- Къонакъны къачан кетерин сорма, къачан келлигин сор.
- Тойгъа барсанг, тоюб бар, эски тонунгу къоюб бар.
- Джашны джигитлиги сорулур, къызны джигерлиги сорулур.
- Джарашыу сюйген – джалынчакъ.
- «Ма», - дегенни билмесенг, «бер», - дегенни билмезсе.
- Ичимден чыкъды хата, къайры барайым сата?
- Ариу джол аджал келтирмез.
- Ата Джуртуму башы болмасам да, босагъасында ташы болайым.
- Кёзюнде тереги болгъан, чёбю болгъаннга кюле эди.
- Хар адамгъа кеси миннген тау кибик.
- Арыгъан къош чамчы болур.
- Дууулдаса – бал чибин, къонса – къара чибин.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачыкъ джюрекге джол – ачыкъ.
- Эртде тургъан джылкъычыны эркек аты тай табар.
- Къызны минг тилер, бир алыр.
- Мухардан ач ычхынмаз.
- Ишлемеген – тишлемез.
- Эки къатын алгъанны къулагъы тынгнгаймаз.
- Ойнай билмеген, уруб къачар.
- Сёз сёзню айтдырыр.
- Таугъа чыгъаллыкъ эсенг, тюзде къалма.
- Эки элинги тыйсанг, джети элде махталырса.
- Ишни ахырын ойламай, аллын башлама.
- Джюрекге ариу – кёзге да ариу.
- Къызбайны юйюне дери сюрсенг, батыр болур.
- Ауругъаннга – кийик саулукъ, джетген къызгъа – чилле джаулукъ.
- Тил – миллетни джаны.
- Эшекге миннген – биринчи айыб, андан джыгъылгъан – экинчи айыб.
- Аджал соруб келмез, келсе, къайтыб кетмез.
- Къарнынг тойгъунчу аша да, белинг талгъынчы ишле.
- Аш кетер да бет къалыр.
- Ёлген ийнек сютлю болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Урама да – ёледи, сатама да – келеди.
- Уллу айтханны этмеген – уллаймаз.
- Тели турса – той бузар.
- Оюмсуз атлагъан, аджалсыз ёлюр.
- Биреу ашаб къутулур, биреу джалаб тутулур.
- Джерни букъусу кёкге къонмаз.
- Айранын берсенг, челегин да къызгъанма.
- Тойчу джашха къарама, къойчу джашха къара.
- Хансыз джомакъ болмаз.
- Ач, тоймам, дейди, тойгъан, ач болмам, дейди.
- Халкъгъа джарагъан, джарлы къалмаз.
- Аман адамны тепсинге олтуртсанг, къызынгы тилер.
- Намыс сатылыб алынмайды.
- Кёб къычыргъандан – къоркъма, тынч олтургъандан – къоркъ.
- Эли джокъну – кёлю джокъ.
- Магъанасыз сёз – тауушсуз сыбызгъы.
Настоящая гордая Кумычка
Читают тему (гостей: 1)