Войти на сайт
13 Декабря  2019 года

 

  • Сескекли кесин билдирир.
  • Къызны минг тилер, бир алыр.
  • Босагъа таш юйге кирмей эди, тыбыр таш эшикге чыкъмай эди.
  • Баш – акъыл ючюн, акъылман – халкъ ючюн.
  • Этни да ашады, бетни да ашады.
  • Арбаз сайлама да, хоншу сайла.
  • Кёл – къызбай, къол – батыр.
  • Ким бла джюрюсенг, аны кёзю бла кёрюнюрсе.
  • Билмезни кёзю кёрмез, этмезни къулагъы эшитмез.
  • Аз сёлеш, кёб ишле.
  • Ач къарынны, токъ билмез
  • Экиндини кеч къылсанг, чабыб джетер ашхам.
  • Арбаз къынгырды да, ийнек сауалмайма.
  • Аллахха ийнаннган кишини, Аллах онгдурур ишин.
  • Келинни – келгинчи, бёркню кийгинчи кёр.
  • Аджалсыз ёлюм болмаз.
  • Башы джабылгъан челекге, кир тюшмез.
  • Чакъырылмагъан къонакъ тёрге атламаз.
  • Сабыр джетер муратха, сабырсыз къалыр уятха.
  • Бичгенде ашыкъма, тикгенде ашыкъ.
  • Къартха ушагъан джаш – акъыллы, джашха ушагъан къарт – тели.
  • Дуния аламаты сен эсенг да, игиме деб айтма.
  • Минг тенг да азды, бир джау да кёбдю.
  • Къолунгдан къуймакъ ашатсанг да, атаны борчундан къутулмазса.
  • Арба аугъандан сора, джол кёргюзтюучю кёб болур.
  • Байны къызы баймакъ болса да, юйде къалмаз!
  • Ёнгкюч къууана барыр, джылай келир.
  • Ишлемеген – тишлемез.
  • Къарт айтханны этмеген, къартаймаз.
  • Таугъа чыгъаллыкъ эсенг, тюзде къалма.
  • Чомартны къолу берекет.
  • Биреуге аманлыкъны тилеме да, кесинге ашхылыкъны тиле.
  • Джангыз терек къынгыр ёсер.
  • Къан бла кирген, джан бла чыгъар.
  • Байлыкъ болгъан джерде, тынчлыкъ джокъду.
  • Кёбге таш атма.
  • Бети къызарыучу адамны, джюреги харам болмаз.
  • Асхат ашлыкъ сата, юйдегиси ачдан къата.
  • Адамны бетине къарама, адетине къара.
  • Байлыкъ адамны сокъур этер.
  • Юйюнг бла джау болгъандан эсе, элинг бла джау бол.
  • Ата – билек, ана – джюрек!
  • Тёрде – темир таякълы, къаяда – чыпчыкъ аякълы.
  • Тойгъандан сора, ашны сёкме.
  • Байлыкъ келсе, акъыл кетер.
  • Къызгъанчдан ычхыныр, мухардан ычхынмаз.
  • Къонакъ болсанг, ийнакъ бол.
  • Къатыны харакетли болса, эри къымсыз болур.
  • Мал тутхан – май джалар.
  • Ач къалгъандан, кеч къалгъан къолай.

 

   RSS
"АКЪТАМАКЪ", ЛИТЕРАТУРНО - ПОЭТИЧЕСКОЕ КАФЕ · автор: Кергелен
 
"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!:гоккачыкъ:

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.
Изменено: Кергелен - 05.10.2012 16:25:11
Страницы: Пред. 1 ... 115 116 117 118 119
Ответы
 
Ас-саляму алейкум))
так давно не занималась себяненавидением после постов в этой теме, что чуть ли не ностальгирую.

По-хорошему, текстам следует давать названия, потому что "алада адамлачадыла". Мне же легче дать имя человеку (легче легкого), чем название тексту. В данном случае нужно просто знать, что
квазиназму обращен к родной земле квазипоэтишки.

Жангыдан юйренеме санга.
Сен сабырса, ашыкъмайма мен.
Кек мында, сагъышымча, терен.
Сен биле эсенг, айт: кимме мен?

