- Джерни букъусу кёкге къонмаз.
- Тойну къарнашы – харс, джырны къарнашы – эжиу.
- Сабыр джетер муратха, сабырсыз къалыр уятха.
- Уясында не кёрсе, учханында аны этер.
- Билген билмегенни юретген адетди.
- Аджал соруб келмез, келсе, къайтыб кетмез.
- Джигер – джаннга къыйынлыкъ.
- Джукъу тёшек сайламайды.
- Ашхы тенг джолгъа салыр, аман тенг джолдан тайдырыр.
- Адамны адамлыгъы къыйынлыкъда айгъакъланады.
- Келлик заман – къартлыкъ келтирир, кетген заман – джашлыкъ ёлтюрюр.
- Ач отунчуну ачыуу – бурнунда.
- Къарт болгъан джерде, берекет болур, сабий болгъан джерде, оюн болур.
- Ётюрюкчюню шагъаты – къатында.
- Терслик кетер, тюзлюк джетер.
- Сакъ юйюне сау барыр.
- Таукел адам тау тешер.
- Миллетни бойну – базыкъ, аны бла кюрешген – джазыкъ.
- Къонакъны къачан кетерин сорма, къачан келлигин сор.
- Кирсизни – саны таза, халалны – къаны таза.
- Келгинчи, къонакъ уялыр, келгенден сора, къонакъбай уялыр.
- Кёбден умут этиб, аздан къуру къалма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Эшекни не къадар тюйсенг да, ат болмаз.
- Асхат ашлыкъ сата, юйдегиси ачдан къата.
- Бир онгсуз адам адет чыгъарды, деб эштирик тюлсе.
- Ашхылыкъ джерде джатмайды, аманлыкъ суугъа батмайды.
- Ачлыкъ отха секиртир.
- Чакъырылмагъан къонакъ тёрге атламаз.
- Къазанчы аман болса, къазаны къайнамаз.
- Тенгни тенглиги джашай барсанг билинир.
- Билимсиз иш бармаз.
- Элни кючю – эмеген.
- Джолунга кёре – джюрюшюнг, джагъанга кёре – юлюшюнг.
- Джангыз торгъай джырламаз.
- Эм уллу байлыкъ – джан саулукъ.
- Чомартны къолу берекет.
- Адам сёзге тынгыла, акъыл сёзню ангыла.
- Ауузу бла къуш тута айланады.
- Келинни – келгинчи, бёркню кийгинчи кёр.
- Айтылгъан сёз ызына къайтмаз.
- Тай асырагъан, атха минер.
- Байдан умут эте, джарлыдан ёгюз багъасы къорады.
- Къозулугъунда тоймагъан, къойлугъунда тоймаз.
- Эл бла кёргенинг эрелей.
- Джогъун бар этген, барын бал этген.
- Къошда джокъгъа – юлюш джокъ.
- Бал ашаргъа сюе эсенг, чибин ургъаннга тёз.
- Къалгъан ишге къар джауар.
Ана тилибизде селешейик!!!
