- Окъугъанны бети джарыкъ.
- Чакъырылмагъан къонакъ – орунсуз.
- Хансыз джомакъ болмаз.
- Уллу суу бла уллу ауруудан башынгы сакъла.
- Ётюрюкчюню шагъаты – къатында.
- Ачны эсинде – аш.
- Хар зат кесини орнуна иги.
- Адамны аты башхача, акъылы да башхады.
- Бетинги сатма, малынгы сат.
- Ашатыргъа иш – ашхы, ишлетирге аш – ашхы.
- Чакъырылмагъан джерге барма, чакъырылгъан джерден къалма.
- Баш болса, бёрк табылыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёрмегеннге кебек – танг, битмегеннге сакъал – танг.
- Иги болса, тамадама – махтау, аман болса, меннге – айыб.
- Тёзген – тёш ашар!
- Иги адамны бир сёзю эки болмаз.
- Ашхы тенг джолгъа салыр, аман тенг джолдан тайдырыр.
- Кесине гебен этелмеген, биреуге черен эте эди.
- Термилгенинги табмазса, кюлгенинге тюберсе.
- Биреуге кёлтюрген таягъынг, кесинги башынга урур.
- Мен да «сен», дейме, сен да «кесим», дейсе.
- Иги адам абынса да, джангылмаз.
- Эли джокъну – кёлю джокъ.
- Къазанчы аман болса, къазаны къайнамаз.
- Къартны бурнун сюрт да, оноугъа тут.
- Суугъа – чабакъ, къаягъа – ыргъакъ.
- Адам къаллай бир ишленмесе, аллай бир кесин уллу кёреди.
- Минг тенг да азды, бир джау да кёбдю.
- Иги джашны ышаны – аз сёлешиб, кёб тынгылар.
- Тойгъа барсанг, тоюб бар, эски тонунгу къоюб бар.
- Къумурсхала джыйылсала, пилни да джыгъадыла.
- Асхат ашлыкъ сата, юйдегиси ачдан къата.
- Къралынгы – душмандан, башынгы от бла суудан сакъла.
- Ариу – кёзге, акъыл – джюрекге.
- Арпа, будай – ащды, алтын, кюмюш а – ташды.
- Акъыл неден да кючлюдю.
- Арба аугъандан сора, джол кёргюзтюучю кёб болур.
- Танг атмайма десе да, кюн къоярыкъ тюйюлдю.
- Эм уллу байлыкъ – джан саулукъ.
- Ётюрюк хапар аякъ тюбю бла джюрюйдю.
- Тойгъан джерге джети къайт.
- Джюрекден джюрекге джол барды.
- Сабий кёргенин унутмаз.
- Бек анасы джыламаз.
- Айранны сюйген, ийнек тутар.
- «Ёгюз, джаргъа джууукъ барма, меннге джюк боллукъса», - дегенди эшек.
- Адеб джокъда, намыс джокъ.
- Къатын къылыкъсыз, эр тынчлыкъсыз.
- Сёз сёзню айтдырыр.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
04.06.2015 00:57:30
Бу Эбзеланы Абу-Юсуф хаджини сайтыды. Анда быллай бёлюмле бардыла: Башында айтханымча, Акъбайланы Чокуна-афенди, Каппушланы Ахия-мубарек (джандетли болсунла), Эбзеланы Абу-Юсуф хаджи Къарачай адабиятны дин бёлюмюн къургъан, Хакъ сёзню Акъ сёз бла да айтхан адамладыла. |
|
|
|
15.06.2015 17:54:56
Аны бла къоюб олтурмай, Къуран наука бла къалай келишгенин билирим келиб, кёб научный китабла къармагъанма. Сёз ючюн, сизге предлагать этерге боллукъма аланы бирин - "Библия, Коран и наука" деб, французлу Морис Бюкай, учёный джазгъан китабны. Дагъыда башхаланы, араб тилде да окъугъанма. Къарачай тилни грамотасын а юйде кесим школ китабланы окъуб юреннгенме. Айыб этмегиз, сиз кесигиз а устаз болубму ишлейсиз? |
|||
|
|
15.06.2015 21:13:52
Эбзе улу Абу-Юсуф, Абу-Юсуф, сау болугъуз, Аллах разы болсун, Аллах кючюгюзню кеб этсин. Эртдеракъ болса "тоба-тоба" дерик эдим)), алай айтылмайды, джукъгъа сеирсинсенг "Субханаллах" деб айтыргъа керекди деб Эльбрусоидде джашчыкъла юретгендиле). Алайды да, СУБХАНАЛЛАХ! Керти келюм бла сеирсиндим). Меннге уллу загадка болуб тура эди Сизни къайда, къалай окъугъаныгъыз, къайдан билгенигиз. Аллах берген фахму болур эшта. Алай а, фахмуну да Аллах аз адамгъа бере болмаз, аны да тас этмей, хайырландырыргъан адамла аздан да азыракъ болурла ансы... ансы мен дун-нуниямда эшитмегенме, кермегенме, не философлада, не затда блай самостоятельно билимни табыб алгъан...
