Войти на сайт
28 Марта  2024 года

 

  • Къумурсхала джыйылсала, пилни да джыгъадыла.
  • Къууут – джелге, берне – бошха.
  • Артына баргъанны, къатына барма.
  • Айран тёгюлсе, джугъусу къалыр.
  • Кёбню кёрген – кёб билир.
  • Таш ата билмеген, башына урур.
  • Эринчекни аурууу – кёб.
  • Къыз тиширыу кеси юйюнде да къонакъды.
  • Нёгерсизни джолу узун.
  • Байма, деб да, къууанма, джарлыма, деб да, джылама.
  • Адеб этмеген, адеб кёрмез.
  • Элиб деген, элге болушур.
  • Насыблы элин сюер, насыбсыз кесин сюер.
  • Кюн – узун, ёмюр – къысха.
  • Атадан ёксюз – бир ёксюз, анадан ёксюз – эки ёксюз.
  • Джюрекге ариу – кёзге да ариу.
  • Чакъырылмагъан джерге барма, чакъырылгъан джерден къалма.
  • Ашхы – джыяр, аман – джояр.
  • Окъдан джара эртде-кеч болса да бителир, сёз джара, ёмюрге къалыр.
  • Кенгеш болса, уруш болмаз.
  • Байлыкъ адамны сокъур этер.
  • Чомартха хар кюн да байрамды.
  • Чомартны къолу берекет.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Кёл ашады да, кеси ашады.
  • Мураты болгъанны джюрек тебюую башхады.
  • Джигер – джаннга къыйынлыкъ.
  • Сёз – кюмюш, джыр – алтын.
  • Чакъырылмагъан къонакъ тёрге атламаз.
  • Ичимден чыкъды хата, къайры барайым сата?
  • Аманны тукъумуна къарама, игини тукъумун сорма.
  • Чалманны аллы къалай башланса, арты да алай барады.
  • Ишлегенден, къарагъан уста.
  • Болджал ишни бёрю ашар.
  • Ашхы сёз таш тешер.
  • Ёксюзню къалачы уллу кёрюнюр.
  • Мал кёб болса, джууукъ кёб болур.
  • Олтуруб кёрюнмей эди да, ёрге туруб кёрюне эди.
  • Баш болса, бёрк табылыр.
  • Джылыгъа джылан илешир.
  • Уллу къашыкъ эрин джыртар.
  • Кёб къычыргъандан – къоркъма, тынч олтургъандан – къоркъ.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Байлыкъ келсе, акъыл кетер.
  • Нёгер болсанг, тенг бол, тенг болмасанг, кенг бол.
  • Баланы адам этген анады.
  • Джарлыны тону джаз битер.
  • Гитче джилтин уллу элни джандырыр.
  • Алим болгъандан эсе, адам болгъан къыйынды.
  • Къонакъ кёб келюучю юйню, къазаны отдан тюшмез.

 

Страницы: 1 2 3 След.
RSS
Къарачай-малкъар тилде жырланы сёзлери.
 
народ, если есть тексты песен на балкарском огромная просьба напечатать в этом топике. заранее спасибо!
 
А. Газаев и О. Сокурова

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:
Эринлеринг айтдыла,
Шош, акъырын шыбырдай:

Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.
Дуния толкъунларында
Къалмагъанлай жутулуп.

Жомакъда айтхан кибик,
Минг жылланы термилип,
Бир бирни тапхан кибик.
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Кёзюм къарангы этип,
Дуния бола къарангы,
Жан дарман излегенча,
Изледим къарамынгы.
Жан дарман излегенча,
Изледим къарамынгы

Кимни джаны ауруду?
Сени кёрюр насыпны
Джашау энтда джаудурду.
Сени кёрюр насыпны
Джашау энтда джаудурду.

О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Эшиталмадынгмы мени
Ол чарс кюн тилек бла?