Ответы
09.10.2017 02:04:20
Тюзлюк
Биз табалагъа келликмисе эке? Келирча кёрюнемиди сизни сагъышыгъыз бла? Келирча джукъ этилемиди? Бир затла этилирге уа керекди да? Бир-бирде къарасам адамла тюзлюкню болурундан тюнгюлюб бошаб, излеген да этмейдиле, аллай зат болуруна да ийнанмайдыла дегенча болама. Тюзлюксюз адамны джашаууну уллу магъанасы болурму? Тюзлюк болмагъан джерде джашарчамыды? Тюзлюк чыртда болмазлыкъ болуб, аллай джашаудан татыуу алырмы адам (тюнгюлгенлени сагъышыча болса)? Джокъду тюзлюксюз джашауда бир татыу да, берекет да, магъана да. Тюзлюкню излегенле, англагъанла бу айтханыма огъай дерик болмазла. Алай эсе не да этиб, тюзлюкню излерге, тюзлюкчю болургъа, тюзлюкню джанында болургъа керекди, артыкъсыз да муслиман адамлагъа. Тюзлюкню юсюнден Къуранда айтылгъанлагъа къарай, Къуранны къарачайчагъа Абу Юсюбню китабына къарасам, анда Къуранны аятын берген бла къалмай, ачыкълау да этгенди. Аны бла мен экисин да бери салама: 135. Эй, ийман салгъанла! Тюзлюкге кючлю къатыгъыз, анга Аллахны шагъатлары да болугъуз, ариу кесигизге, не ата-анагъа, не джууукъгъа табсыз болса да! (Даучула) бай, джарлы болсала да –аланы экисине да Аллах джууугъуракъды. Сиз, тюзлюкден таймаз ючюн, нафсыгъыз айтханнга бармагъыз! Сиз(сѐлешген заманда) тиллеригизни ары-бери бурдуруб тюзлюкден тайсагъыз а, Аллах сизни не этгенигизден толу хапарлыды. (Не джууугъумду, не ахлумду, не тенгимди деб, муслиман, гяуур болса да, муслиман адамгъа не терслик этерге, не терс джанлы болургъа эркинлик джокъду. Нек десенг, дин тюзлюкге келгенди. Не терс сѐлешген, не терслик этген адам муслиман болалмаз. Тюзлюк этиучю деген –Ол Уллу Аллахны Кесини 99 атыны бириди. Тюзлюкню тутмаучу адам, не къадар дин тутса да, Аллахына джууукъ болаллыкъ тюлдю). Аллахны эки аты огъуна Тюзлюкчю магъана келедиле - Адль бла Мукъсит. Мындан башха аятла бла хадисле да тюзлюкню юсюнден кёб айтылады, бек узамасын деб.аланы къояйым. Абу Юсюб хаджини уа тюзлюкню юсюнден бир талай назмусу бар кёреме, аладан бири былайгъа салама. Сайтында аудиолары да бардыла, тынглагъанны тюзге санагъанлагъа. Аллах разы болсун, сууаб базманына джазсын, бек кёб кюрешгенди, кёб затны джазгъанды, энтда бир кере эследим. ТЮЗЛЮК КЪАЙДАДЫ? Бу миллет халкъ болурму, тюзлюкню излемеген, Джарлы, онгсуз демеген, гюнах- сууаб билмеген? Бир-бирлерини хакъын, тартынмайын ашагьан, Халал-харам айырмай, хайуан кибик джашагъан. Бусагъатда джигитлик - онгсузланы талауду, Сора онгсуз не этсин, къуру таргъыу, джылауду. Ёнгкюч берген алалмайд кеси хакъын ызына, Ол борчун къалай берсин, кийим керек къызына. Артыкъ ачхасы къалса, юйдегисин тындырыб, Кёзю къыйыб бералса, аладан джукъ сыдырыб, Бир ыйыкъ деб алгъаны - бир джыл болуб да къалыр, Джокълаб ызындан барсанг, ол сеннге айыб салыр. «Ашабмы кетерикме, нек тураса сен даулаб, Кёб затмыды сора ол, турурча аны джаулаб? Сом тюшгенлей, узаймай, бериргеди акъылым, Сатыучукъгьа барлыкъма, хазырдыла