Войти на сайт
28 Марта  2024 года

 

  • Джыйырма къойну юч джыйырма эбзе кюте эди.
  • Ашхы сёз таш тешер.
  • Хата – гитчеден.
  • Аллахдан тилесенг, кёб тиле.
  • Олтуруб кёрюнмей эди да, ёрге туруб кёрюне эди.
  • Билими азны – ауузунда кирит.
  • Эртде тургъан джылкъычыны эркек аты тай табар.
  • Аман адамны тепсинге олтуртсанг, къызынгы тилер.
  • Кёл ашады да, кеси ашады.
  • Чоюнну башы ачыкъ болса, итге уят керекди.
  • Ашыкъгъанны этеги бутуна чырмалыр.
  • Джырчы ёлсе, джыры къалыр.
  • Мал ёлсе, сюек къалыр, адам ёлсе, иши къалыр.
  • Джарлы джети элни сёзюн этер.
  • Аурууну келиую тынч, кетиую – къыйын.
  • Ашха уста, юйюнде болсун
  • Акъыллы эркиши атын махтар, акъылсыз эркиши къатынын махтар.
  • Таш ата билмеген, башына урур.
  • Ариуну – ауруу кёб.
  • Ата Джуртун танымагъан, атасын да танымаз.
  • Насыблы элин сюер, насыбсыз кесин сюер.
  • Урунуу – насыбны анасы.
  • Тойгъан джерден туугъан джер игиди.
  • Аджал соруб келмез, келсе, къайтыб кетмез.
  • Билим ат болуб да чабар, къуш болуб да учар.
  • Босагъа таш юйге кирмей эди, тыбыр таш эшикге чыкъмай эди.
  • Кёл – къызбай, къол – батыр.
  • Суугъа – таянма, джаугъа – ийнанма.
  • Бойнуму джети джерден кессенг да, мен ол ишни этеллик тюлме.
  • Къарны аманнга къазан такъдырма, къолу аманнга от джакъдырма.
  • Къуллукъчума, деб махтанма, къуллукъ – хаух джамчыды!
  • Дууулдаса – бал чибин, къонса – къара чибин.
  • Эте билген, этген этеди, эте билмеген, юретген этеди!
  • Халкъгъа джарагъан, джарлы къалмаз.
  • Ишлегенден, къарагъан уста.
  • Сибиртки да сыйлы болду, кюрек да кюнлю болду.
  • Юреннген ауруу къалмаз.
  • Кийимни бичсенг, кенг бич, тар этген къыйын тюлдю.
  • Акъыл бла адеб эгизледиле.
  • Гитче джилтин уллу элни джандырыр.
  • Джаш болсун, къыз болсун, акъылы, саны тюз болсун.
  • Ашда уялгъан – мухар, ишде уялгъан – хомух.
  • Къонакъ болсанг, ийнакъ бол.
  • Тюз сёз баргъан сууну тыяр.
  • Адамны сыфатына къарама, сёзюне къара.
  • Билгенни къолу къарны джандырыр.
  • Телиге от эт десенг, юйюнге от салыр.
  • Ишленмеклик адамлыкъды.
  • Ёксюзню тилеги къабыл болур.
  • Къатын къылыкъсыз, эр тынчлыкъсыз.

 

Страницы: 1 2 След.
RSS
стихи о маме на карачаевском языке
 
Добрый вечер, помогите пожалуйста, нужно стихотворение о маме на карачаевском языке и пословицы три на эту же тему
 
http://www.elbrusoid.org/m/forum/forum5/topic25262/
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
АНА

Ана деген къалай татлыды.
Бала джылыундан тоймаз.
Тиширууну сыйлы атыды.
Анга ийнанмагъан болмаз.
Ананг саудан насыб толуду,
Кюнюнг джарыкъ,кёлюнг эркин.
Ол дунияда болур сорууда,
Къыйнаб мыдах этсенг бетин.
Арюу ауаз, джумушакъ къол бла,
Этген ишинги тюзетир.
Сюймеклиги бла, билими бла,
Адет, намысда юретир.
Ана къачы къалай уллуду.
Къор болайыкъ аналагъа.
Сыйлы Аллах, тилерим буду-
Насыб буюр сен алагъа!

