- Тюзлюк тас болмайды.
- Берекет берсин деген джерде, берекет болур.
- Чабакъгъа акъыл, табагъа тюшсе келеди.
- Бюгюн дуния кибик, тамбла ахыратды.
- Бал – татлы, балдан да бала – татлы.
- Суу да къайтады чыкъгъан джерине.
- Къайгъыны сюйген, къайгъы табар.
- Джашны джигитлиги сорулур, къызны джигерлиги сорулур.
- Байлыкъ келсе, акъыл кетер.
- Кёб джашагъан – кёб билир.
- Ач отунчуну ачыуу – бурнунда.
- Таш бла ургъанны, аш бла ур.
- Тюзню ётмеги тюзде къалса да, тас болмаз.
- Къыз тиширыу кеси юйюнде да къонакъды.
- Шекер бла туз – бир болмаз, ушамагъан – юй болмаз.
- Ата джурт – алтын бешик.
- Хар зат кесини орнуна иги.
- Атадан ёксюз – бир ёксюз, анадан ёксюз – эки ёксюз.
- Чёбню кёлтюрсенг, тюбюнден сёз чыгъар.
- Эрни эр этерик да, къара джер этерик да, тиширыуду.
- Адеб этмеген, адеб кёрмез.
- Тойгъан джерге джети къайт.
- Гыдай эчки суугъа къараб, мюйюзле кёрмесе, джашма алкъын, дегенди.
- Алгъанда – джууукъ, бергенде – джау.
- Билим насыб берир, билим джолну керир.
- Джарлыны тону джаз битер.
- Айран тёгюлсе, джугъусу къалыр.
- Къыз чыгъаргъан – къызыл къымжа.
- Къолунгдан къуймакъ ашатсанг да, атаны борчундан къутулмазса.
- Малны кют, джерни тюрт.
- Къонакъ аман болса, къонакъбай джунчур
- Байны къызы баймакъ болса да, юйде къалмаз!
- Таула не мийик болсала да, аууш табылыр.
- Бек ашыкъгъан меннге джетсин, дегенди аракъы.
- Тили узунну, намысы – къысха.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъуусуз билим – джокъ, билимсиз кюнюнг – джокъ.
- Джырчы ёлсе, джыры къалыр.
- Татлы тилде – сёз ариу, чемер къолда – иш ариу.
- Асхат ашлыкъ сата, юйдегиси ачдан къата.
- Бозанг болмагъан джерге, къалагъынгы сукъма.
- Чакъырылмагъан къонакъ къачан кетерин сормаз.
- Биреуге аманлыкъ этиб, кесинге игилик табмазса.
- Адамны артындан къара сабан сюрме.
- Къонакъ хазыр болгъанлыкъгъа, къонакъбай хазыр тюлдю.
- Кеси юйюмде мен да ханма.
- Хар сёзню орну барды.
- Ишленмеген джаш – джюгенсиз ат, ишленмеген къыз – тузсуз хант.
- Бек анасы джыламаз.
- Иги сёз – джаннга азыкъ, аман сёз башха – къазыкъ.
Капитан Кулиев Кайсын Шуваевич
|
Капитан Кулиев К.Ш.
|
|
|
|
|
|
Тамбла Къайсынны туугъан кюнюдю.
|
|
|
|
|
«Я не поэт, я – стихотворец»!!! |
|
|
|
|
Алим Кешоков и Къайсын Кулиев.
Изменено: - 01.11.2012 00:11:22
|
|
|
|
|
|
|
|
|
|
|
|
Къайсынны туугъан кюнюне назмусун салама.
Изменено: - 31.10.2016 21:22:31
|
||||
|
|
|
|||
Читают тему (гостей: 1)