- Джумушакъ терекни къурт ашар.
- Сабий кёргенин унутмаз.
- Биреуню тёрюнден, кесинги эшик артынг игиди.
- Хар зат кесини орнуна иги.
- Арбаз сайлама да, хоншу сайла.
- Ачыкъ джюрекге джол – ачыкъ.
- Кесинге джетмегенни, кёб сёлешме.
- Тёгюлген тюгел джыйылмайды.
- Уясында не кёрсе, учханында аны этер.
- Хата – гитчеден.
- Нафысынгы айтханын этме, намысынгы айтханын эт.
- Ишин билген, аны сыйын чыгъарады.
- Джигер – джаннга къыйынлыкъ.
- Ачлыкъда тары гырджын халыуадан татлы.
- Эки къатын алгъанны къулагъы тынгнгаймаз.
- Ойнай-ойнай кёз чыгъар.
- Джарлы тюеге минсе да, ит къабар.
- Ашхы атаны – джашы ашхы, ашхы ананы – къызы ашхы.
- Аман киши кеси юйюнде – къонакъ.
- Хар адамгъа кеси миннген тау кибик.
- Чомартха Тейри да борчлуду.
- Кийим тукъум сордурур.
- Эринчекни эр алмаз, эр алса да, кёл салмаз, кёл салса да, кёб бармаз!
- Юйюнг бла джау болгъандан эсе, элинг бла джау бол.
- Бети бедерден, намыс сакълама.
- Тенгни тенглиги джашай барсанг билинир.
- Бичгенде ашыкъма, тикгенде ашыкъ.
- Ауругъанны сау билмез, ач къарынны токъ билмез.
- Иги джашны ышаны – аз сёлешиб, кёб тынгылар.
- Арпа, будай – ащды, алтын, кюмюш а – ташды.
- Айырылгъанланы айю ашар, бёлюннгенлени бёрю ашар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёбню кёрген – кёб билир.
- Айтхан сёзюне табылгъан.
- Окъугъанны бети джарыкъ.
- Ишлегенде эринме, ишде чолакъ кёрюнме.
- Биреуню эскиси биреуге джангы болмайды.
- Азыгъы аз, алгъа къабар, аты аман, алгъа чабар.
- Къыз келсе, джумуш эте келеди, къатын келсе, ушакъ эте келеди.
- Эл ауузу – элек, анга ийнаннган – халек.
- Экеу тутушса, биреу джыгъылыр.
- Ач, тоймам, дейди, тойгъан, ач болмам, дейди.
- Болджал ишни бёрю ашар.
- Байлыкъ келсе, акъыл кетер.
- Кёб джашагъан – кёб билир.
- Ашхы тенг джолгъа салыр, аман тенг джолдан тайдырыр.
- Тёрде – темир таякълы, къаяда – чыпчыкъ аякълы.
- Намыс сатылыб алынмайды.
- Къая джолда джортма, ачыкъ сёзден къоркъма.
- Таукелге нюр джауар.
"Сворованная невеста"
25.10.2011 22:29:32
[b:577c81c1bf]Фортуна Фиделя[/b:577c81c1bf],
|
|||
|
|
25.10.2011 22:30:32
|
|||
|
|
26.10.2011 11:52:45
|
|||||
|
|
||||
Читают тему (гостей: 1)