Шукур, энтда тюбедик,
Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.
Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Къалай болду да былай?
Мени къыйын чагъымда,
Узакъ, жууукъ ауазла
Къулагъыма чалына...
Жангыз сени ауазынг
Чакъырмады, келмеди.
Кимни кюсегеними
Дунияда жан билмеди.
Ол кюн, санга термиле,
Сынадым мен жангызлыкъ,
Анам, жууукъ, тенг, кёк, жер
Этгенча манга азлыкъ.
Кёзюм къарангы этип,
Дуния бола къарангы,
Жан дарман излегенча,
Изледим къарамынгы.
Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду?.
О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Ол къыйын такъыйкъада
Къалай сезмединг аны ?
Джюрегим джюрегингде,
Ачып, жиляй бургъанын?
Сен ачысанг ? ол ачып,
Джарысанг ? джарыгъанын?
Тылпыуча, кёз джарыкъча,
Керек болуп тургъанын?
Джаным сени джанынга ?
Джан сакълаучу мёлеклей,
Тургъанын кече, кюн да
Хауа кибик кереклей.
Ол кюн мен тюйюлмедим
Ажалынгдан къутхаргъан,
Джанымы къолгъа алып,
Джанынгы сакълап тургъан?!
Ким биледи, джан джулдузум
Сени ючюнмю батмады?
Джаным сени джанынгы
Ненча ёмюр сакълады!
Ненча джюз, неча минг джыл
Келдинг мени кёрюрге,
Джанынг ташха, агъачха
Кёче ненча ёмюрде?
Бизге алай къыйналып
Тюшдю эсе джюрюрге,
Ол кюн сен ауазымы
Эшиталмасанг ? къыйнал.
Ары деричиннге уа
Биргемесе, сен ийнан!
Ийнан, сау ёмюрлени
Мен биргенге болгъаннга,
Мен дуниядан кетсем да,
Джаным сенде къалгъаннга.
Мен ахыр джолгъа чыкъсам,
Саулукъдача джашыра,
Келмезмисе ол кюн сен,
Мени ары ашыра?
Сюйгенле, сюймегенле
Джылау этгенде манга,
Сен кенгдеми къалырса,
Тыш адамгъа санала?
Джилямукъ къатыш сёзле
Джазармыса дефтерге,
Онг тапмай, амал тапмай
Ауазымы эшитирге?
?Болалмадыкъ эсе да
Биз бир таулагъа ие,
Кетди,? депми джилярса,
? Мени жанындан сюе??
Угъай, кёзюнг кёрмесе,
Ийнанма мен кетгеннге.
Мени саппа-сау сун да,
?Тын!? ? де джиляу этгеннге.
Биз тюбеучю джерлеге
Кел, келгенча биринчи.
Сакъла, келме ызымдан,
Ма мен андан келгинчи!
 
Мадагаскар

Сафар Узденов!

Кереме Ай жарыйды, бийикде кекде
Эштеме сызгъырады, жел да чегетде
Ехтем таула тезелле бу ачы желге
Алача мен да теземе жаш сюймекликге

Билеме сен жукълайса, кересе тюшле
Менича къарамайса жулдузлу кекге
Тюшюнгде да саласа билеме жастыкъ
Сюймекликден алырча экибиз тансыкъ

Эртенликде тегесе юсюме чачны
Къучакълайса мени бла сейирлик тангны
Тюнюнгде уа къоймайса жууукъ къатынга
Тиерге да къоймайса зыбыр чачынга

Кереме Ай жарыйды, бийикде кекде
Эштеме сызгъырады, жел да чегетде
Сагъышымда уа къара чач кесине тартад
Анга башха тийсе уа менме ахырат
 
Песня холостяка:):):)
Ол къызны алсам жарармы ой
Ахшы къатын болалырмы ой
Аны аузу от чакъмазмы,
Юйден берекет къачмазмы,
Мен аны къайдан билейим ой.