Тюзю, бусагъатда бир затла эсиме келедиле, келишдириб хапар айталлыкъ тюлме ансы. Къыйырын ачыкъларгъа бир кюрешеим да, не Сиз, не башха кимни хапары болгъанын билиб айтыб къояр эсегиз а. Бир джашчыкъ бир уллу ученыйге (Исламдан алимми эди, ким эсе да бир философму эди, билялмайма) сохта болур муратда "меннге окъут" деб тилегенди. Ол ученый унамагъанды. Хы, ол ученый тюз ученый болмагъанды, ученыйлеге тамадалыкъ этиб тургъан ученый болгъанды. Ол джашчыкъ "огъай" дегенине къарамай, кюн сайы келиб тилеб тургъанды "окъут мени" деб. Кеси уа къайдан эсе да узакъ джерден джюрюб келиб тургъанды. Сора ол ученый ахыры не деб башын алыргъа билмегенинде бу сабиден, бу эталмазча бир уллу китабны аллындан артына дери назму этсенг окъутурма дегенди. Быллай бир заманнга деб заман да белгелегенди, башха ученыйле да эшитиб тургъанлай. Кюлгендиле ученыйле. Джашчыкъ а шанс чыкъды деб къууаннганды. Экинчи кюн ученыйле келселе тамадаларына, ол джашчыкъ арбазда къоз терекни тюбюнде олтуруб тура, уллу китабны окъуй. Кюн сайын алай бола тургъанды. Ученыйле дажшчыкъгъа кюлгендиле, алай а джашчыкъ алагъа къарамай кюн сайын келиб ол къоз терекни тюбюнде олтуруб назму этиб тургъанды китабны ичин. Таб ачыуу да келгенди, обижаться да болгъанды ученыйле мекямны ичинде салкъында олтуруб, ьу да кюн иссиде эшикде олтуруб тургъанына. Алай бла мынга берилген заман етгенди. Ну, в общем, дальше все как в сказке: мальчик все выучил, ученые поразились - удивились, этому великому ученому некуда было деться - при свидетелях же обещал, и этот мальчик стал его учеником)). Эсимде болмагъан затны алдаб келишдириб къоярым келмейди)), ансы Къуранны юреннген болса ариу келишиб къаллыкъ эди)).
Сора назмула да джазасыз да ана тилде. Ненча джылыгъызда джазыб башлагъан эдигиз назму?
Я самая классная на форуме))))))))))))))
|
|||||||
|
|
16.06.2015 12:52:09
Араб тилде - Абдуль-Маджид Зинданини китабы "Таухид", бек аламат китабды. Орус тилде да Али Вячеслав Полосинни китаблары. Интернетни ичинде кёб зат барды, сёз ючюн ма бу сайт
Назмугъа да, джазаргъа да, грамотагъа да бир заманда, 50 джылымдан атлаб юрениб башлагъанма. |
|||||||
|
|
25.06.2015 10:53:25
Сабахуль хайри! кейфа сиххатукум? ин ша Аллах, кулли тамам! Ли суал иляикум.Хал яджуз хатмиль Къурана ли арбагъата ашхас маррата уахида?
псори тамам
|
|
|
|
25.06.2015 16:13:15
Иги къызча, бизни тилге да кёчюре бар арабчангы. Болсунму? |
|||
|
|
25.06.2015 20:04:04
псори тамам
|
|||
|
|
27.06.2015 19:50:04
Мени да барды сеннге сорууум - сен болгъанны да билгенинг кертимиди?)
Изменено: |
|||
|
|
07.07.2015 11:22:35
Шукуран джазиилян!