Кущетерова Айшат

Это моё, может понравится)).
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Анама

Талы тилли, ачыкъ кёллю, джумушакъ,
Анам, сени юсюнгде кёб ауурлукъ.
Башланнганча чагъыу, джашнау джазгъыда,
Башланады сенден дуния ариулукъ.

От джанмайын, сууукъ эсэ да кюн,
Бет джылыуунг меннге къанат керилтед.
Исси, къызыб, кюн кюйдюрген кёзюуде,
Къол аязынг джан салады, тирилтед.

Ай чыкъмайын, болса кече къарангы,
Сени нюрюнг артыкъ джарыкъ береди.
Кёгюбюзню булут басыб турса да,
Джюрегингден насыб джарыкъ тиеди.

Туугъанлагъа, туудукълагъа насыбха,
Кёб джылланы джашарынгы излейме.
Огьурунгдан ала къорлукъ джаныма,
Сеннге насыб, ашхылыкъла тилейме.

Эдиева Заира
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Ана

Кёзлеринг - ариу, огъурлу,
Сезлеринг - сюймекликден толу.
Анамды мени жашатхан,
Тамблагъы кюнню сакълатхан.

Сени бла къайгъым жокъ
Мени къоюп кетме.
Сени бла къарыным токъ
Мени ёксюз этме.

Мен кёргенме ёксюзлени -
Мудах кёзлюлени.
Ала жашайдыла абына,
Ышаннганларына жалына.

Керекмейди манга алтын,
Сенсе мени алтыным.
Керекмейди манга кюмюш,
Сенсе мени багъалым.

Мусукланы Джамиля
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Это стихи лауреатов премии им. И. Семенова.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
вот в этом видео женщина читает очень трогательные стихи про маму
 
Ассаламу алейкум,багъалы жамауат!

Дагъыда Сылпагъарланы Муссаны да "Анам" деген аналагъа жазылгъан бир ариу назмусу барды .
Аны Тамбийланы Алибек жырлайды .


Анам.

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде - кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга тилек тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!



Однажды,один из праведников наставляя своего сына сказал: Будь с людьми подобно плодоносному дереву, когда в него кидают палки и камни ,оно отвечает наилучшим,спелыми плодами.
 
И Газаев красиво её поет. Вообще, этот стих и еще у Къасбота Тамбиева песня есть, самые красивые слова о матери. Кмли получится, попробую добавить.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Вот она
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Не получается(((или не отображается.
Файл прикреплен.а в самом посте не вижу
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Цитата
Айшат пишет:
И Газаев красиво её поет. Вообще, этот стих и еще у Къасбота Тамбиева песня есть, самые красивые слова о матери. Если получится, попробую добавить.
Айшат, может быть ,учитывая его голос ,но не слушал ни у Газаева,ни у Тамбиева ,так как музыка по Исламу - запретна ! А так нравятся старинные песни ( эджиу этген жырла ) .
Однажды,один из праведников наставляя своего сына сказал: Будь с людьми подобно плодоносному дереву, когда в него кидают палки и камни ,оно отвечает наилучшим,спелыми плодами.
 
Айшат,

ас–саляму алейкум)) Аиша, кетер да бир къой ол Жабелланы жазгъанларын) сау бол, сансыз этмегенг ючюн, былай осал жазылгъанына уялгъан этеме да.)
 
Rashida1975,
мир вам) у Танзили Зумакуловой есть стихи, начинающиеся словами «Ана деген бек татлыды билгеннге». к сожалению, у меня нет полного текста.
 
Цитата
shaudan пишет:
Rashida1975,
мир вам) у Танзили Зумакуловой есть стихи, начинающиеся словами «Ана деген бек татлыды билгеннге». к сожалению, у меня нет полного текста.

Зумакъулланы Т. Ана деген бек татлыды билгеннге.


Ана деген бек татлыды билгеннге,
Къыйын кюнде ананг болур биргенге.
Сен «ых» десенг - ол тынчайып жукъламаз.
Ананг кибик бир адам да сакъ болмаз.


Айнырынгы, анангча, киши сюймез.
Жарсыуунгда, анангча. киши кюймез,
Бала ючюн къыйналгъанын тергемез,
Ол къыйналгъан анга къыйын кёрюнмез.


