- Гугук кесини атын айтыб къычыргъанча, мен, мен деб нек тураса?
- Бёрю да ач къалмасын, эчки да ашалмасын.
- Джарлыны тону джаз битер.
- Къаллай салам берсенг, аллай джууаб алырса.
- Ач уят къоймаз.
- Тешик этген тынчды, аны джамагъан къыйынды.
- Эринчекни эр алмаз, эр алса да, кёл салмаз, кёл салса да, кёб бармаз!
- Эрни эр этерик да, къара джер этерик да, тиширыуду.
- Нафысынгы айтханын этме, намысынгы айтханын эт.
- Къолу уллу – асыу, аягъы уллу – джарсыу.
- Соргъан айыб тюлдю, билмеген айыбды.
- Джеринден айырылгъан – джети джылар, джуртундан айырылгъан – ёлгюнчю джылар.
- Накъырда – кертини келечиси.
- Акъдан къара болмаз.
- Ханы къызы буюгъа-буюгъа киштик болду.
- Ашда уялгъан – мухар, ишде уялгъан – хомух.
- Адам къаллай бир ишленмесе, аллай бир кесин уллу кёреди.
- Ёлген аслан – сау чычхан.
- Ёпкелегенни ашы татлы болады.
- Кеси юйюмде мен да ханма.
- Адамны артындан къара сабан сюрме.
- Тёрдеги кюлсе, эшикдеги ышарыр.
- Кирсизни – саны таза, халалны – къаны таза.
- Ата Джуртуму башы болмасам да, босагъасында ташы болайым.
- Айтхан – тынч, этген – къыйын.
- Сютден ауузу кюйген, суугъа юфгюре эди.
- Юре билмеген ит, къонакъ келтирир.
- Сёз сёзню айтдырыр.
- Киштикге къанат битсе, чыпчыкъ къалмаз эди.
- Агъач халкъгъа алтынды, иссиликге салкъынды.
- Гырджын – тепсини тамадасы.
- Кимни – тили, тиши онглу, кимни – къолу, иши онглу.
- Адамны бетине къарама, адетине къара.
- Ашлыкъ – бюртюкден, джюн – тюкден.
- От кюйдюрген, сау болса да, тот кюйдюрген, сау болмаз.
- Ариуну – ауруу кёб.
- Арбаз сайлама да, хоншу сайла.
- Къыз келсе, джумуш эте келеди, къатын келсе, ушакъ эте келеди.
- Ашарыкъда сайлагъаннга – чий гырджын.
- Тау башында, тау болмаз, джангыз терек, бау болмаз.
- Сагъыш – къартлыкъгъа сюйюмчю.
- Адамны адамлыгъы къыйынлыкъда айгъакъланады.
- Кесине оноу эте билмеген, халкъына да эте билмез.
- Бюгюн дуния кибик, тамбла ахыратды.
- Сабийни джумушха джибер да, ызындан бар.
- Иги болса, тамадама – махтау, аман болса, меннге – айыб.
- Хар сёзню орну барды.
- Къуру гыбыт бек дыгъырдар.
- Ойнай билмеген, уруб къачар.
- Кёпюр салгъан кеси ётер, уру къазгъан кеси кетер.
стихи о маме на карачаевском языке
10.03.2016 23:23:31
Добрый вечер, помогите пожалуйста, нужно стихотворение о маме на карачаевском языке и пословицы три на эту же тему
|
|
|
|
10.03.2016 23:38:31
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
11.03.2016 02:25:00
вот в этом видео женщина читает очень трогательные стихи про маму
|
|
|
|
11.03.2016 11:44:18
Вот она
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
13.03.2016 00:50:41
Однажды,один из праведников наставляя своего сына сказал: Будь с людьми подобно плодоносному дереву, когда в него кидают палки и камни ,оно отвечает наилучшим,спелыми плодами.