Узакъда самолёт бла жулдуз.
Къайсына байланыпма?
Кече
Бир иги заманды кечерге.
Кёчерге да.

Бу аяз, умутум кибик, сакъ,
арсарлыкъ, таукеллик да толу.
Тынгылап турайым, сен солу.
Тынгылап турайым, черек, саркъ...
 
Уясыз къанатлы, тамырсыз терекчик,
умуту бла жолда, сагъышы бла - кенгде,
жукъ тилемеген,
тапмагъан зат берирге,
ийилип, ийилтип да кюрешмеген бир.

Азатла - азатха, телиле - телиге
тергеген.
Экиси да - керти.
 
shaudan, cалам.

Мен билеме Сени ким болгъанынгы: Сен шайырса, поэтсе. Назмугъа джангы магъана, кеб, кафие(рифма) излеб, табыб да кюрешесе. Алайсыз, джазгъандан не хайыр?

"Кече
Бир иги заманды кечерге.
Кёчерге да."


Джашлыкъ
бир иги заманды
джашаргъа, джазаргъа да.

Аллах айтса, Шаудан, кишиге ушамагъан хатынг бла, джангы сёзюнг бла, назмуларынг бла къууандыргъанлай турурса бизни.
__________

"самолет" сёзню "учакъ" деб, Тюркде джюрюгенча айтыб къойсанг да, келишиб къаллыкъ болур эди.деб келеди кёлюме.
 
Цитата
Sabr пишет:
"самолет" сёзню "учакъ" деб, Тюркде джюрюгенча айтыб къойсанг да, келишиб къаллыкъ болур эди.деб келеди кёлюме.
Отдан келек киеме)))), ма блай айтханыгъызны керсем))
Я самая классная на форуме))))))))))))))
 
Sabr,
уа алейкум ас-салям. Алайды, "самолёт" кеси орунунда тюйюлдю. "Учакъ" деп интернетде суратлада керген болмаса, адам айтып эшитмегениме, алыкъын бизники болуп бошагъан болмаз дей эдим.
Сау болугъуз.
 
Ас салам алейкум, Акъсёзчюле))
 
Туугъандан эки Джуртум бла байма,
Бирине борчлуем джокъларгъа.
Бюгюллю джолгъа ёхтем къарайма,
Чархымы бургъанма Малкъаргъа.

Тюзлени ётдюк. Джигит нартлача
Мийикден къарайла тау башла.
Тансыгъым сюре, джылы аязча,
Кёлюмю байлайма хар ташха.

Къайсынны сёзю джарыкъ этеди,
Сууутады Казимни кюйю.
Ма бу джер манга джууукъ джетеди,
Ма блайыды таулуну юйю.

Эй, ёзен, тамам ана къучакъса,
Хауадан тоялмайд кёкюрек.
Деулени заманына къайтханча,
Бёленеди тарихге джюрек.

Халинге джетмез таза сууунг да,
Насыбынг а кёб болсун къардан.
Сан болса да Къарачай Джуртум бла,
Джанымы къояма Малкъарда.
 
Цитата
Ibn-Ahmat пишет:
Ас салам алейкум, Акъсёзчюле))

Уалейкум ас-салам. Кесинги танытсанг (таб кёрсенг) иги боллукъ эди. Назмунгу не магъана бла салгъанса? Кёлюгюзге келгенни айтыгъыз дебми, огъесе, окъугъуз да къууаныгыз дебми? Къалай десенг - алай.
 
Уалейкум ас-салам. Кесинги танытсанг (таб кёрсенг) иги боллукъ эди. Назмунгу не магъана бла салгъанса? Кёлюгюзге келгенни айтыгъыз дебми, огъесе, окъугъуз да къууаныгыз дебми? Къалай десенг - алай.
[/quote]

Салам алейкум, Билял. Ёзден улу Шамилме. Нете тураса, тынчмыса? Тюз алай киргенем да
 
Ibn-Ahmat,
Ас-саляму алейкум, къарнашым. Мен, сени биринчи сохтанг, салютчукъ этмей къоялмайма къайтханынг амалтын. Тынч-эсен болурса?