Анам, сени жюрегинги аурутмам,
Къолдан келип, сени жерге къаратмам.
Сен барлыкъда, къыйынлыкъ жокъду манга.
Къор болайым, о, халал анам, санга!

Я самая классная на форуме))))))))))))))
 
Макитланы С. Анасын сюйген жаш.

Яо атлы къытайлы жашны
Къыйын ауругъанд жангыз анасы,
Ашамагъанды ол чырт ашны,
Не кюрешсе да аны баласы.


Эрттенликде, игирек болуп,
Анасы айтды, жашына къарай:
«Жюрегим ашха ачылгъанд толу,
Бу затхады деп билмейме алай».


«Айт, анам, айт кюсегенинги,
Берейим санга толтуруп табакъ».
«Кёрдюм, балам, кюрешгенинги,
Ашарым келед тау суудан чабакъ».


Анымы эшитди Яо – жашчыкъ,
Чабып чыкъды суу боюну таргъа,
Не медет, ол жетип къараса,
Сууну мияла буз турады жабып.

Адыргы болуп не этерге,
Бузлагъан суугъа къарап тургъанлай,
Эследи анда суу бла бирге
Чабакъны тургъанын бузлагъанлай.


Кюрешди ол, бек кёп кюрешди,
Ол бузну женгил сындыралмады,
Эсине бир башха зат тюшдю,
Анасына нени да аямады.


Тешиниб жатды буз юсюне,
Кеси жылыуу бла бузну эритди,
Сора, къууанып, чаба, кюле,
Саусуз анасына чабакъ элтди.
Я самая классная на форуме))))))))))))))
 
Зумакъулланы Т. Анама.


Бирле ахча, алтын, кюмюш сакълайла,
Кёп болса да, ол кёпдю деп айтмайла.
Ахча сунуп тутуругъу байлыкъны,
Тас этерге къоркъадыла шайлыкъны.

Мен да байма, мен да байлыкъ сакълайма.
Ол байлыкъны тас этерге къоркъама.
Бу дунияда анамды да байлыгъым,
Келмейд мени жарлы болуп къаллыгъым.

Ана барда, уллу да – гитче бола.
Ана жокъ кюн, жарыкъ кюн да – къап-къара.
Шукур-шукур, алыкъын юйюм жарыкъ,
Анам сауда, жокъду манга жарлылыкъ.
Я самая классная на форуме))))))))))))))
 

Созайланы А. Анама айтама

Къайдан да санга, санга къайтыучем,
Не сёзюмю да санга айтыучем,
Сени къатынгда болмай бир къайгъым,
Ачыкъ тенгизде жюздю къайыгъым.


Битеу кючюнгю манга бердинг сен.
Мени кимден да иги кёрдюнг сен,
Къара туманны кесинге алып,
Жарыкъ кюнюнгю манга чыгъарып…


Къол аязларынг – тирликли жерча,
Бетинг а – сабыр, толгъан ай дерча,
Сени кёрюучем не узакъдан да,
Санга келирем не тузакъдан да.


Сен айтсанг – ариу эшитилди атым,
Сен къарагъанда – субай сыфатым.
Бар аналагъа ушагъан анам,
Бар аналача жашагъан анам.
Болсада, аллай ана жокъ эди.
Жарыкъ жюрекге манга жол эди.

Я самая классная на форуме))))))))))))))
 
Отарланы К. «Ана жюрек».

Ана ючюн баласы
Арсар болмаз ёлюрге,
Ана жюрек жарасы
Кюе къалыр ёмюрге.


Алай, ол батырланы
Чыракълары болгъанлай,
Жанып турур, аланы
Алларында баргъанлай.

Ана жюрек жарыгъы
Алагъа жол кёргюзтюр.
Ол, кишилик жоругъу
Бола, хорламгъа элтир.
Хорлам ийнакълай бетин,
Дуниягъа къарагъанда,
Аны жюреги бютюн
Жарыкъ жарытыр анда.

Аны жарыгъын эсинг
Унутдурмаз ёмюрде!-
Деп айтылады эски
Халкъ жырланы биринде.


Я самая классная на форуме))))))))))))))
 
Созайланы А. «Анам, бушто этип берчи манга».


