- Намыс сатылыб алынмайды.
- Юйлю уругъа ит чабмаз.
- Кёб джашагъан – кёб билир.
- Ата – билек, ана – джюрек!
- Чакъырылмай келген къонакъ сыйланмай кетер.
- Малны кют, джерни тюрт.
- Бал чибинни ургъаны – ачы, балы – татлы.
- Эринчекге кюн узун.
- Босагъа таш юйге кирмей эди, тыбыр таш эшикге чыкъмай эди.
- Джарлыны тону джаз битер.
- Чабар ат – джетген къыз.
- Алтыннга тот къонмаз.
- Асхат ашлыкъ сата, юйдегиси ачдан къата.
- Кийимни бир кюнню аясанг, минг кюннге джарар.
- Ашын ашагъанынгы, башын да сыйла.
- Кёб джат да, бек чаб.
- Акъыл неден да кючлюдю.
- Харам къарнашдан, халал тенг ашхы.
- Агъач – джерни чырайы, кийим – эрни чырайы.
- Эркишини аманы тиширыуну джылатыр.
- Сютню башын джалагъан къутулур, тюбюн ичген тутулур.
- Аз сёлеш, кёб ишле.
- Эл элде бирер малынг болгъандан эсе, бирер тенгинг болсун.
- Чакъырылмагъан къонакъ къачан кетерин сормаз.
- Мал тутхан – май джалар.
- Окъуу – билимни ачхычы, окъуу – дунияны бачхычы.
- Къарнынг къанлынга кийирир.
- Къарнынг ауруса, ауузунгу тый
- Туз, гырджын аша, тюзлюк бла джаша.
- Адам къаллай бир ишленмесе, аллай бир кесин уллу кёреди.
- Тойгъандан сора, ашны сёкме.
- Ётюрюкню къуйругъу – бир тутум.
- Дуния аламаты сен эсенг да, игиме деб айтма.
- Кюн – узун, ёмюр – къысха.
- Гитче джилтин уллу элни джандырыр.
- Билим къая тешер.
- Чыбыкълыкъда бюгюлмеген, къазыкълыкъда бюгюлмей эди.
- Алтыда кюлмеген, алтмышда кюлмез.
- Джаным-тиним – окъуу, билим.
- Элде адам къалмаса, ит тахтагъа минер.
- Азыкълы ат арымаз, къатыны аман джарымаз.
- Ётюрюкню башын керти кесер.
- Дууулдаса – бал чибин, къонса – къара чибин.
- Айтылгъан сёз ызына къайтмаз.
- Сакъламагъан затынга джолукъсанг, не бек къууанаса, не бек ачыйса.
- Акъыллы эркиши атын махтар, акъылсыз эркиши къатынын махтар.
- Иги сеники эсе да, сюйген кесимикин этеме.
- Къолунгдан къуймакъ ашатсанг да, атаны борчундан къутулмазса.
- Къобан да къуру да къобханлай турмайды, адам да къуру да патчахлай турмайды.
- Чомартны къолун джокълукъ байлар.
"АКЪТАМАКЪ", ЛИТЕРАТУРНО - ПОЭТИЧЕСКОЕ КАФЕ · автор: Кергелен
Ответы
|
Все-таки на русском звучит поэтичнее) или потому что перевод такой хороший))
|
|
|
|
|
Кюнюнг ашхы болсун, Айшат. Назмуларынг ашхы болгъанларын а кёре туруучанма да - къууанама. Эресейде кёб тюрлю адабимят эришиуле-клнкурсал болуучандыла. - алагъа къошула турсанг иги боллукъ эди. Газетле, журналла да бардыла - алагъа да ие тур назмуларынгы. Сен профессионал дараджада джазаса - бир джерде хорламасанг, экинчи джерде зорларса, бир джерде басмаламасала - башха джерде басмаларла. Бу къысха назмунг да сёз табмазча игиди. Энди кёчюрмелеринге-переодларынга да бир къарайыкъ.. |
|||||
|
|
|
|
|||
|
|
|
|
Айшат,
къалайса, Айшаааат?))) 👍👍Аламат кёчюргенсе. |
|
|
|
|
|
Sabr,
кюнюгюз ахшы болсун!) Жууунгу деб алгъын эл болгъанды Чегемде, Исмаилны къая сууу андан саркъыб келе болур) |
|
|
|
|
|
Sabr, Айшат, shaudan, Аллах разы болсун сизден! Бек къууанама хар кергеним сайын джазгъаныгъызны. Кезюм къыймайды ызыгъыздан кириб джууаб джазаргъа, блай кириб форумгъа къарасаб атларыгъыз керюнюб турса кезюм къууанады)), джууаб джазыб къойсам а къуру да кесими никими керюб турлукъма.
Я самая классная на форуме))))))))))))))
|
|
|
|
|
|
Sabr, Билал, туугъан кюнюгюз бла алгъышлайма "Акътамакъны" 100-чю бетинде!
Алайды да, бу темада джазыучула, окъуучула, барыбыз да 100 джыл Юбилейигизге аталгъан уллу джыйылыуда тюбер насыбны берсин, Сиз да назмуларыгъызны окъуй, миллетибизни тарихинден хапар айта, биз да сорууларыбызны бере, джууабына эс ийиб тынгылай. Эльбрусоидни форумунда (мен кергеними айтама, аны тышында да болур) талай джаш адамны фахмусун таныб, поэзияда, джазмучулукъда биринчи башламларын этген сагъатларында, джангылгъан джерлерин тюзете, тюз джазгъан джерлерин черте, кел бериб, алларын айландырдыгъыз фахмуларын ачыкъ этерге, хайырландырыргъа. Бюгюнлюкде талайы Журналист союзлагъа член болдула, кеслерини китаблары басмаланды. Джаш поэтле бла къалмай, бютеу да миллетибизде джаш адамлагъа ана тиллерин сюерге, миллетлерин сюерге, къайдан чыкъгъанларын, ким болгъанларын унутмазгъа юретгенлей турасыз. Андан тышында спорт бла кюрешгенлеге, ишинде кесин иги бла кергюзтгенлеге, адет бла, намыс бла кеслерин ариу тута бергенлеге сый бере, хар кимге да таныта, игини амандан айырыргъа, иги болургъа тырмашыргъа керек болгъанын "блай" деб айтмагъанлай, сыйдамы бла билдиргенлей турасыз. Кеб джашагъыз! Миллет ючюн деб кеб кюрешесиз да, юйдегигизден къууаныгъыз, юйдегигизге саугъа болуб къайтсын къыйыныгъыз Аллахдан! Аллах саулукъ, джюрек рахатлыкъ, кюч, ийман, узакъ емюр берсин!
Я самая классная на форуме))))))))))))))
|
|
|
|
|
|
Сэстренка, къалайса? Аперим сенге, унутмай, суутмай тураса араны! Джашаудан къуан!
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
|
Читают тему (гостей: 1)