хар затым». Сатыуун эталмаса, къалдынг энтда сен джылай, Эталса да айланыр сени тёздюрюб, джырлай. Къаты айтыу джарамаз, ёлтюрюрге болурла, Мурдарланы джибериб, бек дженгил къурутурла. Ёнгкючге джукъну бериу аны ызына алыу, Къыйынлыкъ болуб къалды, ызындан джокълаб барыу. Къаллай бир уятсызлыкъ керекди, бир сагъыш эт, Кеси келтириб берир орнуна - ол не этед? Кёбюсюне аны да къутургъанла алалла, Джарлыла, онгсузла уа джылай-джылай къалалла. Малларын да хар кимни бачхасында кютелле, Харам малланы ала садакъала этелле. Стадчыны аллына малчыкъларын этелле, Аны хакъчыгъын бермей, юйлеге джюрютелле. Садакъачыча джарлы арбаз-арбазгъа барад, Бир баргъан бла болмайын, бир талай да айланад. Нёгер болсала ишде, тенглик кёраллыкъ тюлсе, Джюрегинг джарыл да къал, хыликке этиб кюлсе. Нёгеринден джашыртын, хар ким кесине тартыр, Табханын юйге ташыр, ишде сени арытыр. Джокъду хазна ышаныу, сатыу-алыу этселе, Кёзюнг кёре алдайла, базманда джукъ чекселе. Базманы уа къаллайды, аны да ким биледи, Къаллай хыйлала этди, алайда ким кёреди?! Ариу ышанмасанг да, джукъ айтыргъа уяласа, Бирде ышаныб кетиб, артда англаб уянаса. Базарда сен бир къара, ётюрюк антларына, Бир-бири бла талаша, чабышыб алларына. Джыйылыуда къонакъча, ашаб кетиб къалмайла, Хар бири оноу джасаб, санга оноу къоймайла. Келин алсанг, къыз берсенг, аладыла оноучу, Ёлюм кёрген адамны, эл джыйылыб тоноучу. Инджилген, ауругъанны джазыкъсына билмейле, Ол джарлыны бир кёрсем, не болушсам демейле. Юйде джатсанг, сыйынг джокъ, ашаялмай ашынгы, Сыйынг чыгъар ючюн ат больницагъа башынгы. Болушхан адет джокъду, джарлыгъа джан аурутуб, Ол ёлсе уа кетелле болгъанчыгъын къурутуб. Ёлюр кюнюн сакълайла, джетиб аны таларгъа, Джыйылыб келиб ала тепсилени джаларгъа. Игиликге бюсюреу этмейдиле хазнасы, Этилген игиликни - гурушхады багъасы. Игиликге аманлыкъ алыргъа да боллукъса, Нек къатышдым мынга деб, сокъурана турлукъса. Умут этиб келиннге бир къыз сорулса санга, Арт сагъышын этмейин, джукъ айталмайса анга. Таб болса ол къууаныб, сауболну да айталмаз, Алайсыз сени терслер, джазыууна бой салмаз. Бу заманда игиси - къатышмайын турууду, Тюзлюкню тас этгенбиз, энди ара бурууду. Бизни эски Джангы форумубузда салыннган биреуленни (форумчуну аты джазылмагъан нёгери) назмусуну салайым: Тюзлюк. Хар инсанны адам этеди тюзлюк. Ол адамгъа бираз болмаз ауур джюк. Тюзлюк джол бла барыр ючюн хар инсан, Болургъа керекди джюрекде иман. Мусульманда биринчи иман барады, Биргесине ол тюзлюкню алады. Тюзлюк болмай къалса бизни дунияда, Къаллыкъ тюлед бир инсан да санында. Тюзлюк ючюн кюрешгенди халкъыбыз, Тюзлюк ючюн кюрешейик бюгюн биз. Биз тюзлюкню хар джерге да джаяйыкъ, Адам улу, халал хакъны ашайыкъ. Тюзлюк ючюн кюрешейик биз талмай, Саныбызны, джаныбызны аямай. Мени тилим къулу болсун тюзлюкню, АЛЛАХ айтса, келтюрлюкме ол ?джюкню?. 1999 джыл 30 ноябрда Алайды да, тюзлюкге энтда бир кере эс белёиик! Джокъду башха тюрлю мадар!
