Войти на сайт
29 Марта  2024 года

 

  • Соргъан айыб тюлдю, билмеген айыбды.
  • Садакъачыны джаны – къапчыгъында.
  • Джаралыны джастыгъында сау ёлюр.
  • Нафысынгы айтханын этме, намысынгы айтханын эт.
  • Чоюнну башы ачыкъ болса, итге уят керекди.
  • Хар зат кесини орнуна иги.
  • Сёз – кюмюш, джыр – алтын.
  • Тамырсыз терекге таянма – джыгъылырса.
  • Терек ауса, отунчу – кёб.
  • Кийимни бичсенг, кенг бич, тар этген къыйын тюлдю.
  • Эллинг бла джау болсанг да, юйюнг бла джау болма.
  • Айырылгъанланы айю ашар, бёлюннгенлени бёрю ашар.
  • Къызын тута билмеген, тул этер, джашын тута билмеген, къул этер.
  • Къыз келсе, джумуш эте келеди, къатын келсе, ушакъ эте келеди.
  • Хазыр ашха – терен къашыкъ.
  • Аллахха ийнаннган кишини, Аллах онгдурур ишин.
  • Игилик игилик бла сингдирилиучю затды.
  • Ана кёлю – балада, бала кёлю – талада.
  • Чарсда алчыны эл кёреди.
  • Суугъа – таянма, джаугъа – ийнанма.
  • Адам туугъан джеринде, ит тойгъан джеринде.
  • Ач келгенни – тойдур, кеч келгенни – къондур.
  • Башда акъыл болмаса, эки аякъгъа кюч джетер.
  • Бал – татлы, балдан да бала – татлы.
  • Тенгинг джокъ эсе – изле, бар эсе – сакъла!
  • Чакъырылмагъан джерге барма, чакъырылгъан джерден къалма.
  • Атлыны ашхысы, ат тизгининден билинир
  • Окъуу – билимни ачхычы, окъуу – дунияны бачхычы.
  • Къуру гыбыт бек дыгъырдар.
  • Джахил болса анасы, не билликди баласы?
  • Эртде тургъан джылкъычыны эркек аты тай табар.
  • Сормай – алма, чакъырылмай – барма.
  • Эки элинги тыйсанг, джети элде махталырса.
  • Окъдан джара эртде-кеч болса да бителир, сёз джара, ёмюрге къалыр.
  • Ашхы сёз таш тешер.
  • Мухарны эси – ашарыкъда.
  • Ата джурт – алтын бешик.
  • Бал чибинни ургъаны – ачы, балы – татлы.
  • Къатын къылыкъсыз, эр тынчлыкъсыз.
  • Джюз элде джюз ёгюзюм болгъандан эсе, джюз джууугъум болсун.
  • Керек ташны ауурлугъу джокъ.
  • Юй кюйдю да, кюйюз чыкъды, ортасындан тюйюш чыкъды.
  • Ашлыкъны арба юйге келтирир, чана базаргъа элтир.
  • Битмегеннге сакъал – танг.
  • Кёз – сюйген джерде, къол – ауругъан джерде.
  • Таукел адам тау тешер.
  • Таугъа чыгъаллыкъ эсенг, тюзде къалма.
  • Керилген да, ургъан кибикди.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Иги сёз – джаннга азыкъ, аман сёз башха – къазыкъ.

 

   RSS
Къара чачлыны Акъ сёзю. *, Ас–саляму алейкум! «Передай другому» оюнну таныймысыз? Ахшы тёре менде тохтамасын: былайда Рахайланы Диананы (форумда аты Къара чачлы) чыгъармаларын сала барлыкъма.
 
Биринчиден кесини юсюнден талай сёз.

Рахайланы Диана — эки назму китапны авторы («Къадарны этегинде..», «Сени ючюн»), Семенланы Исмайыл атлы адабият эришиуню лауреаты, «Алтын къаламны» лауреаты, журналист.

Теманы бу бёлюмде ачылгъаны да бошдан тюйюлдю: Къара чачлы ана тилибизге бир да сакъды, КЪМКЪУ–ну «Малкъар тил бла адабият» бёлюмюнде жетишимли окъугъаны анга шагъатды ( тюзю, форумда хар ачхан темасы да шагъатды анга).

* Темагъа ат Лайпанланы Билалны Диананы назмуларыны юсюнден статьясы бергенди.
Страницы: Пред. 1 2 3 4 5
Ответы
 
Цитата
Къара чачлы пишет:
Сэстренка,
Гульнара Къубадийланы.Хар кимге жангы ат атайса))).
Гульнанара Малкъар диалектде сёлешеди да литература диалектде уа къоркъуп сёлешеди.Сора кёп халатла этгенден тышында, текстны биринчи кёргенча окъугъан жерлери да асламды.
Гульнара эсе Гульнарады, мен танымайма, атын билмейме, излеб табханма. Къайдам - къайдам, сен айтханча къоркъуб окъугъанын да кермейме, биринчи керюб окъугъанча да кермейме текстни. Бек сыйдам бардырады)). Бир кесек акъыртыныракъчыкъ окъуса боллукъ да болур эди, къоркъгъан къой эсенг)).
Я самая классная на форуме))))))))))))))
 
Сэстренка,
Ол алыкъа жаш адамды, бир талай жылдан профессионал болгъанын да кёрюрбюз Аллах айтса!))
"Къадарны этегинде...","Сени ючюн"...(с)
 
Къара чачлы, мен бусагъатда да эм бек аны джаратам, аны бла Арипаны. СОра Къарачай джанында, айтханымча, Людмила Биджиеваны.
Сен Софикошканы джаратамыса селешгенин ана тилде?
Я самая классная на форуме))))))))))))))
 
Сэстренка,
Софикошка? Ол ким эди? Суратын бир кёрейим, унутханма.
Эс дегеним осалды))
"Къадарны этегинде...","Сени ючюн"...(с)
 
Ауругъанма...

