- Тюз сёз баргъан сууну тыяр.
- Чабакъгъа акъыл, табагъа тюшсе келеди.
- Ана кёлю – балада, бала кёлю – талада.
- Кечеси – аяз, кюню – къыш, джарлы къаргъагъа бир аш тюш!
- Хаухну атма, ёнгкючню сатма.
- Миллетни бойну – базыкъ, аны бла кюрешген – джазыкъ.
- Джолда аягъынга сакъ бол, ушакъда тилинге сакъ бол.
- Чакъырылмагъан джерге барма, чакъырылгъан джерден къалма.
- Намыс болмагъан джерде, насыб болмаз.
- Бермеген къол, алмайды.
- Юй ишлеген балта эшикде къалыр.
- Таугъа чыгъаллыкъ эсенг, тюзде къалма.
- Адам боллукъ, атламындан белгили болур.
- Иги сеники эсе да, сюйген кесимикин этеме.
- Абынмазлыкъ аякъ джокъ, джангылмазлыкъ джаякъ джокъ.
- Ишни аллы бла къууанма да, арты бла къууан.
- Тёрде – темир таякълы, къаяда – чыпчыкъ аякълы.
- Иги адамны бир сёзю эки болмаз.
- Тешигини къатында, чычхан да батыр болур.
- Къартха ушагъан джаш – акъыллы, джашха ушагъан къарт – тели.
- Шайтан алдады, тюзлюк къаргъады.
- Сабийликде юретмесенг, уллу болса – тюзелмез.
- Аджалсыз ёлюм болмаз.
- Башы ишлегенни, ауузу да ишлер.
- Мени джылытмагъан кюн, меннге тиймесин!
- Эри аманны, къатыны – аман.
- Кюл тюбюндеги от кёрюнмейди.
- Айтханы чапыракъдан ётмеген.
- Татлы тилде – сёз ариу, чемер къолда – иш ариу.
- Аз айтсам, кёб ангылагъыз.
- Атлыны ашхысы, ат тизгининден билинир
- Рысхы джалгъанды: келген да этер, кетген да этер.
- Баланы адам этген анады.
- Аш хазыр болса, иш харам болур.
- Къатын байлыкъны сюер, эр саулукъну сюер.
- Суугъа – таянма, джаугъа – ийнанма.
- Кютгени беш эчки, сызгъыргъаны уа, джерни джарады.
- Накъырда – кертини келечиси.
- Онгсузну – джакъла, тенгликни – сакъла.
- Тойгъан антын унутур.
- Тёгюлген тюгел джыйылмайды.
- Ёлмесенг да, къарт дамы болмазса?
- Адебни адебсизден юрен.
- Юй кюйдю да, кюйюз чыкъды, ортасындан тюйюш чыкъды.
- Кёл ашады да, кеси ашады.
- Арбаз къынгырды да, ийнек сауалмайма.
- Акъыл бла адеб эгизледиле.
- Иши джокъну, сыйы джокъ.
- Эл ауузу – элек, анга ийнаннган – халек.
- Баш болса, бёрк табылыр.
КЪАРАЧАЙ-МАЛКЪАР БАСМАДАН
Ответы
31.08.2010 06:38:18
Tinibek, шохум, салам!
Аламат хапарны салгъанса былайгъа. Бек сау бол. Муну джыры барды, кетген ёмюрде Дудаланы Махмуд къартладан джазыб алгъан. http://www.elbrusoid.org/phorum/index.php?action=v thread&forum=22&topic=8965 Къарачай газетде хапарланы нек алыргъа болмайды дей эдинг? Малкъар газетдегин алгъан программа бла болмаймыды? |
|
|
|
21.09.2010 00:00:03
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". |
|
|
|
21.09.2010 00:15:10
http://www.smikbr.ru/2010/zaman/09/14.pdf
"Заман" газетни 4-чю бетинде Къалмукъну ара шахары Элистада таулу назмучуланы сайлама назмуларындан къуралгъан китаб чыкъгъаны айтылады. Ары Кязимден башлаб, бюгюннгю шайырлагъа дери бары - тыйыншлы орун алгъандыла. |
|
|
|
21.09.2010 00:17:24
http://www.smikbr.ru/2010/zaman/09/14.pdf
"Заман" газетни 3-чю бетинде "Тас болгъанла кимледиле?" аты бла магъаналы ушакъ басмаланады. |
|
|
|
21.09.2010 21:08:54
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". Netscape Explorer www.karachay.smi09.ru ну ачарга унамады, virus барды дeп. Бу адрeстe кeртидeн дe virus зат бар мыды, огeсe explorer бошуна мы коркуп айтады? Внимание: Посещение этого сайта, вы можете повредить ваш компьютер. www.karachay.smi09.ru веб-сайт может нанести вред Вашему компьютеру без Вашего согласия, могут работать или хостинга вредоносных программ понимаются предметы из activepr.ru сайта. Содержать вредоносное программное обеспечение, только для посещения веб-сайта может привести к еще заразить компьютер. Для получения дополнительной информации по вопросам, касающимся этих вопросов activepr.ru безопасного просмотра диагностических страницы за посещение. Как защитить себя от вредоносного программного обеспечения онлайн Узнайте больше о. Посещение этого сайта может нанести вред моего компьютера, я