Анам, бушто этип берчи жашынга.
Анда - берчли къолларынгы татыуу.
Жашауумда мен ашагъан ашладан,
Кёрмедим сени буштонгдан татыулу.


Алай огъурлулла сени къолларынг,
О, анам! Гыржын жылыуу – алада!
Тау жоллагъа ушайла ызлыкълары.
Бал татыуу – ол багъыр бармакълада.

Я самая классная на форуме))))))))))))))
 
Можно только один стишок на русском?)) Бир бек сюеме бу назмучукъну))

Зайчонок и зайчиха

Маленький зайчонок улыбнулся маме:
- Я тебя люблю вот так! – и развел руками.
- А вот как я тебя люблю! – мать ему сказала,
Развела руками и тоже показала.
- Это очень много, - прошептал зайчишка,
- Это очень, очень много, много, но не слишком.
Он присел и прыгнул высоко, как мячик.
- Я тебя люблю вот так! – засмеялся зайчик.
И тогда ему в ответ, разбежавшись, лихо,
- Вот как я тебя люблю! – подпрыгнула зайчиха.
- Это очень много, - прошептал зайчишка,
- Это очень, очень много, много, но не слишком.
- Я тебя люблю вот так! – зайчик улыбнулся
И на травке-муравке перекувыркнулся.
- А вот как я тебя люблю! – мамочка сказала,
Кувыркнулась, обняла и поцеловала.
- Это очень много, - прошептал зайчишка,
- Это очень, очень много, много, но не слишком.
- Видишь, дерево растет, возле речки прямо?
Я тебя люблю вот так! – понимаешь, мама.
А у мамы на руках видно всю долину.
- Вот как я тебя люблю! – мать сказала сыну.
Так прошел веселый день, в час, когда смеркалось,
Желто-белая луна в небе показалась.
Ночью детям нужно спать даже в нашей сказке.
Зайчик маме прошептал, закрывая глазки:
- От земли и до луны, а потом обратно -
Вот как я тебя люблю! Разве не понятно?..
Подоткнув со всех сторон зайке одеяло,
Тихо-тихо перед сном мама прошептала:
- Это очень-очень много, это так приятно,
Когда любят до луны, а потом обратно!
Я самая классная на форуме))))))))))))))
 


https://www.youtube.com/watch?v=sQovqQ0ePOY

Музыка и стихи Муссы Салпагарова.

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!
Я самая классная на форуме))))))))))))))
 
Анама.
Дуния мюлкден багъалы,
Джашау джолуму джарытхан.
Сенге сюймеклик бек сыйлы,
Джюрек чырагъым - анам!

Ачы хапарда - балым,
Хар бир ауруудан дарман.
Кече-кюн менге къайгъылы,
Джан джууугъум - анам!

Толу айлай тынчлыкълы,
Сёзюнг мыдахдан къутхаргъан.
Джюзге да джетсе джылым,
Сабийме сенгне, анам.

Эм базымлы тенгим,
Неде да мени ангылагъан.
Таза хауалы джелим,
Кезбау умутум - анам!

Ауур сёзню кечиую,
Кеси джарсыуун унутхан,
Джашайса баланг ючюн,
Ёмюр сагъышым - анам!

Таза кёллю, умутлу,
Джашау магъана танытхан.
Сени къолунгда джаш тёлю,
Сыйлы устазым - анам!

Хар ишимде болушлукъ,
Узакъмы, джууукъ болсанг.
Айтама, джашырмай джукъ
Нени да сенге, анам.

Болса кёзюнгде джыламукъ,
Мени джанымы къыйнагъан,
Башха кёрюнед хар зауукъ.
Къайгъырма джукъгъа, анам!

Толу джюрекден ийнана,
Тилейсеме Уллу АЛЛАХдан
Саулукъ хар сени санынга,
Насыб тыйыншлы, анам!

Ётсюн, ашыгъыб, джылла -
Сен эм багъалы адам!
Хар бир кёзюуде, заманда
Сюеме сени, анам!
 