Ауругъанма. Алгъанды ичими ауруу...
Тутмай санларым, кетеди акъылым...
Муну хорларгъа табалырмамы къарыу,
Жутулурму ичинде акъ жашлыгъым?

Аяусуз кёп кёргенме мен аурууланы!
Тамагъыма дери аладан тойгъанма...
Ичимде тыйып ачы тарыгъуланы,
Ёз жюрегими кёп кере сойгъанма!

Энди уа ауруйма дармансыз ауруудан,
Кёрмедим быллай кюйсюзюн, ачысын!
Къайры кетсин, башымы алып, жазыудан?
Къайры кетейим жюрексиз, ахырсы?

Ауруулу болгъанма. Багъылмазма энди.
Сюймеклик этгенди чархымы ёртен!
Бу ауруудан мен ёлюп кетсем "Келгенди",-
Деп шыбырдарсыз къулагъыма экен.

2014 жыл. Октябрь.
"Къадарны этегинде...","Сени ючюн"...(с)
 
Бюгюн бир бек келеди жашарым...


Бюгюн жашарым келеди бир бек ,
Къыйын болса да жашауну жолу.
Сабийлериме керекди билек,
Аз болур жангыз атаны къолу.

Бюгюн жашарым келеди бир бек,
Кёрсем кёзлерин жашны бла къызны.
Таш башында да чагъады терек,
Буз жолда Мен да къойгъанма ызны!

Бюгюн жашарым келеди бир бек,
Учуп чыгъарыкъ кибикме таугъа!
Манга къарыу бергенча тёгерек,
Чамланмайма ачыуумдан жаугъа!

Эшитгенли "анам " дегенни мен,
Жашау алгъанды бир ариу тюрсюн.
Ана болуп, сабийчигин кёрген,
Душманына да къызгъанмаз сютюн.

Насыпды- сынагъан аналыкъны!
Мен 'а насыплыма эки къаты!
Жерде багъасыз, чексиз байлыкъны
" Сабийчикди " тюрленмезлик аты!

Хар ата, ана да сабий ючюн
Ишлейди, жашайды, ёледи...
Аямайды саулугъун не кючюн,
Баласында- жашауун кёреди!

Сабийсиз жашау- кёгетсиз терек,
Бармыды да аны магъанасы?
Бу хаух дунияда адам керек,
Не ючюн да жашайбыз баласыз?

Бюгюн толуду мени дуниям!
Атам, анам, баш ием, къыз бла жаш!
Сыйлы Аллах, таркъаймасын уям,
Бек тилейме сенден, урама баш!

Бюгюн бир бек келеди жашарым...
"Къадарны этегинде...","Сени ючюн"...(с)
 
Къара чачлы, Аллах сабийлерингден, юйдегингден къууандырсын! Насыбын ангылай билген, шукур эте билген , ол да кесича бир насыбды :гоккачыкъ:
Я самая классная на форуме))))))))))))))
 
Сэстренка,, сау бол, Амин Аллах! Биргелей 🌷😙.
Сен да жашауунгдан къууан, муратларынга жет 🌝.
"Къадарны этегинде...","Сени ючюн"...(с)
 
"Журтларына термиле ёлгенлеге " ...

Жатасыз Азияны къум тюзлеринде,
Энди кёрмезсиз Кавказ тауланы.
Туудукъларыгъыз а тюшлеринде
Эшителле тансыкъ ауазланы...

Мен толу билеме, жатмайсыз тынчайып,
Тыш жерде къабыр- такъырды энчи.
Бюгюн а мен кесиме салмайма айып,
Бу азап ючюн болама дертчи!

От чагъасыз, тырнайсыз къабыр ташланы,
Акъ тауланы жаннетде кёресиз!
Тансыкълайсыз къарачай жашланы,
Ала бла кеталмай, энтта да ёлесиз!!!

Жарлыла, ичигизде бар кебинсизле,
Жангы туугъанчыкъла, мёлекчикле!
Аланы басдыргъан анала не этсинле?
Бош къалдыла сизден кёлекчикле...

Бюгюн этмейсиз сиз хахай не къычырыкъ,
Тауушугъуз чыкъмайды, болгъансыз шум!
Сюргюн кюнледе ачы -ачы къычырып,
Энди жутуп барады сизни къум...

Ата журтларындан къысталып ёлгенле,
Сынап жаланнгачлыкъны, ачлыкъны!
Артыкълыкъны, зорлукъну кёргенле,
Сынамай кетгенле жашлыкъны, къартлыкъны.

Туугъанла жашаргъа эм ёсерге,
Тюшдюгюз къарангыгъа, кюн кёрмей!
Ана боллукъ къызла, чыгъып эрге,
Андан эсе къалгъы эдигиз бу дуниягъа келмей...

Тынч жатмайсыз, сизге тынчлыкъ къайда?
Жанларыгъыз эки журтну арасында...
Тынчайыр эдигиз жатсагъыз Къарачайда,
Ол дунияда да турасыз 43 жылны къарасында...

Келирме Къарачайдан топуракъ алып,
Алай бла тынчлыкъ табарыкъ эсем сизге!
Къаллыкъ болсам да жаныгъызда къалып,
Бурхучукъ себерме хар биригизге!
"Къадарны этегинде...","Сени ючюн"...(с)
Страницы: Пред. 1 2 3 4 5
Читают тему (гостей: 1)

 

Написать нам