|
|||
|
|
13.03.2016 01:14:38
Айшат,
ас–саляму алейкум)) Аиша, кетер да бир къой ол Жабелланы жазгъанларын) сау бол, сансыз этмегенг ючюн, былай осал жазылгъанына уялгъан этеме да.) |
|
|
|
13.03.2016 01:22:07
Rashida1975,
мир вам) у Танзили Зумакуловой есть стихи, начинающиеся словами «Ана деген бек татлыды билгеннге». к сожалению, у меня нет полного текста. |
|
|
|
13.03.2016 18:38:37
Зумакъулланы Т. Ана деген бек татлыды билгеннге. Ана деген бек татлыды билгеннге, Къыйын кюнде ананг болур биргенге. Сен «ых» десенг - ол тынчайып жукъламаз. Ананг кибик бир адам да сакъ болмаз. Айнырынгы, анангча, киши сюймез. Жарсыуунгда, анангча. киши кюймез, Бала ючюн къыйналгъанын тергемез, Ол къыйналгъан анга къыйын кёрюнмез. Анам, сени жюрегинги аурутмам, Къолдан келип, сени жерге къаратмам. Сен барлыкъда, къыйынлыкъ жокъду манга. Къор болайым, о, халал анам, санга!
Я самая классная на форуме))))))))))))))
|
|||
|
|
24.11.2017 23:37:33
Музыка и стихи Муссы Салпагарова. Джюрегими джюрегисе, анам, сен! Кёзлерими чырагъыса, анам, сен! Джашауму дагъаныса, анам, сен! Кюн джарыкъны джарыгъыса, анам, сен! Мыдах кюнде кюн кибиксе, анам, сен! Джашау джолунг джарыкъ болсун сени, кенг! Къарангыны джарыкъ этген, анам, сен! Бу дунияда джокъду, анам, санга тенг! Сенсе, анам, адеб-намыс юретген! Сенсе, анам, "иги бол" деб, кюрешген! Сенсе, анам, балаланы бек сюйген! Сенсе, анам, манга алгъыш тилеген! Къор болайым, "ана" деген атынга! Дарман болуб, джагъылайым санынга! Кечмеклик бер, тийген эсем джанынга! "Ана" деген сыйлы атды таулугъа! Сенсиз, анам, мени кюнюм ётмесин! Аналагъа бир къыйынлыкъ джетмесин! Ол джашауун мамырлыкъда ашырсын! Зор джыламукъ ана кёзден акъмасын!
Я самая классная на форуме))))))))))))))
|
|
|
|
29.11.2017 00:12:58
СЕМЕН улу ИСМАИЛ
/Джырчы Сымайыл/ АНАМ (Биджиланы Къудентни къызы Джулдузханнга) Ата джеген Минги таугъа миннгенлей, Ана деген дарий, дамха кийгенлей, Кюнюм батды джарлы анам ёлгенлей… Джулдуз атлы, балдан татлы, ой, анам! Къулагъыма суукъ салах тартылды, "Джулдуз ананг ёлгенди" – деб айтылды, Джюрегиме джюрек ауруу къатылды… Джулдуз атлы, балдан татлы, ой, анам! Билмегенлей кёчюрюрге бардыла, Сормагъанлай машинагъа салдыла, Эки джашынг эки джерде къалдыла… Джулдуз атлы, балдан татлы, ой, анам! Ой, Къарачай, къуш тюгюллей чачылды, Бар палахны башы бери ачылды, Джарлы миллет Азиягъа атылды… Джулдуз атлы, балдан татлы, ой, анам! Кимле чачды Семенлада къалангы, Кимге ачайым джюрегимде джараны, Къайда къойдум акъ сют берген анамы… Джулдуз атлы, балдан татлы, ой, анам! Ата деген накъут – налмаз къалады, Ана деген джанынга джан салады, Ол джашауну бир насыблы табады… Джулдуз атлы, балдан татлы, ой, анам! Ата деген ёмюр юйню ачхычы, Ана деген – джашауунгу басхычы, Ёлюм деген джашагъанны ачысы… Джулдуз атлы, балдан татлы, ой, анам! Тогъуз айны ау тюбюнде кёлтюрдюнг, Къайын ата, къайын ана къолунда, Кече – кюн да гёзет этген джолунда… Джулдуз атлы, балдан татлы, ой, анам! Эки джылны акъ сютюнгю