СЕМЕН улу ИСМАИЛ
/Джырчы Сымайыл/
АНАМ
(Биджиланы Къудентни къызы Джулдузханнга)
Ата джеген Минги таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей…
Джулдуз атлы, балдан татлы, ой, анам!
Къулагъыма суукъ салах тартылды,
"Джулдуз ананг ёлгенди" – деб айтылды,
Джюрегиме джюрек ауруу къатылды…
Джулдуз атлы, балдан татлы, ой, анам!
Билмегенлей кёчюрюрге бардыла,
Сормагъанлай машинагъа салдыла,
Эки джашынг эки джерде къалдыла…
Джулдуз атлы, балдан татлы, ой, анам!
Ой, Къарачай, къуш тюгюллей чачылды,
Бар палахны башы бери ачылды,
Джарлы миллет Азиягъа атылды…
Джулдуз атлы, балдан татлы, ой, анам!
Кимле чачды Семенлада къалангы,
Кимге ачайым джюрегимде джараны,
Къайда къойдум акъ сют берген анамы…
Джулдуз атлы, балдан татлы, ой, анам!
Ата деген накъут – налмаз къалады,
Ана деген джанынга джан салады,
Ол джашауну бир насыблы табады…
Джулдуз атлы, балдан татлы, ой, анам!
Ата деген ёмюр юйню ачхычы,
Ана деген – джашауунгу басхычы,
Ёлюм деген джашагъанны ачысы…
Джулдуз атлы, балдан татлы, ой, анам!
Тогъуз айны ау тюбюнде кёлтюрдюнг,
Къайын ата, къайын ана къолунда,
Кече – кюн да гёзет этген джолунда…
Джулдуз атлы, балдан татлы, ой, анам!
Эки джылны акъ сютюнгю ичирдинг,
Ёшюнюнгю тёшек этиб ёсдюрдюнг,
Алай эте талай джылгъа джетдирдинг…
Джулдуз атлы, балдан татлы, ой, анам!
Отха ийимей, суугъа иймей сакъладынг,
Юй кёгюрчюн къанатларын джабханча,
Белляунгда сени алгъыш сёзлеринг,
Джанкъылычдан нюр таякъла къакгъанча.
Кёк памилден кёлек, кёнчек этген энг,
Къаназирден къабдал тигиб кийдирдинг,
Эркелете, хар адамгъа сюйдюрдюнг…
Джулдуз атлы, балдан татлы, ой, анам!
Джети джылда окъуу – билим алдырдынг,
Ишлей – ишлей санларынгы талдырдынг,
Джашачы – деб тоханала салдырдынг…
Джулдуз атлы, балдан татлы, ой, анам!
Таугъа чыкъсам таш аджалдан титиреб,
Малгъа кетсем садакъала кёлтюрюб,
Бушуу – къайгъы джюрегинге келтириб…
Джулдуз атлы, балдан татлы, ой, анам!
Кече – кюн да, ишлей – ишлей, тюгениб,
Оракъ кибик, мукгур болуб, бюгюлюб,
Талай ёксюз отджагъа тёгюлюб…
Джулдуз атлы, балдан татлы, ой, анам!
Элден энчи ат атай энг атыма,
Джанауалда мен болмадым къатынгда,
Джаш тюрсюнюнг агъармагъан чачынгда…
Джулдуз атлы, балдан татлы, ой, анам!
Къайда къалды харекетинг, малларынг,
Ишлей – ишлей талчыкъмагъан санларынг,
Джюнню джибек этген алтын къолларынг…
Джулдуз атлы, балдан татлы, ой, анам!
Атам эсе – Бейтуллахда ёлюбдю,
Анам эсе – бир мусавир шейитди,
Нек джылайма, кимден не келликди…
Джулдуз атлы, балдан татлы, ой, анам!
Адамладан орта бойлу, алаша,
Хар адамгъа сени халинг джараша,
Ашха – суугъа чомартлыгъынг – тамаша…
Джулдуз атлы, балдан татлы, ой, анам!
Джан ауалда ала кёзле сюзюлюб,
Хар бир адам ёлюм джолгъа тизилиб,
Ана – бала бир – биринден юзюлюб…
Джулдуз атлы, балдан татлы, ой, анам!
Мункир, Нанкир сени ариу кёрсюнле,
Джандетледен кийим алыб берсинле,
Хур къызлары хошкелдиге келсинле…
Джулдуз атлы, балдан татлы, ой, анам!
Къарачайда къабырынгы табсам эд,
Зияратха Азиягъа бармаз эм,
Былай болуб къаллыгъымы мен билсем,
Джан бермейин айырылыб къалмаз эм.
Джыллыкъ джолдан келир эдим кёрюрге,
Санга, анам, олджан салам берирге,
Разылыкъны алыб алай ёлюрге…
Джулдуз атлы, балдан татлы, ой, анам!
Бу дуниягъа туумай къалгъан мен болсам,
Сени ёлген ачыуунгу билмезем,
Къазакъ элде къабырынгы кёрмезем…
Джулдуз атлы, балдан татлы, ой, анам!
Ата деген ашхы ишге талпытхан,
Ана деген кёкню, джерни танытхан,
Ёлюм деген хар джюрекни ачытхан…
Джулдуз атлы, балдан татлы, ой, анам!
Кёр узакъды, тура – тура безерсе,
Уллу Аллахны буйругъуна тёзерсе,
Махшар кюнде, "ой балам" – деб излерсе…
Джулдуз атлы, балдан татлы, ой, анам!
Эртден – ингир дуа эте келейим,
Суаблыгъын багъышлайыб берейим,
Джандетледе, Фирдаусда кёрейим,
Джулдуз атлы, балдан татлы, ой, анам!
Кюн садакъа мени санга беририм,
Аллах айтса, махшар кюндю кёрюрюм,
Къазакъ элде къалды, хариб, ёлюгюнг…
Джулдуз атлы, балдан татлы, ой, анам!
Кёче ёмюрюм – бир карангы тёбеди,
Кюн ёмюрюм – джюзюб кетген кемеди,
Ёлюм деген хар адамгъа тёреди…
Джулдуз атлы, балдан татлы, ой, анам!
1946дж.