Ма бу джер манга жууукъ зетеди. ©Шамил Ёзден

Артыкъ хапар – энчи хапар кеси,
Сёзле, садакъчылача тизилип…
Зауукъ, женгнгилликден арып келсенг, -
Ауур тауну сабыр тилсизлиги.

Тангны ёхтем, ашыкъмай атханы
Ийнандырмаз кюнюнг батханына.
Журтунг – ышыкъ, къачар эдим десенг
Адамладан, эсе да, кесингден.

)
 
shaudan,
Алейкум ас салам, Лаура!) Аллах разы болсун багъалы эгешчигим) Шукур Аллахха, тургъаныбызча турабыз) Миллетни барындан да теренди акъылынг, къачан да санга устазлыкъ этерча тюлем) Джолунг джарыкъ болсун, эм насыблыладан бол!)

Блайда хазна киши къымылдамагъанына бир кесек кёлюм азча болуб, дагъыда кесим да джокъламай турама. Суууб къалыргъа джарамаз, иги башланнган эди бу кафени аллы
 
Цитата
Ibn-Ahmat пишет:
Ёзден улу Шамилме
Бир затха сагъышлы болдум: джаш болса, джашъа "Узден улу", "Мама улу" (Мамолу) дейдиле. Къызгъа уа къалай айтылады?
Атасыны аты бла айтылгъанны билеме: "Таугерийни къызы", "Билалны джашы" дегенча, къызны тукъуму бла айтырыкъ болсанг а къалай айтаса?
Я самая классная на форуме))))))))))))))
 
Ibn-Ahmat,
сау бол, Шамил. къарнашымы алгъышы ёсюб, кесине да жетсин.


Сэстренка,
))) энди мен аны сагъышын этип турлукъма. ол бир темада постланы кетергенигиз ючюн да сау болугъуз.
 
Ёзден къызы (Узденова), Мисир къызы (Мисир), Мусук къызы (Мусукова)... Мен кесим эшитген абадан адамла айтып.
 
Цитата
Хаджимурат пишет:
Ёзден къызы (Узденова), Мисир къызы (Мисир), Мусук къызы (Мусукова)... Мен кесим эшитген абадан адамла айтып.
Къарачай джанындамы, Малкъар джанындамы?
Я самая классная на форуме))))))))))))))
 
:emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64:

Бюгюн "Акътамакъ" литература - поэт кафеде уллу къууанч кюндю: белгили поэтибиз - джазыйчубуз,
Ата джуртун бек сюйген, Ана тилин бек сюйген, къарачай-малкъар миллетин бек сюйген,
ата-бабаларындан келген адетлени бек тутхан, джаш телюлеге акъыл юретген, кеси юлгю болгъан,
биз да аны бек сюйген, келюбюз бла сыйлагъан Билал Лайпановны ТУУГЪАН КЮНЮДЮ!)))

Билал, таза джюрекден алгъышлайбыз барыбыз да ТУУГЪАН КЮНг бла! Аллахдан тилейбиз эм
алгъа саулукъ, къаты ийман, насыб, узакъ емюр, тынчлыкъ, рахатлыкъ, кесинги не муратларынг
бар эсе, бютеу барысын толу этерин!

экинчиде - не заманда да кез туурабызда турурунгу тилейбиз, форумда болсун, энтда басмадан
чыкъарыкъ китабларынг болсун. Джангыз бу темада огъуна барды бир талай джаш адам, сени
болушлугъунг бла, сени оноуунг бла, сени кел бергенинг бла эки-юч джылны ичинде белгили
поэтле болгъанла. Къарачайлыла айтханлай, ызы къалын болсун! Энди тууарыкъ телюлеге да
устазлыкъ этерча берсин Аллах!

Я самая классная на форуме))))))))))))))
 
Цитата
Сэстренка пишет:


Бюгюн "Акътамакъ" литература - поэт кафеде уллу къууанч кюндю: белгили поэтибиз - джазыйчубуз,
Ата джуртун бек сюйген, Ана тилин бек сюйген, къарачай-малкъар миллетин бек сюйген,
ата-бабаларындан келген адетлени бек тутхан, джаш телюлеге акъыл юретген, кеси юлгю болгъан,
биз да аны бек сюйген, келюбюз бла сыйлагъан Билал Лайпановны ТУУГЪАН КЮНЮДЮ!)))

