- Къызгъанчдан ычхыныр, мухардан ычхынмаз.
- Кимни – тили, тиши онглу, кимни – къолу, иши онглу.
- Джангыз терек къынгыр ёсер.
- Эшекге миннген – биринчи айыб, андан джыгъылгъан – экинчи айыб.
- Халкъны юйю – туугъан джери.
- Билеги кючлю, бирни джыгъар, билими кючлю, мингни джыгъар.
- Биреуге аманлыкъны тилеме да, кесинге ашхылыкъны тиле.
- Ариу джол аджал келтирмез.
- Кёрмегеннге кебек – танг, битмегеннге сакъал – танг.
- Иги адам абынса да, джангылмаз.
- Аджал соруб келмез, келсе, къайтыб кетмез.
- Таукел адам тау тешер.
- Ёлген эшек бёрюден къоркъмайды.
- Мал кёб болса, джууукъ кёб болур.
- Бозанг болмагъан джерге, къалагъынгы сукъма.
- Кесинг сынамагъан затны, адамгъа буюрма.
- Орну джокъну – сыйы джокъ.
- Аз сёлеш, кёб ишле.
- Зар адам ашынгы ашар, кесинги сатар.
- Атлыны кёрсе, джаяуну буту талыр.
- Билгенни къолу къарны джандырыр.
- «Ма», - дегенни билмесенг, «бер», - дегенни билмезсе.
- Ёлюр джаннга, ёкюл джокъ.
- Чомартха Тейри да борчлуду.
- Таукел тауну аудурур.
- Эринчекни эр алмаз, эр алса да, кёл салмаз, кёл салса да, кёб бармаз!
- Тойгъан антын унутур.
- Къонагъынгы артмагъын алма да, алгъышын ал.
- Эки ойлашыб, бир сёлешген.
- Билген билмегенни юретген адетди.
- Туз, гырджын аша, тюзлюк бла джаша.
- Минг тенг да азды, бир джау да кёбдю.
- Шекер бла туз – бир болмаз, ушамагъан – юй болмаз.
- Гугук кесини атын айтыб къычыргъанча, мен, мен деб нек тураса?
- Аууздан келген, къолдан келсе, ким да патчах болур эди.
- Келгинчи, къонакъ уялыр, келгенден сора, къонакъбай уялыр.
- Тёгюлген тюгел джыйылмайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Душманны тышы – акъ, ичи – къара.
- Тай асырагъан, атха минер.
- Ат да турмайды бир териде.
- Бетинги сатма, малынгы сат.
- Чакъырылмай келген къонакъ сыйланмай кетер.
- Ёлген ийнек сютлю болур.
- Билимли ёлмез, билимсиз кёрмез.
- Сыфатында болмагъаны, суратында болмаз.
- Билимсиз иш бармаз.
- Бети – къучакълар, джюреги – бычакълар.
- Ашда – бёрю, ишде – ёлю.
- Аманны эки битли тону болур, бирин сеннге кийдирир, бирин кеси киер.
Настоящая гордая Кумычка
Читают тему (гостей: 1)