Аны аузу от чакъмазмы,
Юйден берекет къачмазмы,
Мен аны къайдан билейим ой.

Болса да ол кеси ариу ой,
Юйю уа ариу болурму ой.
Ол атамы жарсатырмы,
Анамы уа жылатырмы,
Мен аны къайдан билейим ой.

Ол атамы жарсатырмы,
Анамы уа жылатырмы,
Мен аны къайдан билейим ой.

Аузу къамача кесмезме ой,
Сёзю темирни тешмезми ой,
Къара жинлери болмазмы,
Юйюм къайгыдан тоймазмы,
Мен аны къайдан билейим ой.

Къара жинлери болмазмы,
Юйюм къайгыдан тоймазмы,
Мен аны къайдан билейим ой.

Юйюме къан жаудуруму ой,
Тогъуз сыртдан аудурурму ой.
Башыма ауруу алмайым,
Къара палахха къалмайым,
Мен аны къайдан билейим ой.

Башыма ауруу алмайым,
Къара палахха къалмайым,
Мен аны къайдан билейим ой.

Оудан оу болуп чыкъмасын ой,
Уянырмы бек жукъласа ой.
Ол мени бир жангыз айгъа,
Таяндырырмы борбайгъа
Мен аны къайдан билейим ой.

Ол мени бир жангыз айгъа,
Таяндырырмы борбайгъа
Мен аны къайдан билейим ой.

Къонакъны ашыралмазмы ой,
Как этип да хазна салмаз ой.
Сыртындан тёшекге жатып,
Къуру да жукъугъа батып,
Мен аны къайдан билейим ой.

Сыртындан тёшекге жатып,
Къуру да жукъугъа батып,
Мен аны къайдан билейим ой.
 
а можно карачаево-малкарские нартские песни и былиные песни и песни из легенд и сказок, народные ?
 
больше ни у кого нет текстов песен?
 
a mozhno karachaevo-malkarskie nartskie pesni i bylinye pesni i pesni iz legend i skazok, narodnye ?


Менде алай китаб барды
Заманым болса, жазарыкъма.
 
Газаев ?Гапалау?

Жайлыкъланы къоруй кетди, ханс болду,
Жарлы балам бу дуниядан тас болду, ой,
Анасына жигит туугъан Гапалау!

Стаутда толу къазан къайнайды,
Сени юсюнгде тогъуз а къазыкъ ойнайды, ой,
Анасына жигит туугъан Гапалау!

Къанынг барад къырдыкланы мор этиб
Ижалары елтюрдюле зор этиб, ой,
Анасына жигит туугъан Гапалау!

Гапалауну ёлтюрдюле, сойдула,
Жаш къатынын ау тюбюнде къойдула, ой,
Анасына жигиттуугъан Гапалау!

Жаучыларынг малларынгы сюрелле,
Ижалары сени ызынгнан кирелле, ой,
Анасына жигиттуугъан Гапалау!

(Стауатынг жилян жырмаз мурсады,
Сени ёлтюрген Ижаланы Мусады, ой,
Анасына жигиттуугъан Гапалау!)

КЕЛ, КЕЛ, КЕЛ... ТАУЛАНЫ КЕР
Жазда жайда сакълайма тауларымда,
Кёксюл ашхамларымда тангларымда,
Шуёхум кюндюз кёллендиредиле жол ызла,
Кече уа сени ашырыкъдыла жулдузла.

Кел, кел, кел...
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.

Чакъырама сакълайма тауларымда,
Кюзню ашхамларымда тангларында,
Эл бердирликни жыйгъан да жигер эллиле,
Салкъын тёбеннгиде эшитилир эрирей.

Кел, кел, кел...
Сакълайды эл,
Жерими кюзю бишхен шапталла тюрсюнлю
Къуанч жарытыр сени тюшюнгю тюнюнгю,
Бирге къарарбыз элимде баргъан тойлагъа,
Алгъыш этербиз чагъырдан мюйюз толгъанда.

