- Джаз бир кюнню джатсанг, къыш талай кюнню абынырса.
- Ариу сёз – къылычдан джити.
- Эл ауузу – элия.
- Кюн – узун, ёмюр – къысха.
- Халкъны джырын джырласанг, халкъ санга эжиу этер.
- Мен да «сен», дейме, сен да «кесим», дейсе.
- Адамны сыфатына къарама, сёзюне къара.
- Башда акъыл болмаса, эки аякъгъа кюч джетер.
- Туз, гырджын аша, тюзлюк бла джаша.
- Адебсиз адам – джюгенсиз ат.
- Чоюнну башы ачыкъ болса, итге уят керекди.
- Адеб джокъда, намыс джокъ.
- Ана къойну – балагъа джандет.
- Билгенни къолу къарны джандырыр.
- Ашыкъгъан cуу, тенгизге джетмез.
- Бал – татлы, балдан да бала – татлы.
- Ат да турмайды бир териде.
- Джюрекге ариу – кёзге да ариу.
- Биреуню тёрюнден, кесинги эшик артынг игиди.
- Джырына кёре эжиую.
- Къарт бла баш аша, джаш бла аякъ аша.
- Киштикге къанат битсе, чыпчыкъ къалмаз эди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабыр джетер муратха, сабырсыз къалыр уятха.
- Келлик заман – къартлыкъ келтирир, кетген заман – джашлыкъ ёлтюрюр.
- Джумушакъ терекни къурт ашар.
- Баш болса, бёрк табылыр.
- Ким бла джюрюсенг, аны кёзю бла кёрюнюрсе.
- Биреуге аманлыкъ этиб, кесинге игилик табмазса.
- Акъыллы башны – тили къысха.
- Юйлю уругъа ит чабмаз.
- Хата – гитчеден.
- Ариу сёз джыланны орнундан чыгъарыр.
- Керилген да, ургъан кибикди.
- Бек ашыкъгъан меннге джетсин, дегенди аракъы.
- Окъугъанны бети джарыкъ.
- Айтылгъан сёз ызына къайтмаз.
- Нарт сёз къарт болмаз.
- Окъугъан озар, окъумагъан тозар.
- Эте билген, этген этеди, эте билмеген, юретген этеди!
- Ач уят къоймаз.
- Этни да ашады, бетни да ашады.
- Тёрде – темир таякълы, къаяда – чыпчыкъ аякълы.
- Акъдан къара болмаз.
- Ойнай билмеген, уруб къачар.
- Ариу сёз – джаннга азыкъ, аман сёз – башха къазыкъ.
- Акъыллы – эл иеси, тели – эл баласы.
- Джюз элде джюз ёгюзюм болгъандан эсе, джюз джууугъум болсун.
- Тенгни тенглиги джашай барсанг билинир.
- Айыбны суу бла джууалмазса.