Билал, таза джюрекден алгъышлайбыз барыбыз да ТУУГЪАН КЮНг бла! Аллахдан тилейбиз эм
алгъа саулукъ, къаты ийман, насыб, узакъ емюр, тынчлыкъ, рахатлыкъ, кесинги не муратларынг
бар эсе, бютеу барысын толу этерин!

экинчиде - не заманда да кез туурабызда турурунгу тилейбиз, форумда болсун, энтда басмадан
чыкъарыкъ китабларынг болсун. Джангыз бу темада огъуна барды бир талай джаш адам, сени
болушлугъунг бла, сени оноуунг бла, сени кел бергенинг бла эки-юч джылны ичинде белгили
поэтле болгъанла. Къарачайлыла айтханлай, ызы къалын болсун! Энди тууарыкъ телюлеге да
устазлыкъ этерча берсин Аллах!


Сэстрёнка, кечериксе, энди кёре турама алгъышлауунгу. Алгъышлыкъ бол. Иги сёзлеринг – барына да мен тыйыншлы болгъандан тюл – кесинги игилигингден, джюрегинги ариулугъундан, тазалыгъындан, уллулугъундандыла. «Эльбрусоид» дегенлей, эм алгъа Сен эсиме тюшесе. Джаш болсанг да – башса. Менича джыллары келгенлени да кёллендире, кесингден джашыракълагъа да джол кёргюзте, бютеу халкъыбызгъа да ёкюллюк эте – саулукъ бла, къууанч бла кёб джаша. Келгенден ары, джангы туугъан бир назмуму да къоя кетейим – орус тилге кёчюрюб, тылмачлыкъ фахмусун кёргюзтюрге излеген болса да, бек къууанныкъма. Аллах къууандырсын барыбызны да.


НЕ КЪЫЙЫНДЫ «ДЖАШАУ» ДЕГЕН ДЖОЛ

1
Джаралы джугъутуру сауду Кязимни,
Къан ызын а кёреме тауда:
Джууалмайды аны не джауум, не заман.
Джангы къан ызны да кёреме:
Эски джарасымы ашланнган болур,
Огъесе,
Джаралымы этген болурла джангыдан?

2
Къайсынны джаралы ташындан да
Къан тамчыла туралла тама.
Тот болгъан кюн шкок бла къама,
Тохтарыкъ болур къан саркъгъан андан да.

3
Джуртда Джангыз Терекни уа
Кюрешелле кесиб мычхы бла балта,
Бир кере кесгенлери этгенча азлыкъ.

Шайыр джанындан эте да юлюш,
Джашаугъа къайтарады аны.
Ала уа – мычхы бла балта –
Къанлы ишлерин башлайла джангыдан...

4
Мурдарлыкъ бла джашауну арасында
Къалюбаладан бери барады къазауат:
Ёз джюреклерин этиб къалкъан,
Сёзлерин да этиб къылыч-къама,
Шайырла къутхарыб кюрешелле
Кийикни, ташны, терекни да...

Джанлы, джансыз табигъатны да
Кюрешелле къутхарыб поэтле.
Иннетлери, сёзлери, ишлери бла да
Ушатыргъа излей джерни джандетге,
Кетедиле джашаудан ала.

Мингджыллыкъ сёз ызларында
Джюрек къанлары уа уюмай,
Халкъны турадыла тюшюндюре,
Тюшюндюре, къайтара таубагъа.

5
Джаралы кийикни, ташны, терекни,
Джаралы эсни, джюрекни –
Барын да кёрелле Сёзде.

Неди Сёз –
Джарылгъан джюрекден
Акъгъан бир къан тамчы.
Акъ болса да – къызылды ол.
Не къыйынды «джашау» деген джол.
20-04-2019
Страницы: Пред. 1 ... 115 116 117 118 119
Читают тему (гостей: 3)

 

Написать нам