- Бек анасы джыламаз.
- Алим болгъандан эсе, адам болгъан къыйынды.
- Тюз сёз баргъан сууну тыяр.
- Сёлеш деб шай берген, тохта деб, сом берген.
- Эртде тургъан джылкъычыны эркек аты тай табар.
- Юй кюйдю да, кюйюз чыкъды, ортасындан тюйюш чыкъды.
- Тас болгъан бычакъны сабы – алтын.
- Чомартны къолу берекет.
- Иги адам абынса да, джангылмаз.
- Окъумагъан сокъурду, сокъур ташха абыныр!
- Ётюрюкню къуйругъу – бир тутум.
- Тойчу джашха къарама, къойчу джашха къара.
- Мал тутхан – май джалар.
- Этни бети бла шорпасы.
- Кечеси – аяз, кюню – къыш, джарлы къаргъагъа бир аш тюш!
- Джангыз терек къынгыр ёсер.
- Урунуу – насыбны анасы.
- Насыблы элин сюер, насыбсыз кесин сюер.
- Эм уллу байлыкъ – джан саулукъ.
- Аз айтсам, кёб ангылагъыз.
- Борчунг бар эсе, хурджунунга ойлаб узал.
- Адамгъа аман кюн соруб келмейди.
- Джаным-тиним – окъуу, билим.
- Намысы болмагъанны, сыйы болмаз.
- Адам къыйынлыгъын кёлтюрюр, зауукълугъун кёлтюрмез.
- Джарлыны тону джаз битер.
- Гыдай эчки суугъа къараб, мюйюзле кёрмесе, джашма алкъын, дегенди.
- Итли къонакъ джарашмаз.
- Чомарт къолда мал къалмаз.
- Тил – миллетни джаны.
- Аманнга алтын чыдамаз.
- Акъылсызны джууукъгъа алма, акъыллыны кенгнге салма.
- Баланы адам этген анады.
- Сескекли кесин билдирир.
- Арыгъан къош чамчы болур.
- Аджашханны ызындагъы кёреди, джангылгъанны джанындагъы биледи.
- Адам туугъан джеринде, ит тойгъан джеринде.
- Ата Джуртча джер болмаз, туугъан элча эл болмаз.
- Къууут – джелге, берне – бошха.
- Ариуну – ауруу кёб.
- Джерни букъусу кёкге къонмаз.
- Хатерли къул болур.
- Ана – юйню кюн джарыгъы.
- Аджашхан тёгерек айланыр.
- Ургъан суудан башынгы сакъла.
- Къонагъы джокъну – шоху джокъ.
- Сёз къанатсыз учар.
- Ашаса, ашамаса да, бёрюню ауузу – къан.
- Айныгъанлы алты кюн, тогъайгъанлы тогъуз кюн.
- Оюмсуз атлагъан, аджалсыз ёлюр.
СЮЙМЕКЛИК КИТАБЫ+, Малкъар поэзияны сюймеклик антологиясы
Ответы
|
Гаечка, бизде туман деп жюрюйдю.
|
|
|
|
|
|
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, - деп айтдырды биреуден Тутмакъ жаш, - санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда. |
|
|
|
|
|
***
Азап чекдир, аяма чырт да. Эт не келсе да эсинге. Сюйсенг а кюл, ачы ачыт да, Алай сакълатама кесинги! Тынчлыкъ берип, сагъат жукълатма, Сюйсенг ууат, сюйсенг а – сой! Алай мени бошха сакълатма, Андан эсе ёлтюр да къой. Сени сакълап кюнюм кетеди, Аман бла чыгъа тангнга. Шашып къалсам а, обур? Неди, О не, бу этгенинг манга? Тёзюмсюзлюк жилян эмгенча, Эме, кетмез ауруу тапдым. Аякъ тауушунгу эштгенча, Туруп эшиклеге чапдым. Да келмединг. Ичим кюеди, Сууукъду кесиме тёшек. Ингил гюлюнг нечик кюледи Санга, о къарт, сылхыр эшек. Ахыр кёчюрме |
|
|
|
|
|
.
|
||||
|
|
|
|||
Читают тему (гостей: 1)