ичирдинг, Ёшюнюнгю тёшек этиб ёсдюрдюнг, Алай эте талай джылгъа джетдирдинг… Джулдуз атлы, балдан татлы, ой, анам! Отха ийимей, суугъа иймей сакъладынг, Юй кёгюрчюн къанатларын джабханча, Белляунгда сени алгъыш сёзлеринг, Джанкъылычдан нюр таякъла къакгъанча. Кёк памилден кёлек, кёнчек этген энг, Къаназирден къабдал тигиб кийдирдинг, Эркелете, хар адамгъа сюйдюрдюнг… Джулдуз атлы, балдан татлы, ой, анам! Джети джылда окъуу – билим алдырдынг, Ишлей – ишлей санларынгы талдырдынг, Джашачы – деб тоханала салдырдынг… Джулдуз атлы, балдан татлы, ой, анам! Таугъа чыкъсам таш аджалдан титиреб, Малгъа кетсем садакъала кёлтюрюб, Бушуу – къайгъы джюрегинге келтириб… Джулдуз атлы, балдан татлы, ой, анам! Кече – кюн да, ишлей – ишлей, тюгениб, Оракъ кибик, мукгур болуб, бюгюлюб, Талай ёксюз отджагъа тёгюлюб… Джулдуз атлы, балдан татлы, ой, анам! Элден энчи ат атай энг атыма, Джанауалда мен болмадым къатынгда, Джаш тюрсюнюнг агъармагъан чачынгда… Джулдуз атлы, балдан татлы, ой, анам! Къайда къалды харекетинг, малларынг, Ишлей – ишлей талчыкъмагъан санларынг, Джюнню джибек этген алтын къолларынг… Джулдуз атлы, балдан татлы, ой, анам! Атам эсе – Бейтуллахда ёлюбдю, Анам эсе – бир мусавир шейитди, Нек джылайма, кимден не келликди… Джулдуз атлы, балдан татлы, ой, анам! Адамладан орта бойлу, алаша, Хар адамгъа сени халинг джараша, Ашха – суугъа чомартлыгъынг – тамаша… Джулдуз атлы, балдан татлы, ой, анам! Джан ауалда ала кёзле сюзюлюб, Хар бир адам ёлюм джолгъа тизилиб, Ана – бала бир – биринден юзюлюб… Джулдуз атлы, балдан татлы, ой, анам! Мункир, Нанкир сени ариу кёрсюнле, Джандетледен кийим алыб берсинле, Хур къызлары хошкелдиге келсинле… Джулдуз атлы, балдан татлы, ой, анам! Къарачайда къабырынгы табсам эд, Зияратха Азиягъа бармаз эм, Былай болуб къаллыгъымы мен билсем, Джан бермейин айырылыб къалмаз эм. Джыллыкъ джолдан келир эдим кёрюрге, Санга, анам, олджан салам берирге, Разылыкъны алыб алай ёлюрге… Джулдуз атлы, балдан татлы, ой, анам! Бу дуниягъа туумай къалгъан мен болсам, Сени ёлген ачыуунгу билмезем, Къазакъ элде къабырынгы кёрмезем… Джулдуз атлы, балдан татлы, ой, анам! Ата деген ашхы ишге талпытхан, Ана деген кёкню, джерни танытхан, Ёлюм деген хар джюрекни ачытхан… Джулдуз атлы, балдан татлы, ой, анам! Кёр узакъды, тура – тура безерсе, Уллу Аллахны буйругъуна тёзерсе, Махшар кюнде, "ой балам" – деб излерсе… Джулдуз атлы, балдан татлы, ой, анам! Эртден – ингир дуа эте келейим, Суаблыгъын багъышлайыб берейим, Джандетледе, Фирдаусда кёрейим, Джулдуз атлы, балдан татлы, ой, анам! Кюн садакъа мени санга беририм, Аллах айтса, махшар кюндю кёрюрюм, Къазакъ элде къалды, хариб, ёлюгюнг… Джулдуз атлы, балдан татлы, ой, анам! Кёче ёмюрюм – бир карангы тёбеди, Кюн ёмюрюм – джюзюб кетген кемеди, Ёлюм деген хар адамгъа тёреди… Джулдуз атлы, балдан татлы, ой, анам! 1946дж. Стихотворение скопировала со страницы Софьи Семеновой в Фейсбуке
Я самая классная на форуме))))))))))))))
|
|
|
|
Читают тему (гостей: 1)