псори тамам
|
|||
|
|
19.08.2017 17:37:01
БИЛДИРИУ
Джазыучуланы, окъуучуланы да эслерине салыргъа излейме: Эбзеланы Абюсюб хадижни джангы сайты барды: Абу-Юсуф(Абюсюб) хаджини китаблары, ауаз берген бериулери да бардыла сайтында. Аллах ёмюрюн узакъ этсин Абюсюб мубарекни. Халкъыбызда динни джаяр ючюн мардасыз кёб иш этгенди. Къуранны къарачай тилге кёчюргени - ёмюрледе да айтылыб турлукъ ишди. Эбзе улуну сайтында кёб сейир материал табарыкъды окъуучу |
|
|
|
17.07.2019 20:59:06
Абу-Юсуф хаджини бир кере да кермесем да, бек джууукъ адамыма къууаннганча къууана эдим, не джазгъанын окъусам, не хапарын эшитсем. Мени Анамда Абу-Юсуф хаджини "Намаз керек" деген джашил китабчыгъы барды, биргеме бериб ийген эди, Анам айтханны запомнить этиб къоялмагъанымда. Намаз керекни ол китабчыкъдан юреннген эдим. АНдан да алгъа уа Къурман Эльбруосидде къарачай тилге Эбзеланы Абу-Юсуф хаджи кечюрген "Ас-Алан" журналда басмаланнган Къуран китабны берген эди. Бюгюн-бюгече да эсимдеди, къалай сеир болуб окъугъаным. Сора Эльбруосид уллу саугъа этди: Къуранны ана тилибизде аудио этиб чыгъарды да. Бюгюн-бюгече да приложение телефонумда, тынгылайма, Абу-Юсуф хаджини эсиме тюшюре, Аллахдан анга тилек тилей. Эсиме тюшюре десем да, эм бек эсимден кетмеген неди десегиз, мен бир кере соргъан этген эдим, къачан къалай окъуб башлагъанын араб тилде. Абу-Юсуф орусча да, къарачайча да, арабча да 50 джылында юрениб башлагъанын айтыб бек сеирсиндирген эди. Аллахны сайлагъан къулу болуб ол фахму 50 джылында берилгенди деб мени келюм алайды. Ма быллай адамларыбызны танытхан, быллай адамларыбызгъа джуукълашыргъа мадар берген Эльбруосидни къурагъан, ишине къошулгъанлагъа да барысына Аллах сууаб китабларына джазсын тюз акъылларын, сан къыйынларын.
Я самая классная на форуме))))))))))))))
|
|||
|
|
15.06.2020 21:18:32
Devuşka Gor, Allah razı bolsun senden, Abu Yusuf Haci rahmatlıdan. Soruunu sorganedim, sorgansız, bilgeniçe oyumuça igi neyetle cuuap bergendi. Canngı kördüm, daha alga izlep tabalmağanedim( Bek sauboluğuz canngıdan Allah razı bolsun ekigizden de barıgızdan da.. Abu Yusuf Haci'ge Allah rahmat eylesin, sizlege de hayırlı uzak ömürle.. Amin.. Canngız munu üsünden bir kesek cazarga kereklime, sağışlarımı, tüşünngenlerimi (birazdan; köp cazsam keçkinlik..)... Tam da bu Karaçay Malkar milletibizni, adamulunu kırıp, aurutup turgan bu calgan Korona auuruunu zamanında. Allah bla saklanayık. Amin Allah.. Девушка Гор, Аллах разы болсун сенден, Абу Юсуф Хаджи рахматлыдан. Сорууну сорганедим, соргансыз, билгениче оюмуча иги неетле джууап бергенди. ДЖаннгы кёрдюм, даха алга излеп табалмагъанедим( Бек сауболугъуз джаннгыдан Аллах разы болсун экигизден де барыгыздан да.. Абу Юсуф Хаджи'ге Аллах рахмат эйлесин, сизлеге де хайырлы узак ёмюрле.. Амин.. ДЖаннгыз муну юсюнден бир кесек джазарга кереклиме, сагъышларымы, тюшюннгенлерими (бираздан; кёп джазсам кечкинлик..)... Там да бу Карачай Малкар миллетибизни, адамулуну кырып, аурутуп турган бу джалган Корона ауурууну заманында. Аллах бла сакланайык. Амин Аллах..
