- Кёбню кёрген – кёб билир.
- Тёрде – темир таякълы, къаяда – чыпчыкъ аякълы.
- Чомартха хар кюн да байрамды.
- Билгенни къолу къарны джандырыр.
- Намыс сатылыб алынмайды.
- Нарт сёз – тилни бети.
- Джыйырма къойну юч джыйырма эбзе кюте эди.
- Кёл ашады да, кеси ашады.
- Ойнаб айтсанг да, эслеб айт.
- Гырджын – тепсини тамадасы.
- Джарлы джети элни сёзюн этер.
- Булут кёкге джарашыу, уят бетге джарашыу.
- Хазыр ашха – терен къашыкъ.
- От кюйдюрген, сау болса да, тот кюйдюрген, сау болмаз.
- Ауругъанны сау билмез, ач къарынны токъ билмез.
- Ойнай-ойнай кёз чыгъар.
- Ашатыргъа иш – ашхы, ишлетирге аш – ашхы.
- Шайтан алдады, тюзлюк къаргъады.
- Джюз элде джюз ёгюзюм болгъандан эсе, джюз джууугъум болсун.
- Ата Джуртча джер болмаз, туугъан элча эл болмаз.
- Босагъагъа джууукъ орун болса, ашыгъыб тёрге озма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Экеу тутушса, биреу джыгъылыр.
- Бал чибинни ургъаны – ачы, балы – татлы.
- Биреуге аманлыкъны тилеме да, кесинге ашхылыкъны тиле.
- Джарлыны тону джаз битер.
- Джерни букъусу кёкге къонмаз.
- Эри аманны, къатыны – аман.
- Ашына кёре табагъы, балына кёре къалагъы.
- Чомарт бергенин айтмаз.
- Чомартха Тейри да борчлуду.
- Къая джолда джортма, ачыкъ сёзден къоркъма.
- Ариуну – ауруу кёб.
- Айтылгъан буйрукъ, сёгюлмез
- Ашарыкъда сайлагъаннга – чий гырджын.
- Къолу уллу – асыу, аягъы уллу – джарсыу.
- Хар ишни да аллы къыйынды.
- Ёлмесенг да, къарт дамы болмазса?
- Кёб джат да, бек чаб.
- Мадар болса, къадар болур.
- Ашхы болсанг, атынг чыгъар, аман болсанг, джанынг чыгъар.
- Кийиминг бла танылма, адамлыкъ бла таныл.
- Аман къатын алгъан, арыр, иги къатын алгъан джарыр.
- Адеб базарда сатылмаз.
- Джолда аягъынга сакъ бол, ушакъда тилинге сакъ бол.
- Тенги кёбню джау алмаз, акъылы кёбню дау алмаз.
- Эте билген, этген этеди, эте билмеген, юретген этеди!
- Атадан ёксюз – бир ёксюз, анадан ёксюз – эки ёксюз.
- Башда акъыл болмаса, эки аякъгъа кюч джетер.
- Эрни эр этерик да, къара джер этерик да, тиширыуду.
МИР ДОМУ ТВОЕМУ, ЭЛЬБРУСОИД
Ответы
Читают тему (гостей: 1)