знаю. Netscape Explorer www.karachay.smi09.ru nu açarga unamadı, virus bardı dep. Bu adreste kertiden de virüs zat bar mıdı, ogese explorer boşuna mı korkup aytadı? Uyarı: Bu siteyi ziyaret etmek, bilgisayarınıza zarar verebilir. www.karachay.smi09.ru adresindeki web sitesi, bilgisayarınıza zarar verebilecek veya rızanız olmadan çalışabilecek kötü amaçlı yazılım barındırdığı anlaşılan activepr.ru sitesinden öğeler içeriyor. Kötü amaçlı yazılım içeren bir web sitesini yalnızca ziyaret etmek bile bilgisayarınıza virüs bulaşmasına yol açabilir. Bu öğelere ilişkin sorunlar hakkında ayrıntılı bilgi için activepr.ru için Güvenli Tarama tanı sayfası sayfasını ziyaret edin. Zararlı online yazılımlardan nasıl korunacağınız hakkında daha fazla bilgi edinin. Bu siteyi ziyaret etmenin bilgisayarıma zarar verebileceğini biliyorum. |
|
|
|
24.09.2010 04:07:05
http://www.karachay.smi09.ru/
"Къарачай" газетни бу номеринде (?77, 2010 джыл, сентябрны 23) эс бёлюр харала бардыла. 2-чи бетде РФ-ны Кърал Думасыны депутаты Эрикгенланы Ахмат бла ушакъ. 3-чю бетде актер эмда джырчы Бостанланы Умар-Алийни юсюнден хапар. 4-чю бетде суратчы Абайханланы Муссаны юсюнден хапар. "Къарачай" газетни да окъуй туругъуз, аланла: иги материаллагъа джолугъургъа боллукъсуз. |
|
|
|
28.09.2010 18:56:33
http://www.karachay.smi09.ru/
Къарачай газетни (2010 джыл, сентябрны25, ?78) экинчи бетинде "Кимди терс?" деген макале басмаланады. Анда ана тил бла литературадан 25 джылны узагъына дерс китабла басмаланмагъаны айтылады. Быйыл сентябргъа юч миллион багъасы бир китаб чыгъаргъа керек эди. Чыкъмагъанды. Айтылгъан ачха берилмегенди. Ачханы дауларыкъла дауламайдыла. Окъуу-илму баканлыкъда ишлегенле къарачай тил тюб болуб кетсе да орунларындан къымылдарыкъ тюлдюле. Басмаланныкъ дерс китабла да кереклисича хазырланмагъандыла. 25 джылны дерс китабсыз тургъан школлада къарачай тилни сабийле къалай билликдиле? Окъуу-илму министерство да, тилибизге эс бёллюк къуллукъчула да къарачай тилни къурутуб кюрешедиле - алай демек - къарачай халкъны къурутуб кюрешедиле. Халкъ кесин эскериб, ёрге турмаса, тилин тас этерикди!!! |
|
|
|
30.09.2010 15:02:07
http://www.karachay.smi09.ru/
"Къарачай" газет, ?79, 2010 джыл сентябрны 30 Бу номерде бек иги материалла бардыла: 2-чи бетде: "Сюйсенг тарыкъ, сюйсенг къой" - газетни сыйы нек тюшгенини юсюнден; 3-чю бетде: "Биз къаллай бирбиз?" - адам саныбызны юсюнден, къайсы элде къаллай бир къарачайлы джашагъаны; "Тюзюча айтылсын" - джер атларыбызны юсюнден. Окъугъуз - сагъыш этдирир магъаналы затла айтыладыла. |
|
|
|
07.10.2010 22:38:54
http://www.allrussiatv.ru/kabardino-balkarija/
Бу адрес бла Къабарты-Малкъар кърал телерадиокомпанияны бериулерине къараргъа боллукъду. Муну юсюнден билдиреди "Заман" газет 1-2 бетлеринде "Ана тиллеринде бериулеге къарарыкъдыла" деген статьяда-макаледе. ( |
|
|
|
07.10.2010 22:52:07
http://www.kommersant.ru/doc.aspx?DocsID=1513200
"Если террористам платить, чтобы нас не взрывали, они станут сильнее" "Коммерсант" газетде (01.10.2010) Каноковну интервьюсу чыкъгъанды. Малкъар газет да аны кёчюрюб басмалайды. |
|
|
|
14.10.2010 05:17:58
http://www.smikbr.ru/2010/zaman/10/13.pdf
"Заман" газетни бу номеринде "Эки тилде окъутуу мардамы боллукъ болур?" деб материал басмаланады. Къабарты, малкъар школлада сабийле ючюнчю сыныфха дери бютеу дерслени ана тиллеринде окъула башланнганы айтылады. Орус тил аз-аз ючюнчю сыныфдан окъула тебренниги да чертиледи. Керти да алай болса, ана тилибиз тирилиб кетерге да болур. |
|
|
|
21.10.2010 00:16:14
http://www.smikbr.ru/2010/zaman/10/20.pdf
"Заман" газетде (октябрны 20, 2010 джыл, ючюнчю бет) "Ат бла джаны бирди" статья-макале басмаланады. Анда ат чабдырыучу къарачай джигитлени юсюнден хапар айтылады. |
|
|
|
21.10.2010 03:29:02
Tinibek
|
||||
|
|
|||
Читают тему (гостей: 1)