Изменено: |
|||
|
|
16.06.2020 01:03:51
Başka tillege köçürmelede tübemeğenme başha mağanada aytılgan allah dep sözlege. Kur'annı kesinde ilah denileyese, ilah dep köçürülse Karaçaylıla anglarıktıla, ne de teyri denilse.. 6. En'am sure 74. ayet.. "74. Сен эсге ал, Ибрахим атасы Азаргъа: «Гяуур къачланы кесинге аллахла этибми алдынг сора? Мен сени да, къауумунгу да аджашыуда кѐреме», -дегени" Ayatnı arapça aslında, "6/EN'ÂM-74: Ve iz kâle ibrâhîmu li ebîhi âzere, e tettehizu esnâmen âliheh(âliheten), innî erâke ve kavmeke fî dalâlin mubîn(mubînin)." "allah" dep söz coktu.. Türkçe köçürmeleni birinde bılay köçürgendile: 74. Hani İbrahim, babası Âzer’e, “Sen putları ilâh mı ediniyorsun? Şüphesiz, ben seni de, kavmini de apaçık bir sapıklık içinde görüyorum" demişti." Rusça köçürmeleğe karalsa, alada da bu ayatta allah dep söz cazılğan bolmaz sunama. Bakara 255 (ayatul kursi), Maide suura 116, En'am suura 14, 19, 46, ,102, 106, 129, Bakara suura 163, Tevbe suura 129. ayatlağa karağız arapça aslına, rusça angliski başha tillege köçürmeleğe tengleştirip bir karağız.. Bu temada kalejchi ""Siz Kurannı kallay bir zamannga köçürgensiz? Köçürgen sagatda em kıyını ne edi? Sizden sora da, sizge deriçi ese da (bilmeyme), Kurannı Hubiylanı Abu-Hasan da köçürgendi deb eşitgenme. Anı köçürgenin siz körgenmisiz, ne aytırga bollukdu anı üsünden?" "Сиз Къуранны къаллай бир заманнга кёчюргенсиз? Кёчюрген сагъатда эм къыйыны не эди? Сизден сора да, сизге деричи эсе да (билмейме), Къуранны Хубийланы Абу-Хасан да кёчюргенди деб эшитгенме. Аны кёчюргенин сиз кёргенмисиз, не айтыргъа боллукъду аны юсюнден?" dep soradı. Abu Yusuf Haci rahmatlı, tercumanı 4 cılda boşağanın aytadı, Hubiylanı Abu Hasan'nı köçürmesini üsünden mannga cuk aytırğa caraşmaz deydi.. Karaçay gazetada cazılgınçı Karaçay tilde başha köçürmeni bolğanın bilmeyem, bir cerde eşitmeğenem tübemeğenem. Gazetada okuğandan sora Abu Hasan rahmatlını köçürmesine kararga izleğenem alay a ne bek küreştim ese bir keseğin oğuna tabıp okuyalmadım. Alayda başka mağanalanı berir üçün "allahla" dep cazılıp cazılmağanına kararıgem. Alay a sunmayma.. Gazeta haparda Abu Hasan rahmatlını köçürmesini din kullukçulanı razılığı bla çıkhanı cazılıp turaedi. Din kullukçulanı müftüleni hacileni hocalanı bu köçürmede başha mağanalanı berir üçün de bolsa gitçe a bla "allahla" dep cazılıp barılğanını üsünden kara tınglaunı basıp "alay cazılğanından cuk bolmaz" ne de "alay cazılmasa igiyedi" demeğenlerine tüzü bek seyir bolup turama.. Kur'an ayat mıdı, hadis midi, ogese tauatir midi igi bilmeyme.. Bir cerde okuğanem, Allahü teala möleklege bir cerni cok etigiz buyuradı, mölekle alayda salih igi adamla da bardı deydile. Allahü teala alanı da cok etigiz, igi bolğanlıkga amanlıkla etile turganına karşı kelmeğendile, cuk aytmağandıla, anı sebepli ala da azapnı hak etkendile deydi.. Köp cazganla cuk türlenik tüldü, bileme, dağıda umut eteme. Bu korkuulu emina korona virüs künlede Abu Yusuf rahmatlını köçürmesinde tüzeltillik (alay cazılmayın bılay cazılsa değençe) cerle barese ala tüzeltilip açıklansa, bısağatta internette bir keseği oğuna okurga tabılalmağan Abu Hasan rahmatlını 20 cıl kıyının berip "Karaçay milletime carasa dep umut etip cazganma değeni" köçürme canngıdan basmalansa Karaçay Malkar millet bolup Allahü tealanı razılığın marhamatın cardımın tabarğa bolurbuz bu kıyın künlede dep umut eteme.. Barıbızğa sauluk esenlik inşallah.. |
|||||
|
|
||||
Читают тему (гостей: 1)