Чакъырама сакълайма тауларымда,
Къышны ашхамларында тангларында,
Бетинги сыларла Минги тауну желлери,
Билесе жюрекни жылыуну суукъ женгмезин.

Кел, кел, кел...
Урса да жел,
Жерими къышы ушайды сейир жомакъгъа,
Акъ кёгюрчюнле къаяладан акъгъан жумакъла,
Санарма мен санга жигитлени атланы,
Айтырма санга таурухларындан нартланы.

Кел, кел, кел...
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.

Газаев "Марьям"

Танг аласы Чолпан жулдуз,
Марьям, Марьям, Марьям.
Узалдым да жеталмадым
Нечик болур дуниям?
Эй! Хай! Кёзюр жай!
Нечик болур дуниям?

Ол жулдузну алып санга,
Марьям, Марьям, Марьям.
Берир эдим белги халда
Нечик болур дуниям?
Эй! Хай! Кёзюр жай!
Нечик болур дуниям?

Алай амал неда табып,
Марьям, Марьям, Марьям.
Сенсиз ишим келишмейди
Нечик болур дуниям?
Эй! Хай! Кёзюр жай!
Нечик болур дуниям?

Къарамынгдан нор басхычны,
Марьям, Марьям, Марьям
Ишлеп кёкге тирер эдим
Нечик болур дуниям?
Эй! Хай! Кёзюр жай!
Нечик болур дуниям?

Ол басхычха сен жабышсанг,
Марьям, Марьям, Марьям
Жулдуз таба ёрлер эдим
Нечик болур дуниям?
Эй! Хай! Кёзюр жай!
Нечик болур дуниям?

Айтханыма сыйынмадынг,
Марьям, Марьям, Марьям
Умутуму юлешмединг
Нечик болур дуниям?
Эй! Хай! Кёзюр жай!
Нечик болур дуниям?

Эй! Хай! Кёзюр жай!
Нечик болур дуниям?

Зарема Бечелова

Еледи сюймеклик арабызда

---Еледи сюймеклик арабызда,
Къажау оту жибисине батады,
Ол къолларын сабийча узатады,
Тилейди болушлукъ экибизден,
Сабырлыгъыбыздан, эсибизден,
Алай а къарамларыбыз буздан,
Еледи сюймеклик арабызда.

---Еледи сюймеклик арабызда,
Мени сюйдюмюмю ехтемимде жанады,
Экибизге алкъа ийнанады,
Алай а бошду бош ышаныуу,
Юйюбюзню жокъ тамычы суу,
Къарайбыз сен да мен да сансыздан,
Еледи сюймеклик арабызда.

---Еледи сюймеклик арабызда,
Антын, къанатларын кенге жайгъанды,
Жиляй-жиляй ол жанындан тойгъанды,
Бир адыргы еледи термиле,
О, сен ташданса, мен а темирден,
Алай да къарамларыбыз буздады,
Еледи сюймеклик арабызда.

http://www.elbrusoid.org/newforumbb/viewtopic.php? t=1469
 
http://www.elbrusoid.org/newforumbb/viewtopic.php? t=3321&start=0&postdays=0&postorder=asc&highlight= %EA%E0%E2%EA%E0%E7+%F2%E0%F3%EB%E0
 
манга жабелаланы асиятны малкъарымда той деген жыр керекди, бек тилейме
 
 
taulu95

Малкъарымда той, Асият Жабелова

Кюн ариу чыгъыб келеди туну артындан,
Халкъыма къууанч береди кекню агъындан.
Джашасын, джашнасын, ойнасын мени малкъарым.
Къуру къууанч бла айтдырсын таулу джаш атын.
Тойлдан толу болснла таулу арбазла
Сабийиледен къууансынла атала анала.

