди? Суратын бир кёрейим, унутханма.
Эс дегеним осалды))
"Къадарны этегинде...","Сени ючюн"...(с)
 
Ауругъанма...

Ауругъанма. Алгъанды ичими ауруу...
Тутмай санларым, кетеди акъылым...
Муну хорларгъа табалырмамы къарыу,
Жутулурму ичинде акъ жашлыгъым?

Аяусуз кёп кёргенме мен аурууланы!
Тамагъыма дери аладан тойгъанма...
Ичимде тыйып ачы тарыгъуланы,
Ёз жюрегими кёп кере сойгъанма!

Энди уа ауруйма дармансыз ауруудан,
Кёрмедим быллай кюйсюзюн, ачысын!
Къайры кетсин, башымы алып, жазыудан?
Къайры кетейим жюрексиз, ахырсы?

Ауруулу болгъанма. Багъылмазма энди.
Сюймеклик этгенди чархымы ёртен!
Бу ауруудан мен ёлюп кетсем "Келгенди",-
Деп шыбырдарсыз къулагъыма экен.

2014 жыл. Октябрь.
"Къадарны этегинде...","Сени ючюн"...(с)
 
Бюгюн бир бек келеди жашарым...


Бюгюн жашарым келеди бир бек ,
Къыйын болса да жашауну жолу.
Сабийлериме керекди билек,
Аз болур жангыз атаны къолу.

Бюгюн жашарым келеди бир бек,
Кёрсем кёзлерин жашны бла къызны.
Таш башында да чагъады терек,
Буз жолда Мен да къойгъанма ызны!

Бюгюн жашарым келеди бир бек,
Учуп чыгъарыкъ кибикме таугъа!
Манга къарыу бергенча тёгерек,
Чамланмайма ачыуумдан жаугъа!

Эшитгенли "анам " дегенни мен,
Жашау алгъанды бир ариу тюрсюн.
Ана болуп, сабийчигин кёрген,
Душманына да къызгъанмаз сютюн.

Насыпды- сынагъан аналыкъны!
Мен 'а насыплыма эки къаты!
Жерде багъасыз, чексиз байлыкъны
" Сабийчикди " тюрленмезлик аты!

Хар ата, ана да сабий ючюн
Ишлейди, жашайды, ёледи...
Аямайды саулугъун не кючюн,
Баласында- жашауун кёреди!

Сабийсиз жашау- кёгетсиз терек,
Бармыды да аны магъанасы?
Бу хаух дунияда адам керек,
Не ючюн да жашайбыз баласыз?

Бюгюн толуду мени дуниям!
Атам, анам, баш ием, къыз бла жаш!
Сыйлы Аллах, таркъаймасын уям,
Бек тилейме сенден, урама баш!

Бюгюн бир бек келеди жашарым...
"Къадарны этегинде...","Сени ючюн"...(с)
 
Къара чачлы, Аллах сабийлерингден, юйдегингден къууандырсын! Насыбын ангылай билген, шукур эте билген , ол да кесича бир насыбды :гоккачыкъ:
Я самая классная на форуме))))))))))))))
 
Сэстренка,, сау бол, Амин Аллах! Биргелей 🌷😙.
Сен да жашауунгдан къууан, муратларынга жет 🌝.
"Къадарны этегинде...","Сени ючюн"...(с)
 
"Журтларына термиле ёлгенлеге " ...

Жатасыз Азияны къум тюзлеринде,
Энди кёрмезсиз Кавказ тауланы.
Туудукъларыгъыз а тюшлеринде
Эшителле тансыкъ ауазланы...

Мен толу билеме, жатмайсыз тынчайып,
Тыш жерде къабыр- такъырды энчи.
Бюгюн а мен кесиме салмайма айып,
Бу азап ючюн болама дертчи!

От чагъасыз, тырнайсыз къабыр ташланы,
Акъ тауланы жаннетде кёресиз!
Тансыкълайсыз къарачай жашланы,
Ала бла кеталмай, энтта да ёлесиз!!!

Жарлыла, ичигизде бар кебинсизле,
Жангы туугъанчыкъла, мёлекчикле!
Аланы басдыргъан анала не этсинле?
Бош къалдыла сизден кёлекчикле...

Бюгюн этмейсиз сиз хахай не къычырыкъ,
Тауушугъуз чыкъмайды, болгъансыз шум!
Сюргюн кюнледе ачы -ачы къычырып,
Энди жутуп барады сизни къум...

Ата журтларындан къысталып ёлгенле,
Сынап жаланнгачлыкъны, ачлыкъны!
Артыкълыкъны, зорлукъну кёргенле,
Сынамай кетгенле жашлыкъны, къартлыкъны.

Туугъанла жашаргъа эм ёсерге,
Тюшдюгюз къарангыгъа, кюн кёрмей!
Ана боллукъ къызла, чыгъып эрге,
Андан эсе къалгъы эдигиз бу дуниягъа келмей...

Тынч жатмайсыз, сизге тынчлыкъ къайда?
Жанларыгъыз эки журтну арасында...
Тынчайыр эдигиз жатсагъыз Къарачайда,
Ол дунияда да турасыз 43 жылны къарасында...

Келирме Къарачайдан топуракъ алып,
Алай бла тынчлыкъ табарыкъ эсем сизге!
Къаллыкъ болсам да жаныгъызда къалып,
Бурхучукъ себерме хар биригизге!
"Къадарны этегинде...","Сени ючюн"...(с)
Страницы: Пред. 1 2 3 4 5
Читают тему (гостей: 1)

 

Написать нам