Стихотворение скопировала со страницы Софьи Семеновой в Фейсбуке


https://www.youtube.com/watch?v=jl-KSeW0amw



https://www.youtube.com/watch?v=JwD8Bhs_9IU
Я самая классная на форуме))))))))))))))
 
Bilal LAYPAN

ТАУЛУ АНАГЪА


Къайсы дунияда болсала да кеслери,
сабийлериндеди аналаны эслери:
кече-кюн да тилей Аллахдан,
къутхарадыла аланы палахдан.

Сабийлери джашар ючюн джандетде,
джаханимге тюшерге да хазырла ала.
Тенг боллукъ джан бар эсе мёлекге -
ол Анады. Разы болсун Аллах да анга.

14-джыллыкъ тутмакъда, сюргюнде,
халкъны сакълар ючюн сермешген Ана,
эркишилеге къазауатда да
джетмегенди сеннге джетген ауурлукъ.

22 минг сабий бла бирге
джанынг саулай киргенсе кёрге.
Дагъыда, къалгъанланы къутхарыр ючюн,
тирилиб, къайытханса бизге.

Боллукъмуду салмазгъа Анагъа махтау:
ол - сюргюнде халкъыбызны къалдыргъанды сау.

Бир кенг джеринде Къарачайны,
джарыгъында джулдуз бла Айны,
кёрюне турурча ёмюрлеге,
салыргъа керекди Анагъа эскертме.

Орта Азияда, сюргюнде
къырылгъан 22 минг сабийге
атаб, 22 минг терек да
орнатыргъа керекмиди? Керекди.

Ма ол тереклени арасында да,
къара джаулугъу бла башында
таулу Ананы да эскертмесин
салыргъа борчлубузму? Борчлубуз.

Эркишиле къазауатда сагъатда,
тиширыула Аталыкъ-Аналыкъ да этиб,
адам ийнанмаз ауурлукъну кёлтюрюб,
сау къалдыргъандыла халкъыбызны.

Барыбыз да борчлубуз Анга:
халкъыбызны къутхаргъан анагъа,
Таулу анагъа, Къарачай анагъа
не игилик этсек да боллукъду аз.

Ананы разылыгъы болмай.
Сёзюбюз, ишибиз да болурму къолай?
Къыйын кюн джанын ким къалдыргъанын
ёмюрде да унутмаз Къарачай.
Я самая классная на форуме))))))))))))))
Страницы: 1 2 След.
Читают тему (гостей: 1)

 

Написать нам