Орайда орса ой этигиз арбазда той
Орайда орса ариу къыз мыдахлыкъны къой
Орайда орса ой этигиз джашла той
Орайда орса мыдахлыкъны къой

Келин келгенди арбазгъа, ариу нюр теге
Хайдагъыз джашла тебсейик къууанч келтире
Хайт дегиз джашла, Орайда ой
Хайдагъыз джашла орайда, орамда той

Атынг емюрге айтылсын таулу миллетим
Минги таучамийк болсун сени намысынг
Айтыгъыз къызла орайда, этигиз той
Орайда орса орйда, малкъарымда той.

P.S. какой-то не содержательный текст...
 
сау бол
 
У кого есть текст "Турнала" скиньте пабрацки э???
 
Дядя...пабрацки...

Турнала

Боз булутла къачхы джелге бойсуна,
Барадыла къыбла таба шималдан.
Чырмалалла Минги Тауну бойнуна,
Кёб мычымай къарайдыла башындан.

Булутлагъа тирелмезге кюреше,
Деу садакъны учу кибик, тизилиб,
Бир-биринден хапар биле, сёлеше,
Къалмасын,-дей,- онгсузуракъ юзюлюб.

Сиз учасыз, къыбла таба, турнала,
Сау къал эте, къанат къагъа, къычыра...
Бир кезюуде кюй сокъгъанча зурнала,
Джюреклеге такъырлыкъны чакъыра.

Сизни къанат тюбюгюздед Джуртугъуз,
Ушамайды сизге мени джазыуум.
Бюгюн къанат тюбюдеме Джуртуму...
Нек эскертед кесин озгъан джарсыуум?

Ким биледи, энди сизни ненчагъыз
Къайтмай къалыр джаз бла бирге таулагъа?
Сиз къайтыргъа таулада да ненчабыз,
Кете бара, сукъланырла саулагъа?
 
taulan
О, киши!!!
 
манга атабийланы джамиляны балкарский край деген жырыны сезлери керекдиле, бек тилейме
 
 
taulu95

Тау Къарачай - Таулу Малкъар?
 
Тау Къарачай - Таулу Малкъар

Ма бу дунияда бар эсе жаннет...
Ол Минги Тауну тийресид...
Къарачай-Малкъар...Ассалам, миллет!!!
Жаннет тийрени ийеси...

Эжиу: Тийремде къууанч жукъламасын...
Миллет сезими...жукъламасын...
Кесинги сакъла...Аллах сакълар...
Тау Къарачай-Таулу Малкъар...

Сукъланма кёзбау мияла чыкъгъан...
Тарихинг -накъут... сют - бетинг...
Тау намысынгы накъыз балчыкъгъа...
Тюшюрме таулу миллетим...

Эжиу: Накъут тарихли тау миллетим...
Мутхуз болмазча...нюр кел бетинг ...
Кесинги сакъла...Аллах сакълар...
Тау Къарачай-Таулу Малкъар...

Кёкден кёрюнед сени суратынг...
Къуран жазыуугъа бек ушай...
Юсюнгде сыйлы Аллахны аты...
Жазылгъан Малкъар-Къарачай...

Эжиу: Аллах мухурун салгъан журтум...
Кёп зорлукъладан къалгъан журтум...
Кесинги сакъла...Аллах сакълар...
Тау Къарачай-Таулу Малкъар...

ол къаралтхан сёзню терсми жазгъан болурма...ангылаялмадым жырда...
 
сау бол, бу да керекди, но балкария деген жыры андан да бек керекди
 
taulu95

Сам не слышал...жангы жыр болур...но у друзей-музыкантов поспрашиваю...тапсам салырма былайгъа...
 
напишите мне пожалуйста доклад этикета кабардинцев и балкарцев
 
таулан, поспрашива пожалуста, мне очень надо, спасибо
 
напишите мне пожалуйста слова песни алмм аппаев - северный кавказ
Страницы: 1 2 3 След.
Читают тему (гостей: 1)

 

Написать нам