Изменено: |
|
|
|
17.11.2017 15:51:23
Кюнюгюз ашхы болсун, хурметли джамагъат! тылмач тюзлюкню излегенча керюнесе, табсанг , меннге да айтырса
псори тамам
|
|
|
|
22.11.2017 15:48:47
|
|||
|
|
22.11.2017 18:27:28
псори тамам
|
|||
|
|
04.12.2017 13:14:03
)))! КЕРТИДА БУ БЕК СЕИР ТЕМАДЫ, ДУНИЯДА ТЮЗЛЮК ИЗЛЕГЕН, (ИНШАА АЛЛААХ) ДУНИЯДА КЪУРУДА ТЮЗЛЮКДЮ! АЛАЙ А АДАМЛАНЫ КЁБ ЮСЮ ТЮЗЛЮК ДЖОКЪДУ ДЕГЕНЧА БОЛУБ, УЛЛУ ТЕРСЛИКЛЕ БЛА УЛЛУ ТЕРСЛИКЧИЛЕДЕН(ЗУЛМУЧУ(АКУЛА)) ДЖАНЛАБ, ДЖАН САКЪЛАБ,, ОНГСУЗУРАКЪ (ТЕЛИРЕК,ТЫНЧЫРАКЪ,ДЖАКЪСЫЗ..) АДАМЛАНЫ ИЗЛЕБ . АЛАГЪА БИЙ БОЛУРГЪА КЮРЕШИБ (ТЕРСЛИКЧИКле ЭТИБ) ДЖАШАУЛАРЫН ЁТДЮРЮБ БАРАДЫЛА,, БУНДАН СОРА ДЖОЛ(МАДАР) ДЖОКЪДУ ДЕБ! АЛАЙ А ОЛ ТЕРСДИ! ........................................ АДАМ УЛУ ДА, БАШХА ДЖЕР ЮСЮНДЕ БОЛГЪАН ЗАТДА, ИЩ ЭТИБ ТЕРСЛИК ЭТИБ КЮРЕШСЕЛЕДА, КЪАЙДА ДА КЪАЧАНДА БОЛУБ ТУРГЪАН ТЮЗЛЮКДЮ, ДЖАЗЫУДУ! МА, СЁЗ ЮЧЮН, БИР ДЖАШ, АЯКЪ МЕШИНАГЪА АРТЫ АЛЛЫНА ОЛТУРУБ, ТИК ЭНГИШГЕ КЁЗЛЕРИН ДЖАБЫБ КЕТДИДА , БАШЫ ТЁБЕН БОЛУБ СОЙЛАНДЫ... АЛАЙДА ТАЛАЙ БИР ТЕРСЛИК БАРДЫДА?!, АЛАЙ А БОЛГЪАН ЗАТХА ДА БИРГЕЛЕЙ КЪАРАСАНГ . БЕК ТЮЗ БОЛАДЫ! )))))
с УВАЖЕНИЕм !
|
|||||
|
|
21.12.2017 17:01:08
Я самая классная на форуме))))))))))))))
|
|||
|
|
24.12.2017 01:04:20
|
|||
|
|
24.12.2017 01:45:22
Алай болса да, кюлгеними магъанасы: " "Джазгъанны не сюйсенг джазаса", - дегенин алай таб келишдиргенди!))) Мен ёкюл ишими юсюнде кеб тюртюлеме ол затха: адамла джазылгъаннга къол салыб къоядыла, айтыргъа уа алай тынч болмайды, айтыб къоялмайдыла алдауукъну. Джазгъанны уа къулакъгъа да алмай джазадыла, хазыр джазыб берсе не следователь, не юрист, анга къол салыб къоядыла.
Я самая классная на форуме))))))))))))))
|
|||
|
|
27.12.2017 14:46:30
Тылмач, андан да бек, ма бусагъан Осетиягъа эришиб, бизникиле а барыб 200-джыллыкъ терекни кесиб алыб келликдиле Архыздан(((((
Я самая классная на форуме))))))))))))))
|
|
|
|
30.12.2017 10:17:43
|
|||
|
|
30.12.2017 18:11:38
Шутки-шутками, но как вспомню, как в прошлом году 200-летнюю елку срубили((, до сих пор переживаю, нек этедиле алай((((( В этом году Осетия уже отрапортовала: 180-летнюю елку срубили(( Сейчас наши постараются обогнать(((
Я самая классная на форуме))))))))))))))
|
|||
|
|
04.01.2018 11:18:15
Негодяи)) эти люди видимо сильно здоровые, тут итак дышать нечем, задыхаешься, они ещё с топорами по лесу бегают. Правильно говорит Тылмач, надо здраво мыслить и переходить на исскуственные ели.
Изменено: |
|||
|
|
08.01.2018 03:07:33
Тюз айтасыз.
Кертиден айыралмай къарарса ол пластмасс ёлкалагъа уа..... Алыгъыз аланы!Чегетлеге къол тийирмейик! |
|
|
|
11.01.2018 19:15:06
уа гъалейкум ас салам! Тылмач, аллайланы тутхан джерлеринде къагъыб барыргъа деб къырал башчыны бегими барды- деб эшитгенме
псори тамам
|
|
|
|
26.01.2018 00:27:32
|
|||
|
|
01.06.2018 13:51:22
А с саламу гъалейкум, аланла! Къалайды ораза , къыйналамысыз, ач боламысыз?
псори тамам
|
||||
|
|
|||
Читают тему (гостей: 5)